කොමර්ෂල් බැංකුව වෙතින් නව ‘අරුණළු’ සහ ‘ඉසුරු’ ගිණුම් හිමියන්ට අපේ‍්‍රල් සහ මැයි මාස වලදී තෑගි

මේ අපේ‍්‍රල් සහ මැයි මාස වලදී කොමර්ෂල් බැංකුවේ ‘අරුණළු’ ළමා ඉතිරිකිරීමේ ගිණුමක් හෝ ‘ඉසුරු’ ළමා ඉතුරු කිරීමේ සැලසුමක් විවෘත කරන සියළුම ගනුදෙනුකරුවන්ට එම ගිණුමෙන් සහ ඉතුරු කිරීමේ සැලසුම මගින් ලබාදෙන ප‍්‍රතිලාභ තවදුරටත් වැඩිකරමින් ත්‍යාගයක් පිරිනමන බව බැංකුව නිවේදනය කර ඇත.

බැංකුවේ ජනප‍්‍රියතම ළමා ඉතුරු කිරීමේ ගිණුම් මගින් ලබාදෙන ඉතිරි කිරීමේ විකල්ප පිළිබඳව අවධාරනය කිරීමටත් දරුවන් වෙනුවෙන් ඉතිරිකිරීමට දෙමව්පියන් යොමුකිරීම සඳහා මෙම ප‍්‍රවර්ධන වැඩසටහන සැලසුම් කර තිබෙන බව බැංකුව සඳහන් කරයි.

අපේ‍්‍රල් 01 වනදා සිට මැයි 31 වනදා දක්වා රුපියල් 1000 ක හෝ එයට වඩා වැඩි මූලික තැන්පතුවක් සමඟ මