ලංකා ව්‍යාපාරික පුවත් - LBN
ජාතික තොරතුරු හා සන්නිවේදන තාක්ෂණ විසඳුම් සම්පාදක වන SLT-MOBITEL, රටේ 75 වැනි නිදහස් සැමරුම වෙනුවෙන් බ්‍රෝඩ්බෑන්ඩ් පාරිභෝගිකයන්ට 75GB YouTube ඩේටා නොමිලේ ලබාදීමට පියවර ගෙන ඇත.
තම පාරිභෝගිකයන්ට විවිධ වාසි සහ දීමනා පිරිනැමීමට SLT-MOBITEL සෑම විටම කටයුතු කරන අතර, මෙම YouTube ඩේටා දීමනාව එහි තවත් පියවරකි. තම සේවාවන් කෙරෙහි විශ්වාසය තබන පාරිභෝගිකයන් අගය කිරීමක් වශයෙන්, රටේ 75 වැනි නිදහස් සැමරුම වෙනුවෙන් මෙම දීමනාව පිරිනැමීමට SLT-MOBITEL කටයුතු යොදා තිබේ.
2023 පෙබරවාරි 01 දින සිට 2023 පෙබරවාරි 04 දින දක්වා වලංගු වන මෙම දීමනාව, සක්‍රීය කිරීමෙන් පසු දින 7 ක් දක්වා වලංගු වනු ඇත. මෙය ලබාගැනීම සඳහා පාරිභෝගිකයන් කළ යුතු වන්නේ MySLT App/Portal වෙත ගොස් සක්‍රීය කරගැනීම පමණි. ප්‍රධාන මෙනුවේ Data Add-Ons යටතේ Independence Day Free offer ලෙස මෙය දක්වා ඇත. YouTube සම්බන්ධ සියලුම ක්‍රියාකාරකම් සඳහා මෙම දත්ත භාවිතා කළ හැකි වේ.
දේශීය සමාගමක් වශයෙන්, තම පාරිභෝගිකයන් සමග නිරන්තරයෙන් සමීප සම්බන්ධතාවක් පවත්වාගත යුතු බව SLT-MOBITEL විශ්වාස කරයි. මෙවැනි දීමනා හඳුන්වා දීමට SLT-MOBITEL කටයුතු කරනුයේ එබැවිනි. ඒ අනුව, www.sltmobitel.lk වෙත පිවිසීමෙන් පාරිභෝගිකයන් මේ පිළිබඳ වැඩිදුර තොරතුරු ලබාගත හැකි වේ.
