එළඹෙන LPL තරඟාවලියේදී Colombo Kaps කණ්ඩායමේ හිමිකාරිත්වය Saranyan Palaniswamy සහ K.C. Shyam Kangayan විසින් මෙහෙයවනු ලබන Witness Sports Alliance LLC සමාගම වෙත පැවරෙන බව නිල වශයෙන් නිවේදනය කරන ලදී.
ශ්රී ලංකාවේ ප්රධානතම T20 ක්රිකට් තරඟාවලිය වන LPL වෙනුවෙන් Colombo Kaps කණ්ඩායම සූදානම් වන අවස්ථාවක, මෙම නව හිමිකාරිත්වය එහි ඉදිරි ගමනට තැබූ වැදගත් පියවරක් ලෙස සඳහන් කළ හැකිය. Witness Sports Alliance LLC සමාගම යටතේ, කොළඹ නගරයේ ක්රිකට් උද්යෝගය සහ ක්රීඩාශීලීත්වය මනාව දැකගත හැකි අයුරින් ප්රබල, වාණිජමය වශයෙන් ශක්තිමත් සහ ප්රේක්ෂකයින් ආකර්ෂණය කරගන්නා කණ්ඩායමක් නිර්මාණය කිරීමට ඔවුන් අවධානය යොමු කරනු ඇත.
ශක්තිමත් කණ්ඩායමක් නිර්මාණය කිරීමේ මූලික පියවරක් ලෙස , Colombo Kaps කණ්ඩායම විසින් ශ්රී ලංකාවේ දක්ෂ පිතිකරුවකු මෙන්ම කඩුලු රකින්නකු වන කුසල් මෙන්ඩිස් සහ තුන්ඉරියව් ක්රීඩක කමිඳු මෙන්ඩිස් පෙර-ගිවිසුම් හරහා කණ්ඩායමට එක කර ගෙන ඇත. මේ හරහා එළඹෙන තරඟාවලිය සඳහා ප්රබල දේශීය නියෝජනයක් කණ්ඩායමට ලැබී ඇති අතරම ජාත්යන්තර අත්දැකීම්, තරඟ ජයග්රහණය කරවීමේ හැකියාව සහ ශ්රී ලාංකීය ක්රීකට් ප්රේක්ෂකයින් අතර ඇති ජනප්රියත්වය අතින් මෙම ක්රීඩයින් දෙදෙනාම පෙරමුණ ගෙන සිටියි.
නව හිමිකාරිත්වය සාදරයෙන් පිළිගනිමින් LPL තරඟාවලි අධ්යක්ෂ සමන්ත දොඩන්වෙල මහතා“ LPL හි 6 වන අදියර සඳහා Colombo Kaps කණ්ඩායමේ නව හිමිකරුවන් ලෙස Witness Sports Alliance LLC සමාගම එක් කර ගැනීමට ලැබීම පිළිබඳව ශ්රී ලංකා ක්රිකට් ආයතනය ඉතා සතුටට පත්වනවා. කොළඹ කියන්නේ ක්රිකට් ක්රීඩාවේ වැදගත් මධ්යස්ථානයක්. මේ තරඟාවලියේ අඛණ්ඩ වර්ධනය වෙනුවෙන් මෙවැනි කැපවීමක් ඇති හිමිකරුවන් ඉදිරිපත් වීම සතුටට කරුණක් වනවා. ” යනුවෙන් පැවසීය.
IPG Global සමාගමේ නිර්මාතෘ සහ සභාපති අනිල් මෝහන් මහතා මෙහිදී සඳහන් කර සිටියේ “Colombo Kaps කණ්ඩායමේ පැමිණීම ලංකා ප්රිමියර් ලීග් තරඟාවලියට තවත් ශක්තියක් සහ උද්යෝගයක් එක් කරනවා. කැපවීමක් ඇති හිමිකාරිත්වයක් සහ දක්ෂ දේශීය ක්රීඩකයින් දැනටමත් කණ්ඩායම සතු බැවින්, ප්රබල කණ්ඩායමක් ගොඩනැගීමට ඔවුන්ට හොඳ අවස්ථාවක් තිබෙනවා. එමෙන්ම උසස් තත්ත්වයේ ක්රිකට් ක්රීඩාවක්, ප්රේක්ෂක ආකර්ෂණයක් සහ වාණිජමය අවස්ථා රැසක් සහිත සාර්ථක තරඟ වාරයක් වෙනුවෙන් දායක වීමටද ඔවුන්ට හැකි වනු ඇතැයි අපි බලාපොරොත්තු වනවා.” යනුවෙනි.
ප්රේක්ෂකයින් සමඟ සමීපව කටයුතු කරන, ශ්රී ලාංකීය ක්රිකට් ක්රීඩාවට ශක්තියක් එක් කරන සහ LPL තරඟාවලිය තුළ දිගුකාලීන වටිනාකමක් නිර්මාණය කළ හැකි විනයගරුක මෙන්ම නවීන කණ්ඩායමක් ගොඩනැගීම තම ප්රධාන අරමුණ බව Witness Sports Alliance LLC මෙහිදී පවසා සිටින ලදී.