බණ්ඩාරනායක ජාත්යන්තර ගුවන්තොටුපළ, හිරිකැටිය, ඇල්ල සහ අරුගම්බේ කේන්ද්ර කරගනිමින් විදේශීය සංචාරකයින්ට මෙන්ම දේශීය ගනුදෙනුකරුවන්ටත් වඩාත් පහසු ස්වයංක්රීය බැංකු සේවාවක්.
කොළඹ, ශ්රී ලංකාව: ශ්රී ලංකාවට පැමිණෙන විදේශීය සංචාරකයින්ට මෙන්ම දේශීය ගනුදෙනුකරුවන්ටද තමන්ට වඩාත්ම හුරුපුරුදු භාෂාවෙන් මුදල් තැන්පත් කිරීමට සහ මුදල් ආපසු ලබා ගැනීමට පහසුකම් සලසමින්, දිවයිනේ ප්රථම වරට භාෂා අටකින් ක්රියාත්මක වන ATM සහ CRM යන්ත්ර සේවාවක් හඳුන්වා දීමට DFCC බැංකුව පියවර ගෙන ඇත. දැනට බණ්ඩාරනායක ජාත්යන්තර ගුවන්තොටුපළේ පැමිණීමේ පර්යන්තයේ මෙන්ම හිරිකැටිය, ඇල්ල සහ අරුගම්බේ පිහිටි DFCC බැංකු පරිශ්රයන්හිදී සක්රිය කර ඇති මෙම යන්ත්ර මගින් සිංහල, දෙමළ, ඉංග්රීසි, ප්රංශ, චීන, රුසියානු, හින්දි සහ ජර්මන් යන භාෂා අටෙන්ම සේවා ලබාගත හැකි අතර, මෙය බැංකුවේ දිවයින පුරා පිහිටි DFCC බැංකු ශාඛා ATM ජාලය වෙතද ව්යාප්ත කර ඇත.
එදිනෙදා සිදුකරන සරලම මූල්ය ගනුදෙනු පවා සංකීර්ණ කරන භාෂාමය බාධාවන් මුළුමනින්ම ඉවත් කිරීමට මෙම පහසුකම නිසා හැකිවේ. මෙමගින් නුපුරුදු රටක සංචාරය කරන විදේශිකයින්ට නොදන්නා භාෂාවලින් ඇති බැංකු උපදෙස් තේරුම් ගැනීමට වෙහෙස නොවී පහසුවෙන්ම මුදල් ලබාගත හැකි වන අතර, දේශීය පාරිභෝගිකයින්ටද සිංහල, දෙමළ හෝ ඉංග්රීසි භාෂාවෙන් තම බැංකු ගනුදෙනු සිදුකරගත හැක.
මෙරටට පැමිණෙන විදේශීය සංචාරකයින්ට ශ්රී ලංකාවේ උණුසුම් ආගන්තුක සත්කාරය පූර්වයෙන්ම අත්විඳීමට ලැබෙන ප්රධානම අවස්ථාවක් ලෙස ගුවන්තොටුපළේ පිහිටි මෙම බහුභාෂා බැංකු සේවා ATM පහසුකම හඳුන්වා දිය හැක. එදිනෙදා අත්යවශ්ය සේවාවක් හරහා එවැනි පැහැදිලි හා හුරුපුරුදු අත්දැකීමක් ලබාදීම මගින් රටක් ලෙස විදේශිකයින් වෙත දක්වන ආගන්තුක සත්කාරය තවදුරටත් පුළුල් වන අතර, ලොව පුරා සංචාරකයින් විශාල වශයෙන් ආකර්ෂණය කරගන්නා හිරිකැටිය, ඇල්ල සහ අරුගම්බේ යන සංචාරක කලාප වෙතද මෙම පහසුකම ව්යාප්ත කිරීමෙන් එම විශිෂ්ට සේවා අත්දැකීම තහවුරු කෙරේ.
