ලංකා ව්‍යාපාරික පුවත් - LBN
ඕස්ට්‍රේලියාවේ Curtin විශ්වවිද්‍යාලය, ලෝක විශ්වවිද්‍යාල අධ්‍යයන ශ්‍රේණිගත කිරීම් (ARWU) අතරේ පළමු 1%ට අයත් විශ්වවිද්‍යාලයකි. ශ්‍රී ලාංකික සිසුන්ට ජාත්‍යන්තරව පිළිගත් විශ්වවිද්‍යාල අධ්‍යාපනයක් මෙරටදීම ලබා ගැනීමට අවස්ථාව සලසා දෙන Curtin University Colombo හි මීළඟ අධ්‍යයන වාරය සඳහා ලියාපදිංචි වීමට තවත් ඉතිරිව ඇත්තේ දින කිහිපයක් පමණි.
වෘත්තීය ප්‍රතීතනය (Professional Accreditations), අධ්‍යයන විශිෂ්ටත්වය, නවීන පහසුකම් සහ කර්මාන්ත ක්ෂේත්‍රයේ සවිමත් හවුල්කාරීත්වය සමඟ ජාත්‍යන්තරව පිළිගත් උපාධි පාඨමාලා රැසක් Curtin University Colombo මඟින් ලාංකික සිසුන්ට පිරිනමනු ලබයි. සිසුන්ට මෙරට සිටිමින්ම උපාධිය සම්පූර්ණ කිරීමට හෝ ඕස්ට්‍රේලියාව, ඩුබායි, මැලේසියාව, මොරිෂස් සහ සිංගප්පූරුව යන ඕනෑම රටක Curtin මණ්ඩපයක් වෙත මාරු වීමට ද හැකියාව ඇති අතර ජාත්‍යන්තර ප්‍රමිතියේ අධ්‍යාපන වරමක් දේශීයව ලබා ගන්නට සිසුන්ට මේ හරහා අවකාශ ලැබේ. ගෝලීය රැකියා වෙළඳපොළ සාර්ථකව ජයගන්නට අවශ්‍ය පරිවර්තනීය අධ්‍යාපන අත්දැකීමක් ලාංකික සිසුන් වෙත සමීප කරන්නට Curtin University Colombo නිරතුරුවම ඇපකැප වී සිටියි.
Curtin විශ්වවිද්‍යාලය ප්‍රධාන විෂය ධාරාවන් තුනක් ඔස්සේ වෘත්තීමය වශයෙන් පිළිගත් උපාධි වැඩසටහන් රැසක් පිරිනමනු ලබයි. Engineers Australia (EA) වෙතින් ප්‍රතීතනය ලැබූ විශේෂිත ඉංජිනේරු පාඨමාලා අතර, Mechanical, Electrical and Computer, Mechatronic, සහ Civil and Construction engineering ඇතුළත් වේ. Australian Computer Society (ACS) විසින් අනුමත කළ Software Engineering, Cyber Security, Information Technology, සහ Computer Systems and Networking යන විෂය ක්ෂේත්‍රයන් මෙන්ම, කීර්තිමත් AACSB ප්‍රතීතනය ලද Curtin Business School වෙතින් International Management, Digital Marketing, සහ Innovation and Entrepreneurship යන විශේෂිත විෂය ධාරාවන් සමඟ ව්‍යාපාර පරිපාලනය පිළිබඳ උපාධිය හැදැරීමට ද හැකියාව ඇත.
දැරිය හැකි මුදලකට ජාත්‍යන්තරව පිළිගත් උපාධියක් ලබා ගන්නා අතරතුර, ඕස්ට්‍රේලියාවේ අධ්‍යාපනය ලැබීමට සාපේක්ෂව 75%ක් දක්වා අධ්‍යාපන ආයෝජනය ඉතිරි කරගැනීමට ද Curtin University Colombo ලාංකික සිසුන්ට අවස්ථාව හිමි කර දී ඇත. එමෙන්ම, ගුණාත්මක අධ්‍යාපනයක් වෙත වඩාත් පහසුවෙන් පිවිසීමට අවස්ථාව ලබා දීමට පළමු වසර සඳහා 25%ක ශිෂ්‍යත්වයක් පිරිනමන්නට ද Curtin විශ්වවිද්‍යාලය කටයුතු යොදා ඇත.
මෙම පාඨමාලා සඳහා අයදුම් කිරීමට අපේක්ෂා කරන සිසුන් පෙබරවාරි 7 දිනට පෙර ලියාපදිංචි වන මෙන් දැනුවත් කරන අතර වැඩි විස්තර හෝ අයදුම් කිරීම සඳහා www.curtincolombo.lk වෙබ් අඩවියට පිවිසෙන්න හෝ 076 555 89 89 අමතන්න.
