සෙලාන් බැංකුව නවතම Loyalty වැඩසටහනක් හඳුන්වා දෙයි

සුහද හදක් ඇති දේශීය බැංකුව, සෙලාන් බැංකුව, සිය ගනුදෙනුකරුවන් වෙනුවෙන් නවතම Loyalty වැඩසටහනක් හඳුන්වා දීමට පියවර ගෙන තිබේ. මෙම වැඩසටහන යටතේ සෙලාන් බැංකුවේ Visa Signature, World Mastercard සහ Visa Platinum කාඩ්පත් හිමියන්ට, එම කාඩ්පත් භාවිතයෙන් ගනුදෙනු සිදුකරන ආකාරය අනුව ලකුණු හිමි වන අතර, ඒ ඔස්සේ අලෙවිසැල් රැසකදී ඔවුන්ට විවිධ ප්‍රතිලාභ හිමි වේ.

“මෙය අපගේ කාඩ්පත්හිමියන් බොහෝ දෙනෙකු අපේක්ෂාවෙන් සිටි ආකාරයේ  Loyalty වැඩසටහනක්. අපගේ කාඩ්පත් මගින් ලැබෙන අනෙකුත් ප්‍රතිලාභවලට අමතරව Loyalty වැඩසටහනක්ද දියත් කිරීමට හැකි වීම සම්බන්ධයෙන් අප බෙහෙවින් සතුටු වනවා. අපගේ කාඩ්පත්හිමියන් ඉමහත් උනන්දුවකින් යුතුව මෙහි ප්‍රතිලාභ අත්විඳිනු ඇති බවට සැකයක් නැහැ.” සෙලාන් බැංකුවේ කාඩ්පත් ප්‍රධානී රුචිත් ලියනගේ මහතා පැවසී ය.

මෙම වැඩසටහන යටතේ සෙලාන් Visa Signature සහ World Mastercard කාඩ්පත් හිමියන්ට, ඔවුන් වැය කරන සෑම රු. 100/- කටම ලකුණු 1 බැගින් හිමි වන අතර, Visa Platinum කාඩ්පත් හිමියන්ට සෑම රු. 300/- කටම ලකුණු 1 බැගින් හිමි වේ. වැය කරන මුදලට සාපේක්ෂව එක්රැස් වන ලකුණු ප්‍රමාණය වැඩි වනු ඇත.

මෙම Loyalty වැඩසටහන තුළින් හිමි වන ප්‍රතිලාභ සැලසුම් කර ඇත්තේ සෙලාන් බැංකු කාඩ්පත් හිමියන්ගේ ජීවන රටාවන් සැලකිල්ලට ගනිමිනි. හෝටල්, ආපනශාලා, සංචාරක සේවා සමාගම්, ඇඟලුම් හා විලාසිතා අලෙවිසැල් සහ පාරිභෝගික භාණ්ඩ අලෙවිසැල් ඇතුළු ව්‍යාපාර රැසක් මේ සඳහා සෙලාන් බැංකුව සමග අත්වැල් බැඳගෙන සිටී.

www.seylancardsrewards.com වෙත පිවිසීමෙන් හෝ 011 200 88 88 අංකය ඇමතීමෙන් සෙලාන් බැංකුවේ කාඩ්පත් හිමියන්ට මෙම වැඩසටහන පිළිබඳ වැඩිදුර තොරතුරු දැනගත හැකි වේ.