SLT-MOBITEL ජීවන රටා උසස් කිරීම සඳහා සියල්ල ඇතුළත් පසුගෙවුම් පැකේජ පෙළක් හඳුන්වා දෙයි

ජාතික තොරතුරු හා සන්නිවේදන තාක්ෂණ විසඳුම් සම්පාදකවන SLT-MOBITEL හි ජංගම දුරකථන සේවා අංශයවන SLT-MOBITEL Mobile, එම සේවාහි කැපීපෙනෙන ඉදිරි පියවරක් සනිටුහන් කරමින්, ‘M+’ නමින් පසුගෙවුම් කේවල පැකේජ එකතුවක් (M+ Postpaid Individual packages) හඳුන්වා දී තිබේ. පාරිභෝගිකයන්ගේ වෙනස්වන අවශ්‍යතාවන්ට ගැළපෙන ආකාරයට, නම්‍යශීලී ලෙස සහ විශේෂාංග රාශියක් ඇතුළත් කරමින් මෙම පැකේජ හඳුන්වා දී ඇත.

 



 
ඉහළම තලයේ සම්බන්ධතාවක් සමගින් උපරිම පහසුව හා වටිනාකම් එක්කරමින්, පාරිභෝගිකයන්ගේ පසුගෙවුම් ජංගම දුරකථන සම්බන්ධතා අත්දැකීමට නව අරුතක් ලැබෙන ආකාරයට මෙම පැකේජ සැලසුම්කර තිබේ. එමෙන්ම SLT-MOBITEL කේවල පැකේජ එකතුවට ශ්‍රී ලංකාවේ වේගවත්ම ජංගම දුරකථන ජාලයේ පිටුබලය හිමි වී ඇති අතර, එමගින් රට පුරා වෙසෙන පාරිභෝගියන්ට විශිෂ්ට මට්ටමේ සම්බන්ධතාවක් නිසැකවම හිමි වනු ඇත.

පාරිභෝගිකයන්ගේ විවිධාකාර වූ අවශ්‍යතාවලට ගැළපෙන ආකාරයට, අදියර 4 ක් යටතේ සම්බන්ධතා පහසුකම් හා ප්‍රතිලාභ හිමිවන පරිදි නව M+ පැකේජ එකතුව හඳුන්වා දී තිබේ. සෑම පැකේජයක් සඳහාම Anytime Any App DATA Bundle (දෛනික සීමා නොමැතිව HD ප්‍රමිතියෙන්) සමග DATA roll over පහසුකම, ඕනෑම ජාලයක් සඳහා අසීමිත ඇමතුම්, ඕනෑම ජාලයක් සඳහා SMS 200 ක්, Facebook, WhatsApp සහ YouTube සඳහා අමතර 5GB සහ අමතර ඩේටා භාවිතය සඳහා එක් MB එකකට ශත 10 ක් වැනි තරගකාරී ගාස්තුවක් වැනි ප්‍රතිලාභ රැසක් හිමි වේ.

සියලුම All-in-One පැකේජ සඳහා පොදුවේ හිමිවන ඉහත සඳහන් ප්‍රතිලාභවලට අමතරව, තෝරාගන්නා පැකේජය අනුව විශේෂ ප්‍රතිලාභ හිමි වනු ඇත. ඒ අතරින් Middle Plan යටතේ රු. 700 කට (+බදු) 5GB Anytime Any App DATA හිමි වේ. Large Plan හි මිල රු. 1,000 ක් (+බදු) වන අතර, එහිදී 10GB Anytime Any App DATA හිමි වේ. රු. 1,400 කට (+බදු) ලබාගත හැකි Xtra Large Plan පාරිභෝගිකයන්ට 20GB Anytime Any App DATA ලබාදෙයි. 40GB Anytime Any App ලබාදෙන XXL Plan හි මිල රු. 2,200 කි (+බදු).

M+ කේවල පසුගෙවුම් පැකේජ එකතුවේ තවත් විශේෂත්වයක් වන්නේ, අවශ්‍ය පරිදි එම පැකේජවලට අමතර විශේෂාංග ඇතුළත් කළ හැකි වීමය. පාරිභෝගිකයන්ට අවශ්‍ය පරිදි Facebook, WhatsApp හා YouTube ආදිය ඇතුළත් සමාජ මාධ්‍ය පැකේජ, Netflix හා Prime Video ආදිය ඇතුළත් විනෝදාස්වාද පැකේජ සහ Zoom, Teams, Office 365 හා Google Meet ආදිය ඇතුළත් ඵලදායීතා යෙදුම් ඇතුළත් පැකේජ මෙන්ම TikTok හා Instagram වැනි සමාජ මාධ්‍ය යෙදුම් සඳහා වූ පැකේජද මෙලෙස ප්‍රධාන පැකේජයට අමතරව ඇතුළත් කළ හැකි වේ.

M+ පසුගෙවුම් සැලසුම් යනු නව්‍ය හා පාරිභෝගික කේන්ද්‍රීය විසඳුම් ඔස්සේ ශ්‍රී ලාංකිකයන් සවිබල ගැන්වීම සඳහා SLT-MOBITEL දක්වන උනන්දුව හා කැපවීම මැනැවින් නිරූපණය කරන හඳුන්වා දීමකි. සිය සම්මානලාභී ජාලය හරහා සෑම පුද්ගලයෙකුටම බාධාවකින් තොර, විශේෂාංගවලින් පිරුණු සම්බන්ධතා අත්දැකීමක් අත්විඳීමට අවස්ථාව සලසා දීම SLT-MOBITEL හි අරමුණ වී තිබේ. ලොව ස්ථාවර බ්‍රෝඩ්බෑන්ඩ් හා ජංගම දුරකථන ජාල පරීක්ෂණ යෙදුම්, දත්ත හා විශ්ලේෂණය සම්බන්ධ ගෝලීය ප්‍රමුඛයෙකු වන Ookla විසින් මෑතකදී SLT-MOBITEL Mobile ජාලය මෙරට වේගවත්ම 4G ජංගම දුරකථන සේවා ජාලය ලෙස නම්කරන ලදී.

පාරිභෝගිකයන්ට ළඟම පිහිටි SLT-MOBITEL ශාඛාව වෙත පැමිණ ඉතාමත් පහසුවෙන් මෙම පැකේජ ලබාගත හැකි වේ. #170# ඇතුළත් කිරීම හෝ Self-care යෙදුමට පිවිසීම මගින් ඔවුන්ට විශේෂ අමතර පැකේජ සහ Anytime Data පැකේජ සක්‍රීය කරගත හැක.