ලංකා ව්‍යාපාරික පුවත් - LBN
COVID-19 ගෝලීය වසංගතය අතරතුර ගනුදෙනුකරුවන්ට සහ ව්‍යාපාරවලට, අතවශ්‍යය බැංකු කටයුතු සඳහා අඛණ්ඩව ප‍්‍රවේශ වීමට සහාය වීම සඳහා විවධ පාර්ශ්වයන් සමඟ හවුල්කාරීත්වයන් ඇතිකර ගනිමින් නව ඩිජිටල් මුල්‍ය සේවා රැසක් හැටන් නැෂනල් බැංකුව හඳුන්වා දෙන ලදී.
කොවිඞ් ආසාදිතයින් සංඛ්‍යාව වැඩි වීමේ ප‍්‍රවණතාවක් පෙන්නුම් කළ අවස්ථාවේදී එම තත්වය අවම කිරීම රටේ සියලූ දෙනා අපේක්ෂා කළ හෙයින්, ශේෂයන් පරීක්ෂා කිරීමේ සිට අරමුදල් මාරු කිරීම හා බිල්පත් ගෙවීම දක්වා වූ සියල්ල ඇතුලත්ව සියලූම අවශ්‍යතා සපුරා ගැනීම සඳහා අන්තර්ජාලය, ජංගම දුරකතනය සහ ඩිජිටල් මාධ්‍ය වෙත මාරු වීමට HNB සියලූම ගනුදෙනුකරුවන් දිරිමත් කළේය.
නිවෙස් වෙතට ගොස් භාණ්ඩ බෙදා හැරීමේ සේවාවන්හි පහසුව වැඩි කිරීමේ හදිසි අවශ්‍යතාවයට සහාය වෙමින් හා දෛනික අත්‍යවශ්‍යය භාණ්ඩ පාරිභෝගිකයින්ගේ නිවෙස් වෙත පහසුවෙන් හා ආරක්ෂිතව බෙදා හැරීම සහතික කරමින් බැංකුව Pick Me, Uber Eats සහ Wasi.lk සමඟ එක් විය. බෙදා හැරීමේ අවස්ථාවේදී භෞතික සම්බන්ධතා අවශ්‍යතාවය අවම කිරීම සඳහා මෙම සේවාවන් සඳහා වන ගෙවීම් HNB ණය හා හර කාඞ්පත් සමඟ සම්බන්ධ කෙරිණි.
මීට අමතරව බැංකුව විසින් දියත් කළ ජංගම ස්වයංක‍්‍රීය ටෙලර් යන්ත‍්‍ර සේවාව මගින් කාඞ්පත් හෝ online මගින් ගෙවීම් භාර නොගන්නා වෙළෙඳුන් සමඟ ගනුදෙනු කිරීම සඳහා HNB හා HNB නොවන ගනුදෙනුකරුවන් 7000කට වැඩි පිරිසකට මේ දක්වා සමස්තයක් ලෙස රුපියල් මිලියන 100කට වැඩි මුදල් ආපසු ලබා ගැනීමේ පහසුකම් සැපයීමට සමත් විය. කොළඹ, ගම්පහ, කළුතර, පුත්තලම, මහනුවර සහ යාපනය ඇතුළු ඇඳිරි නීතිය අඛණ්ඩව පැවති ප‍්‍රදේශවල මෙම සේවාවන් විශේෂයෙන් ආරම්භ කරන ලදී.
ශ්‍රී ලාංකික ව්‍යාපාර සඳහා සහයෝගය ලබා දීම
කුඩා හා මධ්‍ය පරිමාණ ව්‍යාපාර සක‍්‍රීය කිරීම සඳහා වන හදිසි අවශ්‍යතාවයකට ප‍්‍රතිචාර දක්වමින්, එවැනි ව්‍යාපාරවලට HNB SOLO පරිශීලකයින්ගේ කාඞ් සහ QR කේත හරහා ගෙවීම් භාර ගැනීමේ හැකියාව ලබා දීම සඳහා, බැංකුව විසින් HNB MOMO හා HNB SOLO වැනි නිෂ්පාදන ව්‍යාපාරයන් සඳහා හඳුන්වා දීම පුළුල් කරන ලදී.
