ලංකා ව්‍යාපාරික පුවත් - LBN
ශ්‍රී ලංකාවේ විවිධාංගීකරණය වූ සමාගම් සමූහයක් වන සන්ෂයින් හෝල්ඩින්ග්ස් හී සාධනීය සහ ධනාත්මක, සියලු දෙනාට සහයෝගයෙන් සේවය කළ හැකි සේවා ස්ථාන සංස්කෘතියක් නිර්මාණය කිරීම සඳහා ඔවුන්ගේ කැපවීම තවත් තහවුරු කරමින් Great Place to Work® විසින් 2024 වසරේ ආසියාවේ විශාල ව්‍යාපාර කාණ්ඩයේ විශිෂ්ටතම සේවා ස්ථානයක් ලෙස ඇගයීමට ලක් කරන ලදී. මෙම පිළිගැනීම මගින් එහි සියලුම සාමාජිකයින්ගේ අවශ්‍යතා සපුරාලන, වටිනාකමක් සහිත පරිපූර්ණ සේවා ස්ථානයක් නිර්මාණය කිරීමට සහ සහාය වීමට ඇති සන්ෂයින් හි කැපවීම මැනවින් පෙන්නුම් කරයි. ආසියාවේ සහ මැද පෙරදිග පුරා විසිර සිටින මිලියන 2.7 කට අධික සේවක සංඛ්‍යාවක් සමීක්ෂණය කිරීමෙන් Great Place to Work ආසියාවේ විශිෂ්ටතම සේවා ස්ථාන™ තෝරා ගනී.
කලාපයේ මිලියන 6.9 ක් පමණ සේවකයින්ට බලපානු ලබන සේවා ස්ථාන වැඩසටහන් ද Great Place to Work ආයතනය විශ්ලේෂණය කරයි. එහිදී සන්ෂයින් හෝල්ඩින්ග්ස් ආසියාවේ ඉහළම විශාල ව්‍යාපාර කාණ්ඩයේ සේවා ස්ථාන 70 අතර 57 වැනි ස්ථානයට පත් විය.
මෙම ඇගයීම පිළිබඳව අදහස් දක්වමින් සන්ෂයින් සමූහයේ ප්‍රධාන විධායක නිලධාරී ශ්‍යාම් සතාසිවම් මහතා පැවසුවේ, “Great Place to Work ආයතනය වෙතින් නැවත වරක් ආසියාවේ විශිෂ්ටතම සේවා ස්ථාන අතරට පිළිගැනීමට ලක්වීම විශාල ගෞරවයක්. අප ශ්‍රී ලංකාවේ හොඳම සේවා ස්ථානයක් ලෙස මීට පෙරද පිළිගැනීමට ලක්වීමෙන් පසු නැවතත් ආසියාවේ වඩාත් ගෞරවාදරයට පත් ආයතන අතරට අපව පත් කරන මෙම සම්මානය සේවකයින්ට ඔවුන්ගේ වෘත්තීය දියුණුව ළඟා කරගැනීමට සහ පාර්ශවකරුවන්ගේ අපේක්ෂාවන් ඉක්මවා යාමට සහාය වන විවෘත, ආරක්ෂිත හා විවිධත්වයෙන් යුතු සේවා ස්ථානයක් නිර්මාණය කිරීමට අපගේ දැඩි කැපවීම පිළිබඳ කදිම සාක්ෂියක්.” යනුවෙනි.
Great Place to Work ආයතනය විසින් සිදු කළ 2023 වසරේ සමීක්ෂණයේදී සන්ෂයින් හෝල්ඩින්ග්ස් ශ්‍රී ලංකාවේ විශිෂ්ටතම සේවා ස්ථානවලින් එකක් ලෙස ශ්‍රේණිගත වීමෙන් සමාගම ආසියානු මට්ටමේ පිළිගැනීමක් ලබා ගත්තේය. Great Place to Work® විසින් සිදු කරන ලද නිර්නාමික සමීක්ෂණයකදී සන්ෂයින් හි සේවකයින් විසින් සපයන ලද විශිෂ්ටතම ශ්‍රේණිගත කිරීම් මත මෙම සහතිකය ආයතනය විසින් හිමි කරගෙන තිබුණි. මෙම සහතිකය Sunshine Holdings PLC ප්‍රමුඛ එහි අනුබද්ධ ආයතන වන Healthguard Pharmacy Ltd., Sunshine Consumer Lanka Ltd., Sunshine Healthcare Lanka Ltd., සහ Sunshine Tea (Pvt) Ltd. සඳහා අදාළ විය.
මෙම වසරේ සමීක්ෂණයේ හෙළිදරව් වුණු විශේෂ කරුණක් වූයේ ලැයිස්තුවේ ඇති සමාගම්වල සේවකයින් ආසියාවේ සාමාන්‍ය සේවා ස්ථාන හා සසඳන විට ඉහළ සේවක තෘප්තියක් ඇති බවයි. සමාගම් තම සේවකයින් සමඟ ශක්තිමත් විශ්වාසයක් ගොඩනගා ගන්නා විට ඉතා උසස් තත්වයේ AI තාක්ෂණය වැනි වෙනස්කම්වලට හොඳින් අනුවර්තනය වීමට ඔවුන්ට හැකියාව ලැබේ. Best Workplaces™ සමීක්ෂණයේදී සේවකයින්ගෙන් 89%ක් පැවසුවේ තම සමාගම් නව ප්‍රවේශයන් උත්සාහ කරන පුද්ගලයින්ට සහාය දක්වන බවයි.
