සිය ගනුදෙනුකාරභවතුන්ට උසස් තත්ත්වයේ සේවාවන් සැපයීමට දරන උත්සාහය අඛණ්ඩව පවත්වා ගෙන යමින් හැටන් නැෂනල් බැංකුව, පාර්ක්වේ හොස්පිට්ල්ස් සමඟ වන සිය සුවිශේෂී හවුල්කාරීත්වය දීර්ඝ කළේය. මෙම හවුල්කාරීත්වයේ කොටසක් ලෙස HNB සිය පුද්ගලික බැංකුකරණ සේවාදායකයින්ට ලොව උසස්ම තත්ත්වයේ වෛද්ය ප්රතිකාර සඳහා විශේෂ ප්රවේශයක් ලබා දෙනු ඇත.
ලොව පිළිගත් IHH Healthcare සමූහයේ කොටසක් වන පාර්ක්වේ හොස්පිට්ල්ස් සමඟින් HNB ප්රථම වරට හවුල්කාරීත්වයට එළඹුණේ 2019 වසරේදී වන අතර එම හවුල්කාරීත්වය බැංකුවේ පුද්ගලික බැංකු සේවාවන්ට කැපී පෙනෙන වටිනාකමක් එක් කිරීමට සමත් විය. මෙම හවුල්කාරීත්වය හරහා පුද්ගලික බැංකුකරණ සේවාදායකයින්ට පාර්ක්වේ හොස්පිට්ල්ස් හි උසස් වෛද්ය සේවාවන් සෘජුවම ලබා ගත හැකිය. මෙම සේවාවන්ට ජාත්යන්තර රෝගී සත්කාර සේවා සඳහා විශේෂ සහාය, උපදේශන, ප්රතිකාර සහ වෙනත් වෛද්යවරයෙකු හෝ විශේෂඥයෙකුගේ උපදෙස් ලබා ගැනීම ආදිය ඇතුළත් වේ.
මේ පිළිබඳව අදහස් දක්වමින් HNB උප සභාපති/පුද්ගලික බැංකුකරණ ප්රධානී මිෂෙල් ද සිල්වා මහත්මිය පැවසුවේ “මෙම හවුල්කාරිත්වය හරහා අපගේ පුද්ගලික බැංකුකරණ ගනුදෙනුකරුවන්ට ආසියාවේ ඉහළම සුව සේවා ආයතනයක් වන පාර්ක්වේ හොස්පිට්ල්ස් වෙත විශ්වාසදායක ප්රවේශයක් ලබා දීමට හැකිව තිබෙනවා. මෙය අපගේ ගනුදෙනුකරුවන්ගේ සමස්ත යහපැවැත්මට සහාය වීමට සහ එක් එක් පුද්ගලයාට වඩාත් ගැලපෙන සේවාවන් ලබා දීමට අපගේ කැපවීම මැනවින් පෙන්නුම් කරනවා.” යනුවෙනි.
පාර්ක්වේ හොස්පිට්ල්ස් ජාලයට සිංගප්පූරුවේ ඉහළම රෝහල් කිහිපයක් ඇතුළත් වේ. ඒවා අතර මවුන්ට් එළිසබෙත් රෝහල (Mount Elizabeth Hospital), මවුන්ට් එළිසබෙත් නොවීනා රෝහල (Mount Elizabeth Novena Hospital), Gleneagles Hospital සහ Parkway East Hospital වේ.
“පුද්ගලික බැංකුකරණ ගනුදෙනුකරුවන්ට නිදහසේ සහ ඔවුන්ගේ යහපැවැත්ම උදෙසා විශිෂ්ට සුව සේවා වෙත බාධාවකින් තොරව ප්රවේශය ලබා දීම සඳහා HNB සමඟ අපගේ හවුල්කාරිත්වය අඛණ්ඩව පවත්වාගෙන යාමට ලැබීම ගැන අපි සතුටු වනවා.’’ යනුවෙන් පාර්ක්වේ හොස්පිට්ල්ස් ශ්රී ලංකා ප්රධානී Shuvo Hridayesh මහතා පැවසුවේය.