ලංකා ව්‍යාපාරික පුවත් - LBN
මාළඹේ CINES CAMPUSහි පැසි පන්දු ශූරයන් විිසින් ශ්‍රී ජයවර්ධනපුර විශ්ව විද්‍යාලය සංවිධානය කළ “J Pura 3×3 Ballers Unleashed” පැසි පන්දු තරගාවලියේ ශූරතාව දිනා ගන්නා ලදී. මේ තරගාවලිය සඳහා දිවයිනේ විවිධ ප්‍රදේශවලින් රාජ්‍ය සහ පෞද්ගලික විශ්වවිද්‍යාල 21ක පැසි පන්දු කණ්ඩායම් සහභාගී වූ අතර අවසන් වටය සඳහා මාළඹේ CINES CAMPUS සහ NSBM හරිත විශ්ව විද්‍යාලය සුදුසුකම් ලැබූ අතර අවසන් තරගයේදී ලකුණු 7-6 ලෙස මාළඹේ CINES CAMPUS විසින් ජය වාර්තා කරන ලදී. සෙනාල් ඩී. ෆොන්සේකාගේ නායකත්වයෙන් යුත් CINES පැසිපන්දු කණ්ඩායම් පුහුණුකරු හිමාල් රන්ජන් සිල්වා මහතා වන අතර කැප්ටන් ප්‍රසන්න සෙඩ්රික් මහතාගේ සහ පූර්ණිකා සඳමාලි මහත්මියගේ අධීක්ෂණය මෙම ජයග්‍රහණයට සුවිශාල පිටිවහලක් විය.