ඒ හා සමානව, බැංකුව සිය හිමිකාර AppiGo අවකාශයට පිවිසීමට අවස්ථාව පුළුල් කළ අතර එමඟින් වෙළෙන්දන්ට පුළුල් හා පූර්ණ ක‍්‍රියාකාරී අන්තර්ජාල සේවාවක් පෙර සූදානමකින් තොරව විනාඩි 15ක් වැනි සුළු කාලයකින් ආරම්භ කළ හැකි විය.
ආයතනවලට හා පාසල්වලට ගාස්තු සහ ගෙවීම් අන්තර්ජාලය හරහා භාරගැනීමට හැකි වන පරිදි බැංකුව myfees.lk වේදිකාවට ප‍්‍රවේශය ස්ථාපිත කළේය. මීට අමතරව, ගෙවීම් (payment acceptance) සඳහා අන්තර්ජාල ගෙවීමේ පිවිසුම (Internet Payment Gateway (IPG)යන විසඳුම ඒකාබද්ධ කිරීමෙන් ඔවුන්ගේ නිෂ්පාදන කෙලින්ම විකිණීම මගින් විශාල සමාගම්වලට තම පාරිභෝගිකයින් වෙත ළඟා වීමට බැංකුව අවස්ථාව සලසන ලදී.
පෙර නොවූ විරූ අභියෝගයන්ගෙන් යුත් මෙම කාල පරිච්ෙඡ්දය තුළ ඔවුන්ට සහයෝගය දැක්වීමට HNB පූර්ණ වශයෙන් කැපවී සිටි බව අපගේ සියලූම ගනුදෙනුකරුවන්ට සහතික කිරීමට අපි කැමැත්තෙමු. ඒ සම්බන්ධයෙන්, අපගේ සියලූම ගනුදෙනුකරුවන්ට ශාරීරික දුරස්ථභාවය පවත්වා ගනිමින් එකිනෙකට ආරක්ෂිතව හා සෞඛ්‍ය සම්පන්නව සිටීමට උපකාර කරමින් ඔවුන්ගේ සියලූම බැංකු අවශ්‍යතා කළමනාකරණය කිරීම සඳහා HNB හි අන්තර්ජාල සහ ජංගම බැංකුකරණය වෙත මාරු වන ලෙස අපි ඔවුන්ව දිරිමත් කළෙමු. එසේම, අපගේ HNB පාරිභෝගික සම්බන්ධතා සහාය මධ්‍යස්ථානය (Connect customer support centre) සතියේ දින හතේම පැය 24 පුරා ක‍්‍රියාත්මක වූයේ ගනුදෙනුකරුවන්ට අවශ්‍ය සහාය ලබා දීම සඳහාය,’’ යනුවෙන් HNB හි පාරිභෝගික බැංකු කටයුතු සහ කුඩා සහ මධ්‍ය පරිමාණ බැංකු කටයුතු පිළිබඳ නියෝජ්‍ය සාමාන්‍යධිකාරී, සන්ජේ විජේමාන්න මහතා පැවසුවේය.
මේ අතර, අන්තර්ජාල බැංකු සේවාවන්ට ප‍්‍රවේශ වීමේ දුෂ්කරතාවන්ට මුහුණ දී සිටින සියලූම ගනුදෙනුකරුවන්ට, ස්වයංක‍්‍රීය ටෙලර් යන්ත‍්‍ර ජාලය මුදල් තැන්පත් කිරීම සහ මුදල් මාරු කිරීම, ජංගම දුරකතන බිල්පත් රීලෝඞ් කිරීම හා බිල්පත් ගෙවීමට ද යොදා ගන්නා ලෙස HNB නිර්දේශ කර තිබුණි.
