ලංකා ව්‍යාපාරික පුවත් - LBN
ශ්රී ලංකාවේ ප‍්‍රමුඛතම පුද්ගලික අංශයේ බැංකුව වන හැටන් නැෂනල් බැංකුව, සිය තිරසාර ගමන්මගේ සුවිශේෂී සන්ධිස්ථානයකට ළඟා වෙමින්, 2022 වසර සඳහා සිය සියලූ මෙහෙයුම් හරහා කාබන් ශුන්‍යතා සහතිකය ලබා ගත් ප‍්‍රථම බැංකුව බවට පත්වෙමින් සාර්ථක වසරක් නිමා කළේය. මෙම වැඩපිළිවෙල HNB ප්රධාන කාර්යාලයේ මෙන්ම සිය ශාඛා 255 පුරාවට ද කි‍්‍රයාත්මකය.
මහවැලි සංවර්ධන අධිකාරිය සහ පරිසර අමාත්‍යාංශය යටතේ ක‍්‍රියාත්මක වන ශ්රී ලංකා දේශගුණික අරමුදල (SLCF) විසින් HNB හි කාබන් ශුන්‍ය තත්වය නිල වශයෙන් පිළිගෙන ඇත. SLCF විසින් බැංකුවේ කාබන් පියසටහන ISO 14064-1-2018 ප‍්‍රමිතියට අනුව ගණනය කරන ලද අතර, ඒ සඳහා සෘජු සහ වක‍්‍ර විමෝචනය ඇතුළත් විමෝචන ප‍්‍රභව 10ක් සලකා බලන ලදී. Climate Smart Initiatives (Pvt) Ltd විසින් ISO 14064-3-2018 මාර්ගෝපදේශ මාලාවට අනුකූලව ස්වාධීන තෙවන පාර්ශවීය සහතික කිරීමක් සිදු කරන ලද අතර, ගෞරවනීය ISO 14064 සහතිකය බැංකුව වෙත පිරිනැමීමට එය හේතු විය.
මෙම වැදගත් සන්ධිස්ථානය පිළිබඳ අදහස් දක්වමින් HNB කළමනාකාර අධ්‍යක්ෂ/ප්රධාන විධායක නිලධාරී ජොනතන් අලස් මහතා පැවසුවේ ”කාබන් ශුන්‍ය තත්වය යනු හරිතවත් හා වඩා තිරසාර අනාගතයක් සඳහා වන අපගේ ස්ථිර කැපවීම පිළිබඳ සාක්ෂියක්. එය අපගේ මූලික වටිනාකම්වල පිළිබිඹුවක් වන අතර අපගේ ලෝකයේ යහපැවැත්මට සුබවාදී ලෙස දායක වීමේ අපගේ මෙහෙවරේ සැලකිය යුතු ඉදිරි පියවරක් ලෙස පෙන්වා දි හැකියි.
”තිරසාරභාවය සාමූහික වගකීමක් බවත් සෑම කුඩා ක‍්‍රියාවක්ම එහිදී වැදගත් බවත් අපි තරයේ විශ්වාස කරනවා. අපගේ සාමූහික ප‍්‍රයත්නයන් සහ අපගේ සියලූ පාර්ශ්වකරුවන්ගේ පොදු දැක්ම තුළින් අප මෙම විශිෂ්ට ජයග‍්‍රහණය ලබා ගත්තා. එබැවින්, මෙම වැදගත් සන්ධිස්ථානය පිළිබඳව අපි ඉහළින්ම සතුටු වන අතර, බැංකු ක්ෂේත‍්‍රය තුළ පාරිසරික වගකීම් සඳහා නව මිණුම් සලකුණු සැකසීමේ අරමුණින් තිරසාර භාවිතයන් සඳහා නව්‍යකරණයන් වෙනුවෙන් අඛණ්ඩව ආයෝජනය කිරීමට බලාපොරොත්තු වනවා.”
