ලංකා ව්‍යාපාරික පුවත් - LBN
ජාතික තොරතුරු හා සන්නිවේදන තාක්ෂණ විසඳුම් සම්පාදක SLT-MOBITEL, සිය Home Broadband පාරිභෝගිකයන් සියලුමදෙනාට මධ්‍යම රාත්‍රියේ සිට පෙරවරු 7.00 දක්වා නොමිලේ අසීමිත ඩේටා පහසුකම් ලබාදීමට පියවර ගෙන තිබේ. ක්‍රමයෙන් වැඩිවන පාරිභෝගික ඉල්ලීම්වලට ප්‍රතිචාර දැක්වීමක් වශයෙන් SLT-MOBITEL ගත් පියවර මෙරට දුරකථන සන්නිවේදන ක්ෂේත්‍රය පරිවර්තනයකට ලක්කරන සුවිශේෂී සන්ධිස්ථානයක් වනු ඇත.
පාරිභෝගික අවශ්‍යතා හඳුනාගමින්, මාසික පැකේජ භාවිතාකරන සියලුම SLT-MOBITEL පාරිභෝගිකයන්ට මෙන්ම ඉදිරියේදී මාසික පැකේජ සහිතව අලුතින් අන්තර්ජාල සම්බන්ධතා ලබාගන්නා සියලුම පාරිභෝගිකයන්ට මෙම ‘Midnight Thriller’ ක්‍රමය යටතේ රාත්‍රී කාලයේ අන්තර්ජාල පහසුකම් සීමා සහ ගාස්තුවලින් තොරව නොමිලේ හිමි වේ. මෙය රාත්‍රී කාලයේ ගීත ඇසීම, වීඩියෝ නැරඹීම, අන්තර්ජාල ක්‍රීඩාවල යෙදීම සහ ඩවුන්ලෝඩ් කිරීම වැනි ක්‍රියාකාරකම්වල යෙදෙන කාටත් සුභ ආරංචියක් වනු ඇත. ‘Midnight Thriller’ ලබාගැනීම සඳහා පාරිභෝගිකයන් අමතර ගාස්තු ගෙවීම හෝ අමතර සේවා සක්‍රීය කිරීම අවශ්‍ය නොවේ.
පාරිභෝගික තෘප්තිය උදෙසා නිරන්තරයෙන් කැප වී සිටින SLT-MOBITEL දියත් කළ ‘Midnight Thriller’, මෙරට පාරිභෝගිකයන්ගේ අන්තර්ජාල අත්දැකීම නව මානයකට රැගෙන යනු නිසැක ය.
