නොවැම්බරයේ විදේශ ප්‍රේෂණවල දැවැන්ත පහත වැටීමක්: මහ බැංකුවේ සංඛ්‍යාලේඛන හෙළි කරයි

ශ්‍රී ලංකාව සඳහා විදේශ මුදල් හුවමාරු කිරීමේ ප්‍රධාන මූලාශ්‍රයක් වන ශ්‍රී ලාංකික සංක්‍රමණික ශ්‍රමිකයන්ගේ ප්‍රේෂණ 2021 නොවැම්බර් මාසයේදී ඉතා ශ්‍රීඝ්‍රයෙන් පහත වැටී ඇතිබවක් ශ්‍රී ලංකා මහ බැංකු සංඛ්‍යාලේකන සනාථකරයි.

ශ්‍රී ලංකා මහ බැංකුව වාර්තා කල පරිදි, 2021 නොවැම්බර් මාසයේදී ශ්‍රී ලංකාව විදේශ ප්‍රේෂණවලින් ඇ.ඩො. මිලියන 271.4 ක් වූ අතර, මෙය 2020 නොවැම්බර් මාසයේ වාර්තා වූ ඇමෙරිකානු ඩොලර් මිලියන 611.7 හා සැසඳීමේ දී ප්‍රේෂණවල 55.6% ක සැලකිය යුතු අඩුවීමකි. 2020 වසරේ එම කාලය තුළ වාර්තා වූ ඇමෙරිකානු ඩොලර් 6,291.2 හා සැසඳීමේ දී, 2021 වසරේ පළමු මාස ​​11 තුළ මුළු ඇමෙරිකානු ඩොලර් මිලියන 5,166.3ක් වාර්තා කිරීමෙන් පසු ශ්‍රී ලංකාව විදේශ ප්‍රේෂණවල 17.9% ක අඩුවීමක් දක්නට ලැබුණි.

2021 ඔක්තෝම්බර් මාසයේදී ශ්‍රී ලංකාව ඩොලර් මිලියන 317.4 ක් වටිනා විදේශ ප්‍රේෂණ වාර්තා කළ අතර එය 2020 ඔක්තෝම්බර් මාසයේදී වාර්තා වූ ඇමරිකානු ඩොලර් 630.7 ට සාපේක්ෂව 49.6% ක පහත වැටීමකි. ශ්‍රී ලාංකික සංක්‍රමණික ශ්‍රමිකයන්ගෙන් මුදල් ප්‍රේෂණ සඳහා විධිමත් මාර්ග භාවිත කරන ලෙස මහ බැංකුව පසුගියදා ඉල්ලා සිටි අතර, දැනුවත්ව හෝ නොදැනුවත්ව අවිධිමත් ක්‍රම භාවිත කිරීම නීතිවිරෝධී ක්‍රියාවන්හි නියැලීමක් ලෙස සලකන බවද සඳහන් කළේය.