ශ්රී ලංකාවේ නිර්මාණශීලී වෘත්තිකයන්ගේ මීළඟ පරපුර හැඩගැස්වීමේ ගමනේ සුවිශේෂී සන්ධිස්ථානයක් සලකුණු කරමින්, Mogo Media Academy ප්රථම සහ සමාරම්භක ඩිප්ලෝමා ප්රදානෝත්සවය 2026 ජූනි මස 4 වන දින බණ්ඩාරනායක ජාත්යන්තර අනුස්මරණ සම්මන්ත්රණ ශාලාවේ (BMICH) නෙළුම් ශාලාවේදී සාර්ථකව පැවැත්විණි.
මෙම උත්සවයේදී ඇකඩමියේ පළමු සහ දෙවන ශිෂ්ය කණ්ඩායම්වල සුවිශේෂී ජයග්රහණ ඇගයීමට ලක් කෙරුණු අතර, එහිදී විවිධ නිර්මාණශීලී සහ මාධ්ය ක්ෂේත්ර ඔස්සේ සමස්ත සිසුන් 115 දෙනෙකු සහතික පත්ර ප්රදානය ලැබූහ. මීට සජීවීකරණය (Animation), පරිගණක ක්රීඩා නිර්මාණය (Game Development), සංකල්ප රූප කලාව (Concept Art) සහ දෘශ්ය ප්රයෝග (Visual Effects – VFX) යන ඩිප්ලෝමා පාඨමාලා සාර්ථකව නිම කළ සිසුන් 73 දෙනෙකු මෙන්ම, ගුවන්විදුලි නිවේදනය පිළිබඳ වෘත්තීය පුහුණු සහතික පත්ර පාඨමාලාව සාර්ථකව සම්පූර්ණ කළ සිසුන් 42 දෙනෙකු ද ඇතුළත් වූහ.
ඇකඩමිය තුළ තම අධ්යයන හා වෘත්තීය පුහුණුවීම් සාර්ථකව නිම කළ සිසුන්ගේ කැපවීම, නිර්මාණශීලිත්වය සහ උත්සාහයන් අගයනු වස් සංවිධානය කර තිබූ මෙම අවස්ථාව සඳහා ඩිප්ලෝමාධාරීන්, දෙමාපියන්, ක්ෂේත්රයේ ප්රවීණයන්, ආරාධිත අමුත්තන් ඇතුළු හිතවතුන් විශාල පිරිසක් එක්ව සිටියහ.
මෙම ප්රදානෝත්සවයේ කැපී පෙනෙන විශේෂත්වයක් වූයේ, සහතික පත්ර ලත් සිසුන්ගෙන් බහුතරයක් මේ වන විටත් නිර්මාණශීලී සහ ඩිජිටල් මාධ්ය ක්ෂේත්රයේ දේශීය හා ජාත්යන්තර වෘත්තීය ව්යාපෘති සඳහා සක්රීයව දායක වෙමින් රැකියාවල නියුතු වී සිටීමයි. ඔවුන් ලැබූ මෙම සාර්ථකත්වය, ක්ෂේත්රයේ වත්මන් ඉල්ලුමට ගැළපෙන ප්රායෝගික අධ්යාපනයක් ලබා දීමට ඇකඩමිය දක්වන සුවිශේෂී අවධානය මනාව පිළිබිඹු කරයි.
මෙම උත්සවයේ ප්රධාන ආරාධිත අමුත්තා ලෙස කැලණිය විශ්වවිද්යාලයේ උපකුලපති, ජ්යෙෂ්ඨ මහාචාර්ය නිලන්ති ද සිල්වා මහත්මිය සහභාගී වූවාය.
සාම්ප්රදායික අධ්යාපන ක්රමය සහ වේගයෙන් වර්ධනය වන ගෝලීය මාධ්ය හා විනෝදාස්වාද ක්ෂේත්රය අතර පවතින පරතරය අවම කිරීමේ දැක්ම පෙරදැරිව Mogo Media Academy ආරම්භ කරන ලදී. සජීවීකරණයන් (Animation), පරිගණක ක්රිඩා, VFX, ඩිජිටල් අන්තර්ගත නිර්මාණය (Digital Content Creation) සහ නැගී එන තාක්ෂණයන් සඳහා වන වෘත්තීය ඉල්ලුම හඳුනා ගනිමින්, ජාත්යන්තර ප්රමිතීන්ට අනුකූල ලෝක මට්ටමේ නිර්මාණශීලී අධ්යාපනයක් ලබා දීම මෙහි මූලික අරමුණ වේ.
ක්ෂේත්රයේ ප්රවීණයන්ගේ මගපෙන්වීම යටතේ ප්රායෝගික සහ ව්යාපෘති පාදක ඉගෙනුම් අත්දැකීම් ලබා දෙමින් දක්ෂ ශ්රී ලාංකික තරුණ තරුණියන් බලගැන්වීම සඳහා මෙම ඇකඩමිය නිර්මාණය කර ඇත. එසේම, ජාත්යන්තර කථිකාචාර්ය මඩුල්ලක් විසින් මෙහෙයවන ලද සුවිශේෂී අධ්යයන සැසි හරහා සිසුන්ට වටිනා ගෝලීය ක්ෂේත්ර අත්දැකීම් ද හිමි වූ අතර, එමඟින් ජාත්යන්තර ප්රමිතීන්ට අනුකූලව ඔවුන්ගේ දැනුම, කුසලතා සහ වෘත්තීය අවබෝධය තවදුරටත් ඔප්නැංවිණි. නවීන තාක්ෂණය, නිෂ්පාදන ක්රියාවලීන් සහ සැබෑ වෘත්තීය පරිසරය පිළිබඳ අත්දැකීම් ලබා දීම හරහා ගෝලීය මට්ටමින් තරඟ කළ හැකි නව්ය නිර්මාණකරුවන්, කතාන්දර නිර්මාණකරුවන් (Storytellers) සහ තාක්ෂණික වෘත්තිකයන් බිහි කිරීමට මෙහිදී සිසුන් පුහුණු කරනු ලබයි.
Mogo Media Academy ආරම්භ කළ දා සිට ශ්රී ලංකාවේ ඩිජිටල් නිර්මාණශීලී ආර්ථිකයේ වර්ධනයට දායක වෙමින්, ඉහළ කුසලතාවලින් හෙබි නිර්මාණශීලී වෘත්තිකයන් බිහි කිරීමට අඛණ්ඩව කටයුතු කරයි. මාධ්ය හා විනෝදාස්වාද ක්ෂේත්රයට ලැදියාවක් දක්වන තරුණ ප්රජාවගේ දක්ෂතා ඔප්නැංවීමට, නවෝත්පාදනයන් දිරිගැන්වීමට සහ ඔවුන්ට නව අවස්ථා උදාකර දීමට මෙම ආයතනය නිරන්තරයෙන් කැපවී සිටී.
මෙම ප්රදානෝත්සවය ඇකඩමියට මෙන්ම සිසුන්ට ද අභිමානවත් මෙන්ම සුවිශේෂී මොහොතක් වූ අතර, එය ඔවුන්ගේ අධ්යයන ජයග්රහණයක් පමණක් නොව ගෝලීය නිර්මාණශීලී ක්ෂේත්රය තුළ සාර්ථක වෘත්තීය ජීවිතයක ඇරඹුම ද සලකුණු කරන්නකි.