Bureau Veritas සමාගමට අනුබද්ධිත Bureau Veritas Consumer Products Services Lanka පුද්ගලික සමාගම , සිය සේවක අභිවෘද්ධිය සහ ආයතනික සංස්කෘතිය වෙනුවෙන් පසුගියදා පැවැති Great HR Awards – 2025 සම්මාන උළෙලේදී සම්මානයට පාත්රවිය. ශ්රී ලංකා මානව සම්පත් කළමනාකරණය පිළිබඳ වරලත් ආයතනය (CIPM) මගින් මෙම සම්මාන උළෙල සංවිධානය කෙරුණි.
Bureau Veritas CPS සමාගම සිය මානව සම්පත් කළමනාකරණය වෙනුවෙන් ජාතික මට්ටමේ සම්මානයක් දිනාගත් ප්රථම අවස්ථාව මෙය වීම ද කැපීපෙනේ. වසර ගණනාවක් මුළුල්ලේ සිය කාර්ය මණ්ඩලයට පෞද්ගලිකව මෙන්ම වෘත්තීයමය වශයෙන්ද දියුණු වීම සඳහා සමාගම ලබාදුන් මඟපෙන්වීමට මෙය වටිනා සහතිකයකි.
“අධ්යාපනික, සහතික කිරීමේ සහ උපදේශන සේවා” අංශයේ මහා පරිමාණ ව්යාපාර කාණ්ඩය යටතේ තරඟ කළ සමාගම, සුවිශේෂී මානව සම්පත් භාවිතාවන් සහ සමාගමේ සෑම ක්රියාකාරකමකදීම සේවකයින්ට මුල් තැන දීම සඳහා පැහැදිලි කැපවීමක් පෙන්නුම් කිරීම සම්මාන ඇගයීමේදී සැළකිල්ලට බඳුන්වී තිබුණි. මෙම සම්මානය පිරිනැමීමේදී විවිධ ආයතන තම සේවකයින් කළමනාකරණය කරන සහ සංවර්ධනය කරන ආකාරය මැන බැලීම සඳහා නිර්මාණය කර ඇති විවිධ තක්සේරු ක්ෂේත්ර 16 ක් ආවරණය වන පරිදි සම්පූර්ණ ඇගයීම් ක්රියාවලියක් අනුගමනය කර තිබුණි.
සමාගම විසින් ක්රියාත්මක කරනු ලබන වැඩසටහන් කිහිපයක් මෙම සම්මානය දිනාගැනීමේදී ප්රමුඛ කාර්යභාරයක් ඉටුකරන ලදී. සමාගමේ සෑම මට්ටමකම නායකයින් බිහිකිරීමේ අරමුණින් ක්රියාත්මක “Adding Life to Years” නායකත්ව සංවර්ධන වැඩසටහන, සේවකයින් සහ මානව සම්පත් අංශය එකට එක්ව ගැටලු විසඳාගැනීමට කටයුතු කරන “HRtogether” වැඩසටහන, සේවක අභිවෘද්ධිය තුළින් ආයතනික අභිවෘද්ධිය ළඟාකරගැනීමේ “Together We Grow” වැඩසටහන යන වැඩසටහන් ඒ අතර විය.
පසුගිය වසර කිහිපය තුළ, Bureau Veritas සේවකයින්ට වටිනාකමක් පිරිනමන, සවන්දෙන සහ සහයෝගය පිරිනමන සේවා සංස්කෘතියක් නිර්මාණය කිරීමට කටයුතු කර ඇත. සමාගමේ සියලු මානව සම්පත් ක්රියාකාරකම් මූලික අදහස් තුනක් මත රඳා පවතී. ඒවා නම්, සවිබලගැන්වීම, සම්බන්ධකරගැනීම සහ ප්රීතිමත්බව වේ. සවිබලගැන්වීම යනු තීරණ ගැනීමට සහ ඔවුන්ගේ කාර්යයන් ඉටුකිරීමට සේවකයින්ට සැබෑ අධිකාරියක් ලබා දීම සහ ඔවුන් කෙරෙහි විශ්වාසය තැබීමයි. සම්බන්ධකරගැනීම යනු සේවකයින්ට විවෘතව තම අදහස් ප්රකාශ කිරීමේ අවස්ථාව ලබාදීමයි. ප්රීතිමත්බව යනු සේවා ස්ථානය තුළ ප්රීතිමත්ව කාලය ගෙවීමට අවස්ථාව උදාකරදීමයි.
තව ද සතුට සහ අයිතිවාසිකම් අගය කරන සේවා ස්ථාන සංස්කෘතියක් නිර්මාණය කිරීම සඳහා සමාගම විශාල වශයෙන් ආයෝජනය කර ඇත. සමාගමේ විවිධත්වය, සමානාත්මතාවය සහ අන්තර්කරණ වැඩසටහන් මඟින් සෑම කෙනෙකුටම සාධාරණ අවස්ථා ඇති බවත්, ඔවුන්ගේ පසුබිම කුමක් වුවත්, සාදරයෙන් පිළිගන්නා බවත් සහතික කෙරේ. MyLearning වේදිකාව සේවකයින්ට පුහුණුව සහ සංවර්ධන පහසුකම් වෙත පහසුවෙන් ප්රවේශ වීමට ඉඩ සලසන අතර, කෙටිකාලීන කුසලතා ගොඩනැගීම සහ දිගුකාලීන වෘත්තීය ඉලක්ක යන දෙකටම සහාය වේ.
CIPM මගින් ලැබුණු මෙම සම්මානය මගින් යහපත් පුද්ගල සංවර්ධන පිළිවෙත්, ප්රතිපත්ති සහ ක්රියා පටිපාටි ඉක්මවා යන බවට බියුරෝ වෙරිටාස් CPS සතු විශ්වාසය අගයනු ලැබේ. ඉන් සේවකයින්ට වැඩ කිරීමට අවශ්ය, ඔවුන්ගේ දක්ෂතා වර්ධනය කර ගත හැකි සහ ඔවුන්ගේ දායකත්වයන් සැබවින්ම වැදගත් යැයි හැඟෙන පරිසරයක් නිර්මාණය කිරීම ගැන තහවුරුවක් පිරිනැමේ. විශේෂයෙන්ම, දක්ෂ පුද්ගලයින් තම වෘත්තීය ගොඩනඟා ගැනීමට තෝරා ගන්නා සේවා යෝජකයෙකු වීම සහ සංවිධානයේ සාර්ථකත්වයට සෑම කෙනෙකුම දායක වන ස්ථානයක් ලෙස සමාගම ලබාගෙන ඇති සාර්ථකත්වය මෙම සම්මානය මගින් පිළිබිඹු වේ