ලංකා ව්‍යාපාරික පුවත් - LBN
ජාතික තොරතුරු හා සන්නිවේදන තාක්ෂණ විසඳුම් සම්පාදකවන SLT-MOBITEL මෙවර වෙසක් මංගල්‍යය නිමිත්තෙන් සුවිශේෂී QR කේත වැඩසටහනක් ක්‍රියාවට නංවා තිබේ. මෙම වැඩසටහන 2024 මැයි 22 සිට 29 දක්වා ක්‍රියාත්මක වීමට නියමිත අතර, මෙහිදී ලෝටස් පාර, චැතම් වීදිය, කළුතර බෝධිය, බෙල්ලන්විල රජමහා විහාරය, පිලවල විහාරය සහ ගාලු මුවදොර වෙසක් කලාපය යන ස්ථානවල වෙසක් සැරසිලි අතර ඇති වෙසක් කූඩුවල සඳහන් QR කේත ස්කෑන් කිරීම මගින් ත්‍රිපිටකය වෙත පිවිසීමට හැකියාව ලැබේ.
මෙය වෙසක් මංගල්‍යයේ අසිරිය අත්විඳින අතරම උතුම් වූ ධර්මය අවබෝධ කරගැනීමට බැතිමතුන්ට අවස්ථාව සලසා දෙන සුවිශේෂී පියවරක් වනු ඇත.
සම්ප්‍රදායත් තාක්ෂණයත් එක්තැන් කරන මේ සුවිශේෂී වැඩසටහන සමග ඔබත් අත්වැල් බැඳගන්න.
