සෙලින්කෝ ලයිෆ් ත‍්‍රිකුණාමලයේ සේරුවාවිල සිදුකළ පළමු වෛද්‍ය කඳවුර සමග ‘වෛද්‍ය හමුව’ වැඩසටහන යළි අරඹයි

සෙලින්කෝ ලයිෆ් සමාගම විසින් 2022 වසරේදී ත‍්‍රිකුණාමලය දිස්ත‍්‍රික්කයේ පැවැත්වූ ප‍්‍රථම නොමිලේ වෛද්‍ය කඳවුර සමගින් සිය ‘වෛද්‍ය හමුව’ ප‍්‍රජා සෞඛ්‍ය වැඩසටහන යළිත් වතාවක් ආරම්භ කර තිබේ.

මෙම වෛද්‍ය කඳවුර සෙලින්කෝ ලයිෆ් සමාගමේ කන්තලේ ශාඛාව විසින් සංවිධානය කළ අතර නිවාරණ සෞඛ්‍යය සහ රෝග හඳුනා ගැනීම සඳහා සීමිත ප‍්‍රවේශ පහසුකම් තිබෙන ප‍්‍රදේශයේ ප‍්‍රධාන වශයෙන් ගොවි ප‍්‍රජාවට අයත් 152 දෙනෙකු මෙම වැඩසටහන මගින් ප‍්‍රතිලාභ ලබාගන්නා ලදී. මෙහිදී, මොවුන්ට නොමිලේ වෛද්‍යවරුන් මුණගැසී ප‍්‍රතිකාර ගැනීමට සහ සෞඛ්‍ය පරීක්ෂණ කටයුතු කර ගැනීමට අවස්ථාව සලසා තිබුණි.

මෙම වෛද්‍ය කඳවුර ත‍්‍රිකුණාමලයේ සේරුවාවිල, දෙහිවත්ත ප‍්‍රදේශයේ රජ මහා විහාරයේ පැවැත්වුණු අතර එහිදී රුධිර ග්ලූකෝස් මට්ටම පරීක්ෂා කිරීමේ පරීක්ෂණ 79 ක්, වකුගඩු රෝගී සහ කොලෙස්ටරෝල් පරීක්ෂණ 57 ක් සහ ඊ.සී.ජී. පරීක්ෂාවන් 34 ක් සිදු කරන ලදී.

වෛද්‍යවරුන් විසින් පරීක්ෂා නොකර කාලයක් තිබුණු විට දරුණු සහ මාරාන්තික තත්ත්වයට පත්වන අධි රුධිර පීඩනය, දියවැඩියාව ඇතුළු බෝ නොවන රෝග පිළිබඳ සොයාගැනීම සඳහා පරීක්ෂාවන් මෙම වෛද්‍ය කඳවුර විසින් සිදුකළ බව සමාගම සඳහන් කරයි. එසේම, තිබෙන රෝගාබාධ කළමනාකරණය කර ගනිමින් සුව පහසු දිවි පෙවෙතක් ගත කිරීමට අවශ්‍ය දැනුමද මෙම වෛද්‍ය කඳවුරට සහභාගී වූ පිරිසට ලබාදෙන ලදී.

සමාගම විසින් පවත්වාගෙන පැමිණි ‘වෛද්‍ය හමුව’ වැඩසටහන කොවිඞ්-19 වසංගත තත්ත්වය හමුවේ අත්හිටුවීමට සිදුවූ අතර මේ වසරේ යළි ආරම්භ කළ මෙම වැඩසටහන දිවයිනේ අනිකුත් ප‍්‍රදේශ වලත් ඉදිරියේදී පැවැත්වීමට සැලසුම් කර ඇතැයි සමාගම පවසයි. සමාගම විසින් පැවැත්වූ මෙම පළමු වෛද්‍ය කඳවුර සංවිධානය කර ගැනීම සඳහා සමාගම විසින් මිනිස් පැය 166 ක් ආසන්න වශයෙන් වැයකළ බව ද සමාගම අනාවරණය කළේය.

මේ දක්වා සෙලින්කෝ ලයිෆ් විසින් රට පුරා පැවැත්වූ ‘වෛද්‍ය හමුව’ වැඩසටහන් 388 ක් මගින් 146,000 කට ආසන්න ජනතාවක් ප‍්‍රතිලාභ ලබා තිබේ. මෙම වෛද්‍ය හමුව වැඩසටහන් සුදුසුකම් ලත් පළපුරුදු රාජ්‍ය සහ පුද්ගලික අංශවල වෛද්‍යවරුන් සහ හෙද කාර්ය මණ්ඩලයක්, වෘත්තීය දෘෂ්ටි පරීක්ෂකයින් සහ වෛද්‍ය රසායනාගාර නියෝජිතයින් විසින් පවත්වනු ලබයි.

සෙලින්කෝ ලයිෆ් සමාගම විසින් සිය සමාජ සත්කාරක වැඩසටහන් නිර්වචනය කර තිබෙන්නේ ‘අවශ්‍යතා සහිත ජනතාවගේ සෞඛ්‍ය සහ අධ්‍යාපන කටයුතු වෙත අර්ථවත් ලෙස මැදිහත්වන අතරම ඉතාමත් ඉහළ ගුණාත්මක තත්ත්වයෙන් යුතු රැකවරණයක් සහ මූල්‍ය සුරක්ෂිතතාවයක් ලබාදෙමින් මෙරට ග‍්‍රාමීය ප‍්‍රදේශවල පවා තිරසාර ව්‍යාපාරික පරිසරයක් ඇති කිරීමට සමාගම අඛණ්ඩව කැපවිය යුතුය.’ යනුවෙනි.

