ලංකා ව්‍යාපාරික පුවත් - LBN
නව වන වරටත් සංවිධානය කරන ලද ‘Construction Power and Energy Expo 2024’ ප්‍රදර්ශනය ජූලි මස 05, 06 සහ 07 යන තෙදින තුළ කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී (BMICH) පැවැත්විණි. දීර්ඝ කාලයක පටන් තිරසර සංවර්ධනය වෙනුවෙන් කැප වී කටයුතු කරන සමාගමක් වන E. B. Creasy Solar එහි ප්ලැටිනම් අනුග්‍රාහක ලෙස කටයුතු කළේ ය. එම සමාගමේ නවීනතම Solar Grid Tied, Solar Irrigation සහ Solar Hybrid නිෂ්පාදන ඇතුළු තිරසර බලශක්ති විසඳුම් රැසක් දැකබලා ගැනීමට මෙම ප්‍රදර්ශනය වෙත පැමිණි නරඹන්නන්ට අවස්ථාව උදා විය. මෙරට ගෘහස්ථ හා කාර්මික පාරිභෝගිකයන් වෙත පරිසර හිතකාමී හා තිරසර බලශක්ති විසඳුම් ලබාදීමේ අරමුණින් මෙම නිෂ්පාදන හඳුන්වා දී තිබේ. ශ්‍රී ලංකාවේ බලශක්ති ක්ෂේත්‍රය තුළ නවෝත්පාදනය සහ තිරසරත්වය දිරිගන්වන අතරම මෙරට පුනර්ජනනීය බලශක්තිය සම්බන්ධ ප්‍රමුඛයෙකු ලෙස තමන් සතු කීර්තිනාමය තවදුරටත් තහවුරු කරගැනීමේ උත්සාහයේ තවත් පියවරක් වශයෙන් E. B. Creasy Solar සමාගම විසින් මෙම ප්‍රදර්ශනයට අනුග්‍රාහකත්වය ලබාදෙන ලදී.
