ලංකා ව්‍යාපාරික පුවත් - LBN
කොමර්ෂල් බැංකුවේ තවත් අති නවීන සේවාවක් වන ඉහළම තාක්ෂණයෙන් පිරිපුන් Q+ ගෙවීමේ ඇප් පහසුකම තවදුරටත් තාක්ෂණයෙන් ශක්තිමත් කර තිබේ. මේ අනුව, මුදල් හුවමාරු කිරීමේ විවිධාංග සහ නම්‍යශීලී ගෙවීම් ක‍්‍රමවේද කිහිපයක් මෙම ඇප් පහසුකමට හඳුන්වා දෙමින් ගනුදෙනුකරුවන්ගේ පහසුව තවදුරටත් වර්ධනය කර ඇත.
Q+ ඇප් පහසුකමට තමන්ගේ කොමර්ෂල් බැංකුවේ කාඞ් ඒකාබද්ධ කර තිබෙන ගනුදෙනුකරුවන්ට මේ වනවිට දේශීයව නිකුත් කර තිබෙන Visa සහ Mastercard ඩෙබිට් කාඞ්, ක්‍රෙඩිට් කාඞ් හෝ පෙර ගෙවුම් කාඞ් සඳහා අවශ්‍ය මුදල් කොමර්ෂල් බැංකු හෝ අනිකුත් දේශීය බැංකු ගිණුමකට මෙන්ම ඕනෑම ගෙවීම් හුවමාරු නාමයක් (PEN) වෙත ලංකාපේ හි ලියාපදිංචි වී තිබෙන ඕනෑම ජංගම දුරකතන අංකයකින් හෝ ඇප් පහසුකමේ ලියාපදිංචි වී තිබෙන කාඞ් මගින් සෘජුවම යැවිය හැකිය.
කාඞ් පතකින් තවත් කාඞ් පතකට මුදල් හුවමාරු කිරීමේ නවාංගය ගෙවීමේ ඇප් පහසුකමක් මගින් මෙරටට හඳුන්වා දෙන්නේ පළමු වතාවට වීම මෙහිදී කැපී පෙනේ. මෙය ‘Visa Direct’ සහ ‘Mastercard Send’ යන කාඞ් පදනම් කරගත් අරමුදල් හුවමාරු පහසුකම් තුළින් ක‍්‍රියාත්මක වෙයි. මෙය භාවිතා කරන්නාට පහසු ක‍්‍රමවේද දෙකකින් යුතු අරමුදල් හුවමාරු ක‍්‍රමයක් වන අතර ලබන්නාගේ කාඞ් අංකය සහ මුදල ඇතුළත් කිරීමෙන් පහසුවෙන් ක‍්‍රියාත්මක කළ හැකිවේ.
මේ ආකාරයෙන්ම, කාඞ් මගින් පහසුවෙන් අරමුදල් ලබන්නාගේ බැංකු ගිණුමටද මුදල් යැවිය හැකි අතර එහිදී කළ යුත්තේ ලබන්නාගේ බැංකුව තෝරාගෙන බැංකු ගිණුමේ අංකය සහ යවන මුදල ඇතුළත් කිරීමයි.
මේ අතර, ‘Scheduled Payments’ නවාංගය යටතේ Q+ ගෙවීමේ ඇප් පහසුකමේ ගනුදෙනුකරුවන්ට කොමර්ෂල් බැංකු ගිණුමකට හෝ කාඞ් පතකට, අනිකුත් ඕනෑම දේශීය බැංකු ගිණුමකට හෝ කාඞ් අංකයකට මෙන්ම ඕනෑම ගෙවීම් හුවමාරු නාමයකට (PEN) තමන්ට අවශ්‍ය වේලාවට මුදල් වැටෙන ලෙස සැලසුම් කර මුදල් යැවිය හැකිය. මේ ආකාරයෙන්ම අනිකුත් බැංකු මගින් නිකුත් කර තිබෙන ක්‍රෙඩිට් කාඞ්පත් සඳහා ගෙවිය යුතු හිඟ මුදල් පියවීමද කළ හැකිවේ. මෙහිදී, මෙම ගෙවීම් කලින් ඇතුළත් කර තැබිය හැකි අතර තමන්ට අවශ්‍ය දිනය සහ වේලාවට එය ස්වයංක‍්‍රීයව සිදුවේ. මෙම සියළුම ගනුදෙනු වලදී ක්ෂණයකින් අදාළ ගනුදෙනුවට අදාළ කෙටි පණිවුඩයක් ගනුදෙනුකරුවාට ලැබෙනු ඇත.
ශ්රී ලංකාවේ පරිසරයට කාබන් මුදාහැරීම 100% තුලනය කළ ප‍්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු බැංකුව මෙන්ම පිට පිට 12 වතාවක් එසේ තේරී පත්වූ එකම ශ්රී ලාංකේය බැංකුව කොමර්ෂල් බැංකුව වන අතර මේ වනවිට දිවයින පුරා බැංකු ශාඛා 269 ක් සහ ස්වයංක‍්‍රීය යන්ත‍්‍ර 943 ක් ක‍්‍රියාත්මක කරයි. ශී‍්‍ර ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත‍්‍රයේ ඩිජිටල් නව්‍යකරණය සඳහා ප‍්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 19 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ්රී ලංකාවේ එකම පුද්ගලික වාණිජ බැංකුව ද වේ.
