2026 FIFA පාපන්දු ලෝක කුසලාන තරඟාවලිය පසුගියදා ආරම්භ වූයේ ලෝකය පුරා ක්රීඩා ලෝලීන්ගේ ආකර්ෂණය දිනා ගනිමිනි. ඇමෙරිකා එක්සත් ජනපදය. කැනඩාව සහ මෙක්සිකෝව යන රටවල් 3හිදී පැවැත්වෙන මෙවර තරඟාවලියේ නිල සිසිල් බීම සහකරු ලෙස කොකා-කෝලා කටයුතු කරන්නේ වසර 50කට ආසන්න කාලයක් පාපන්දු ලෝක කුසලාන තරඟාවලි 12ක් සමඟ එක් වීමේ අභිමානයද තමන් සතු කර ගනිමිනි.
මෙවර තරඟාවලිය, සත්කාරක රටවල් තුනක් පුරා කණ්ඩායම් 48ක් තරඟ වදින ඉතිහාසයේ විශාලතම පාපන්දු ලෝක කුසලාන තරඟාවලියයි. මෙයට සමගාමීව කොකා-කෝලා සමාගම දියත් කර ඇති Feel it all නමැති ගෝලීය ප්රචාරණ ව්යාපාරය මඟින් පාපන්දු ක්රීඩාවක් පමණක් නොව ප්රේක්ෂකයින්ගේ හැඟීමක් බව පෙන්වා දෙයි. තරඟයකට පෙර දැනෙන දැඩි බලාපොරොත්තුව, නොඉවසිලිමත් බව සහ අවසාන මිනිත්තුවේදී ලබාගන්නා ජයග්රාහී ගෝලයකින් ඇති වන නිම්හිම් නැති සතුට ඊට හේතුවයි.
ශ්රී ලාංකික ප්රේක්ෂකයින්ට මෙම තරඟාවලියේ උණුසුම විඳගැනීමට සිදුවන්නේ මධ්යම රාත්රියේ සහ අළුයම් කාලයේදීය. උතුරු ඇමරිකාවේ සිට තරඟ සජීවීව විකාශනය කෙරෙන බැවින්, ලංකාව පුරා සිටින පාපන්දු ලෝලීන් නිවෙස්වල, කඩ සාප්පු සහ රැකියා ස්ථානවල මධ්යම රාත්රියේ සිට අලුයම වනතුරු රූපවාහිනී තිර වටා එක්වී මෙම දැවැන්ත තරඟාවලියේ ආශ්වාදය ලොව පුරා සිටින මිලියන සංඛ්යාත ප්රේක්ෂකයින් සමඟින් බෙදාගනු ඇත.
ලොව පුරා සිටින ජනතාව ප්රබෝධමත් කරමින් සිය 140 වන සංවත්සරය සමරන කොකා-කෝලා සමාගමට 2026 වසරේ මෙම සන්ධිස්ථානය ඉතා වැදගත් වේ. මෑතකදී ශ්රී ලංකාව තුළ ද ඔවුන් මෙම සුවිශේෂී උරුමය අභිමානයෙන් යුතුව සමරන ලදී.
මේ සම්බන්ධයෙන් අදහස් දැක්වූ සමාගමේ ශ්රී ලංකාවේ හා මාලදිවයිනේ ප්රධානී මාරියෝ පෙරේරා මහතා සඳහන් කර සිටියේ “2026 පාපන්දු ලෝක කුසලානයේ උණුසුම ලොව පුරා ප්රේක්ෂකයින් මෙන්ම දහස් සංඛ්යාත ශ්රී ලාංකේය ක්රීඩා ලෝලීන්ද අත් විඳිමින් සිටිනවා. වසර 50කට ආසන්න කාලයක් මේ ආකාරයේ දැවැන්ත පාපන්දු ලෝක කුසලාන තරඟාවලි සඳහා අනුග්රහය ලබා දීමට කොකා-කෝලා සන්නාමයට හැකි වූ අතර 2026 තරඟාවලිය සඳහාද දායක වීමට ලැබීම පිළිබඳව ඉතාමත් සතුටුයි.” යනුවෙනි.
රටවල් 30ක් සහ නගර 75ක් ආවරණය කරමින් පැවැත්වෙන විශාලතම FIFA ලෝක කුසලාන කුසලාන සංචාරය ගෝලීය වශයෙන් සංවිධානය කර ඇත කොකා-කෝලා සන්නාමය ලොව සුපිරි පාපන්දු ක්රීඩකයින්ගේ රූප ඇතුළත් ස්ටිකර් එකතු කිරීම සඳහා Panini featuring ආයතනය සමඟ සුවිශේෂී හවුල්කාරිත්වයක් ඇති කර ගැනීමටද කටයුතු කර ඇත.