ශ්රී ලංකාව කෙරෙහි ජාත්යන්තර අවධානය වැඩි වශයෙන් යොමු වෙමින් පවතින පසුබිමක, Priceline/Booking.com හි සම නිර්මාතෘවරයෙකු වන ජෙෆ් හොෆ්මන් සමඟ සුවිශේෂී ගෝලීය ව්යාපාරික සංවාදයක යෙදෙමින්, ගෝලීය ව්යවසායකත්ව චින්තනය ශ්රී ලාංකික ප්රේක්ෂකයන් වෙත සමීප කිරීමට ස්ටෙෆාන් ද අල්විස් කටයුතු කරයි.
ශ්රී ලාංකේය ව්යාපාරික මාධ්ය ක්ෂේත්රයේ සහ ව්යවසායකත්ව නායකත්වයේ ඓතිහාසික සන්ධිස්ථානයක් සනිටුහන් කරමින්, ශ්රී ලාංකික ව්යවසායකයෙකු සහ ව්යාපාරික සන්නිවේදකයෙකු වන ස්ටෙෆාන් ද අල්විස් ‘The 3i Show’ හරහා ජාත්යන්තරයේ අවධානය ශ්රී ලංකාව දෙසට යොමු කිරීමට සමත්ව තිබේ. ඒ, ලොව ප්රකට ව්යවසායකයෙකු, ආයෝජකයෙකු සහ උපදේශකයෙකු වන ජෙෆ් හොෆ්මන් සමඟ සුවිශේෂී, ඉහළ පෙළේ සාකච්ඡාවක් පවත්වමිනි.
දේශීය ව්යවසායකත්ව අභිලාෂයන් සහ ඩොලර් බිලියන වටිනාකමකින් යුතු ගෝලීය ව්යාපාර අතර පරතරය යා කරමින්, ශ්රී ලංකාවෙන් බිහිවූ දේශීය වේදිකාවක් ලොව ප්රමුඛතම ව්යාපාරික නායකයන් සමඟ සෘජුවම සම්බන්ධ වන තීරණාත්මක සන්ධිස්ථානයක් ලෙස මෙම සංවාදය සනිටුහන් වේ.
ව්යවසායකත්වය, ආයෝජන සහ නවෝත්පාදනයන් පිළිබඳ ජාත්යන්තර සංවාදයන්හි ශ්රී ලංකාවට හිමි තැන වර්ධනය වන වටපිටාවක මෙම සාකච්ඡාව පැවැත්වීම සුවිශේෂී වේ. ජෙෆ් හොෆ්මන් මේ වන විටත් මෙරට ව්යාපාරික සහ ආර්ථික පද්ධතිය සමඟ සක්රීයව සම්බන්ධ වෙමින් සිටින අතර, ශ්රී ලංකා රජයේ නිල ආරාධනයකට අනුව මෙරටට පැමිණි ඔහු, මෙරට ව්යවසායකත්ව පද්ධතිය සහ එහි ඉදිරි වර්ධනයට දායක විය හැකි මාර්ග පිළිබඳව පරීක්ෂා කර බලමින් සිටියි. ඉහළ වටිනාකමකින් යුතු ආයෝජන, ව්යවසායකත්වය සහ නවෝත්පාදනයන් සඳහා නැඟී එන ආකර්ෂණීය ගමනාන්තයක් ලෙස ඉදිරියට ඒමට ශ්රී ලංකාව උත්සාහ කරන මෙවැනි මොහොතක, ඔහුගේ පැමිණීම සහ මැදිහත්වීම මෙරට ආර්ථික ගමනට මහත් ශක්තියක් මෙන්ම වටිනා ජාත්යන්තර මානයක් ද එකතු කරයි.
මෙම පසුබිම තුළ, ස්ටෙෆාන් ද අල්විස් ‘The 3i Show’ හරහා ජෙෆ් හොෆ්මන් සමඟ මෙම සාකච්ඡාව සංවිධානය කිරීම ශ්රී ලාංකේය ව්යාපාරික වේදිකාවක් ලබාගත් සුවිශේෂී ජයග්රහණයකි. ජාත්යන්තර මට්ටමේ වැදගත්කමක් ඇති සංවාදයන් ආරම්භ කිරීමට මෙන්ම ඒවා සාර්ථකව මෙහෙයවීමටත් ශ්රී ලාංකික වැඩසටහන් නිර්මාණකරුවන්ට සහ සම්මුඛ සාකච්ඡා මෙහෙයවන්නන්ට විශාල හැකියාවක් පවතින බව මෙමඟින් මනාව තහවුරු වේ.
