ලංකා ව්‍යාපාරික පුවත් - LBN
ජාතික තොරතුරු හා සන්නිවේදන තාක්ෂණ විසඳුම් සම්පාදක SLT-MOBITEL සිය Fibre-to-the-Home (FTTH) සම්බන්ධතා පෙර නොවූවිරූ තරම් වේගවත් කිරීමේ අරමුණින් ‘Life at 300 Mbps’ හඳුන්වා දී ඇත. වඩාත් වේගවත් අන්තර්ජාල සම්බන්ධතා සඳහා ඇති ඉල්ලුම සපුරාලීමේ අරමුණින් හඳුන්වා දෙන ලද මෙය 2024 ජනවාරි මස 01 වන දින සිට ක්‍රියාත්මක් වේ.
දැනටමත් Fibre සම්බන්ධතා හිමි සියලුම පාරිභෝගිකයන්ට මෙන්ම අලුතින් මාසික පැකේජ සහිතව Fibre සම්බන්ධතා ලබාගන්නා පාරිභෝගිකයන්ටද ‘Life at 300 Mbps’ හිමිවනු ඇත. මේ යටතේ පාරිභෝගිකයන්ට කිසිදු අමතර ගාස්තුවකින් තොරව 300Mbps broadband speeds සහ 150Mbps upload speeds හිමිවන අතර, පාරිභෝගිකයන් විශාල පිරිසක් අන්තර්ජාලය භාවිතාකරන අවස්ථාවලදී වුවද වේගය නොවෙනස්ව පවත්වා ගැනීමට හැකි වීම සඳහා තම ධාරිතාවන් වැඩිදියුණු කිරීමටද SLT-MOBITEL පියවර ගෙන තිබේ.
මේ ආකාරයට දෛනික ජීවිතයේ කටයුතුවලට අතිශයින් වැදගත්වන අධිවේගී අන්තර්ජාල පහසුකම් හිමි වීමට අමතරව නව පාරිභෝගිකයන්ට වටිනා ත්‍යාගද පිරිනැමීමට SLT-MOBITEL සැලසුම්කර ඇත.
අධිවේගී අන්තර්ජාල සම්බන්ධතාවක් යනු නවීන ජීවන රටාවන්ගේ අනිවාර්ය අංගයකි. තාක්ෂණයේ දියුණුවට සමගාමීව පාරිභෝගිකයන්ට තම කටයුතු සඳහා ඉහළ Bandwidth මට්ටමක්ද අවශ්‍ය වේ. 2024 නව වසරේ ආරම්භයේදීම ‘Life at 300Mbps’ හඳුන්වා දීමට SLT-MOBITEL පියවර ගත්තේ මෙම සාධක සැලකිල්ලට ගනිමිනි.
මෙම අධිවේගී අන්තර්ජාල සම්බන්ධතා පහසුකම් මගින් පාරිභෝගිකයන්ට සිත් සේ වීඩියෝ නැරඹීම, අන්තර්ජාල ක්‍රීඩාවල නිරත වීම, ඩවුන්ලෝඩ් කිරීම සහ වීඩියෝ ඇමතුම් ලබාගැනීම ඇතුළු ක්‍රියාකාරකම් රාශියක් වඩාත් පහසුවෙන් හා කාර්යක්ෂම ලෙස සිදුකිරීමට හැකි වනු ඇත. මේ ආකාරයට වඩාත් වේගවත් ලෙස අන්තර්ජාල ක්‍රියාකාරකම්වල නිරත වීමට හැකි වීම ඩිජිටල් යුගය තුළ ඕනෑම පුද්ගලයෙකුට හිමිවන සුවිශේෂී වාසියකි.
අන්තර්ජාල පහසුකම් උදෙසා පවතින ඉල්ලුම නො-අඩුව සපුරාලීමේ උත්සාහය තුළ මෙවැනි නවීන සේවා හඳුන්වා දීමට SLT-MOBITEL නිරන්තරයෙන් කටයුතු කරයි. 300Mbps වේගයක් සමගින් ඩිජිටල් යුගයේ අධි-ක්‍රියාකාරී අන්තර්ජාල සේවා සම්බන්ධයෙන් වෙළඳපොළේ ප්‍රමුඛයා ලෙස තම තත්ත්වය තවදුරටත් තහවුරු කරගැනීමට SLT-MOBITEL සමත් වනු ඇත.