2021 වසරේදී සෙලින්කෝ ලයිෆ් විසින් High Flow Nasal Cannula (HFNC) ශ්වසනාධාර උපකරණ කොළඹ දකුණු ශික්ෂණ රෝහල, මඩකළපුව ශික්ෂණ රෝහල, කන්තලේ මූලික රෝහල, කුලියාපිටිය ශික්ෂණ රෝහල, මාතලේ දිස්ත‍්‍රික් මහ රෝහල, මාතර දිස්ත‍්‍රික් රෝහල, රත්නපුර ශික්ෂණ රෝහල ඇතුළු රෝහල් වෙත පරිත්‍යාග කරන ලදී.

මීට අමතරව, සමාගම විසින් කළුබෝවිල කොළඹ දකුණු ශික්ෂණ රෝහල, කොළඹ ජාතික රෝහල, රිජ්වේ ආර්යා ළමා රෝහල, යාපනය ශික්ෂණ රෝහල සහ මහනුවර ශික්ෂණ රෝහල සඳහා දැඩි රැකවරණ ඒකක (HDUs) ගොඩනගා ඒ වෙනුවෙන් උපකරණද පරිත්‍යාග කර තිබේ. මෙම දැඩි රැකවරණ ඒකක රෝගීන් දැඩි සත්කාර ඒකකවල සිට ක‍්‍රමයෙන් සුවවන විට වඩාත් රැකවරණය ලබාදීම සඳහා භාවිතා කළ හැකි අතර ඒ තුළින් දැඩි සත්කාර ඒකකවල තිබෙන ඇඳන් නිදහස් කරගැනීමේ අවස්ථාව හිමිවේ. මීට අමතරව, මෙම ඒකක රෝගීන් සාමාන්‍ය වාට්ටු වලට මාරු කිරීමට පෙර පශ්චාත් ශල්‍ය රැකවරණය ලබාදීම සඳහාත් හදිසි රෝගී තත්ත්වයන් සඳහා ප‍්‍රතිකාර කිරීමටත් භාවිතා කරයි.

ශ‍්‍රී ලංකා අලෙවිකරණ ආයතනය (SLIM) විසින් ශ‍්‍රී ලංකාවේ වසරේ සේවා සන්නාමය ලෙසින් සහ 2021 වසරේ LMD විසින් ශ‍්‍රී ලංකාවේ ජීවිත රක්ෂණ ක්ෂේත‍්‍රයේ ‘වඩාත් ජනප‍්‍රිය සේවා සපයන්නා’ ලෙස  නම් කර ඇති සෙලින්කෝ ලයිෆ් සමාගම ආරම්භ කර ගෙවුණු වසර 34 න් අර්ධයකට අධික කාලයක් මෙරට ජීවිත රක්ෂණ අංශයේ ප‍්‍රමුඛයා බවට පත්වීමට සමත්වී ඇත. 2021 වසරේ දී ශ‍්‍රී ලංකාවේ වඩාත් වටිනා ජීවිත රක්ෂණ සන්නාමය ලෙස බ‍්‍රෑන්ඞ් ෆයිනෑන්ස් විසින් ද නම් කරන ලද සෙලින්කෝ ලයිෆ් එම වසර සඳහා ජාත්‍යන්තර වාණිජ මණ්ඩලයේ ශ‍්‍රී ලංකා ශාඛාව (ICCSL) සහ CIMA ආයතනය ශ්‍රේණිගත කළ ‘ශ‍්‍රී ලංකාව තුළ වඩාත්ම ප‍්‍රසාදයට ලක් වූ සමාගම්’ 10 න් එකක් වූ අතර පිට පිටම 08 වන වසර සඳහාත් වර්ල්ඞ් ෆයිනෑන්ස් විසින් ශ‍්‍රී ලංකාවේ හොඳම ජීවිත රක්ෂකයා ලෙස ද තෝරා ගන්නා ලදී. 2022 වසරේ Great Place to Work® විසින් ශ‍්‍රී ලංකාවේ බැංකු, මූල්‍ය සේවා සහ රක්ෂණ (BFSI) ක්ෂේත‍්‍රයේ හොඳම සේවා ස්ථාන 10 අතරට සෙලින්කෝ ලයිෆ් සමාගම ශ්‍රේණිගත කර ඇති අතර SLIM Kantar ජනතා සම්මාන ප‍්‍රදානෝත්සවයේදී අඛණ්ඩව වාර්තාගත 16 වන වසරටත් ශ‍්‍රී ලංකාවේ වඩාත්ම ජනප‍්‍රිය ජීවිත රක්ෂණ සමාගම ලෙස ද සෙලින්කෝ ලයිෆ් සමාගම නම් කරන ලදී.

සක‍්‍රීය රක්ෂණ ඔප්පු මගින් ජීවිත ලක්ෂ 10 කට ආසන්න ගණනක් ආවරණය කරන සෙලින්කෝ ලයිෆ් සමාගම ඔප්පුහිමියන්ගේ ජීවිත සහ ඔවුන්ගේ අරමුණු වලට ඇති අවදානම අවම කරන සහ ආරක්ෂාව ලබා දෙන නව්‍ය රක්ෂණ විසඳුම් සම්පාදනය කරයි.