මේ පිළිබඳව අදහස් දක්වමින් The 3i Show හි සම නිර්මාතෘ සහ නිවේදක ස්ටෙෆාන් ද අල්විස් මෙසේ පැවසීය. “මෙම සාකච්ඡාව වැදගත් වන්නේ මගේ ඉදිරියේ සිටින පුද්ගලයා නිසා පමණක් නෙමෙයි, එය ශ්රී ලංකාවට අත්කර දෙන වටිනාකම නිසයි. ඇමරිකානු ඩොලර් බිලියන ගණනක ගෝලීය ව්යාපාර ගොඩනඟා වර්ධනය කළ පුද්ගලයෙකුගෙන් සෘජුවම කරුණු දැන ගැනීමට මෙයින් අපගේ නරඹන්නන්ට අවස්ථාව හිමිවෙනවා. මට ‘The 3i Show’ ගොඩනැඟීමට අවශ්ය වූයේ ශ්රී ලංකාවේ සිට නව වාර්තාවක් තබමින්, අපගේ රට තුළ අනාගතය නිර්මාණය කරන වෙනස්කරන්නන් සහ ජාත්යන්තර ක්ෂේත්රය අතර ශක්තිමත් සබඳතාවක් ලෙස ක්රියා කිරීමටයි.”
Booking.com වැනි ලොව ප්රකට වෙළඳ නාමයන් පිටුපස සිටින, ගෝලීය සංචාරක තාක්ෂණ දැවැන්තයෙකු වන Priceline (Booking Holdings) හි සම නිර්මාතෘ ජෙෆ් හොෆ්මන්, ව්යවසායකත්වය, තාක්ෂණය සහ ආර්ථික වර්ධනය පිළිබඳ ජාත්යන්තර සංවාදයන්හි නිතර නිරත වන ප්රමුඛ පෙළේ පුද්ගලයෙකි.
මෙම සාකච්ඡාවේදී, ක්ෂණික තාක්ෂණික රැල්ල සහ සාර්ථක ගෝලීය ව්යාපාර අතර වෙනස, නැඟී එන වෙළඳපොළවල්වල සිට ව්යාපාර ගෝලීය මට්ටමට ගෙන යාමේ ක්රමවේද සහ දේශීය නවෝත්පාදකයන්ට ජාත්යන්තර ආයෝජන ලබාගත හැකි ආකාරය පිළිබඳව සාකච්ඡා කෙරිණි. ‘The 3i Show’ මඟින් පවත්වන ලද මෙම සංවාදය, ශ්රී ලංකාවේ ආර්ථික පුනර්ජීවනය කෙරෙහි ජාත්යන්තරයේ ඇති උනන්දුව පෙන්නුම් කරන වැදගත් අවස්ථාවකි.
ස්ටෙෆාන් ද අල්විස් ඉදිරිපත් කරන ‘The 3i Show’ හි ප්රධාන අරමුණ මෙම සංවාදයෙන් මනාව පැහැදිලි වේ. එනම්, ශ්රී ලංකාවේ සිට ජාත්යන්තරය දිනාගත හැකි ප්රබල වැඩසටහනක් නිර්මාණය කිරීමත්, ජාත්යන්තර තලයේ වැදගත් සංවාද මෙහෙයවීමට ශ්රී ලාංකිකයින්ට හැකියාව ඇති බව පෙන්වා දීමත් ය.
ජෙෆ් හොෆ්මන් සමඟ පැවැත්වූ ‘The 3i Show’ සම්පූර්ණ වැඩසටහන දැන් YouTube හි මෙන්ම ප්රධාන ඩිජිටල් ශ්රව්ය මාධ්ය ජාලා ඔස්සේ ද නැරඹිය හැක. (YouTube: “He Co-Founded the $140 Billion Company Behind Booking.com – Why 90% of AI Will Die | Jeff Hoffman”)
සංවාදය ජාත්යන්තර තලයේ වන අතර එහි අභිමානය ශ්රී ලාංකික වේ.