ශ්රී ලංකා සංචාරක සංවර්ධන අධිකාරියේ (SLTDA) දත්තයන්ට අනුව, 2025 වසරේදී මෙරටට සංචාරකයින් මිලියන 2.36ක් පැමිණ ඇති අතර, 2026 වසරේ මුල් මාස හය තුළදී පමණක් තවත් සංචාරකයින් මිලියන 1.15ක් පැමිණ ඇත. මෙලෙස මෙරට සංචාරක ක්ෂේත්රය ශ්රී ලංකා ආර්ථිකයේ වැදගත් කාර්යභාරයක් ඉටුකරමින් වර්ධනය වන පසුබිමක, විවිධ භාෂා සහ ජාතීන් නියෝජනය කරන සංචාරකයින් වෙනුවෙන් සපයනු ලබන මූල්ය පහසුකම්ද වඩාත් සරල හා ප්රවේශ වීමට පහසු සේවාවන් විය යුතු බව DFCC බැංකුව දැඩිව විශ්වාස කරයි.
මෙම යන්ත්ර භාවිතයේදී ගනුදෙනුව ආරම්භයේදීම තමන්ට හුරුපුරුදු භාෂාවක් තෝරාගෙන, එම භාෂාවෙන්ම තිරය මත දිස්වන උපදෙස් ඔස්සේ ඉතා සරලව බැංකු කටයුතු සිදුකරගැනීමේ හැකියාව විදෙස් ගනුදෙනුකරුවන්ට හිමිවේ. මෙහිදී DFCC බැංකුවේ ATM යන්ත්ර මගින් මුදල් ආපසු ලබාගැනීමටත්, CRM යන්ත්ර මගින් මුදල් තැන්පත් කිරීම මෙන්ම ආපසු ලබාගැනීම යන කාර්යයන් ද්විත්වයම සිදුකිරීමටත් පහසුකම් සලසා ඇත.
මෙම සුවිශේෂී පියවර පිළිබඳව අදහස් දක්වමින් DFCC බැංකුවේ ප්රධාන විධායක නිලධාරී තිමල් පෙරේරා මහතා මෙසේ පැවසීය:
“භාෂාව බාධාවක් වන තාක් කල් කිසිදු බැංකු සේවාවක් සැබෑ ලෙසම සැමට සමීප නොවේ. දේශසීමාවන් ඉක්මවා යන සේවාවක් ආරම්භ වන්නේ එම සේවාව භාවිතා කරන පුද්ගලයා කවුදැයි අවබෝධ කර ගැනීමෙන් සහ ඔවුන් මුහුණදෙන බාධක ඉවත් කිරීමෙන්ය. හුරුපුරුදු භාෂාවකින් සේවාවක් අපේක්ෂා කරන විදේශීය සංචාරකයෙකු වුවද, සිංහල, දෙමළ හෝ ඉංග්රීසී භාෂාවෙන් බැංකු ගනුදෙනු කිරීමට කැමති දේශීය ගනුදෙනුකරුවෙකුට වුවද එකසේ ගැලපෙන සේවාවක් නිර්මාණය කිරීම අපගේ අරමුණයි. තිරයක භාෂාව තෝරාගැනීමේ විකල්පය කුඩා දෙයක් ලෙස පෙනිය හැකි නමුත්, එය වඩාත් විශාල වෙනසක් සිදුවෙමින් පවතින බවට පැහැදිලි සංඥාවකි. ගනුදෙනුකරුවා තාක්ෂණයට අනුගත වීම වෙනුවට, තාක්ෂණය ගනුදෙනුකරුවාගේ අවශ්යතාවට අනුගත වීම මෙහි ඇති සුවිශේෂීම දියුණුවයි. එමගින් ඕනෑම අයෙකුට බාධාවකින් තොරව, ස්වාධීනව ගනුදෙනු කිරීමට හැකි විශ්වාසනීය පසුබිමක් නිර්මාණය වෙනවා.”
තවද සංචාරක ගමනාන්ත සහ ඊට සමගාමී ප්රධාන මධ්යස්ථානයන්ට ප්රමුඛතාව ලබාදෙමින්, මෙම බහුභාෂා පහසුකම බැංකුවේ දිවයින පුරා ATM සහ CRM යන්ත්ර ජාලයම ආවරණය වන පරිදි ව්යාප්ත කිරීමට DFCC බැංකුව පියවර ගනිමින් සිටී.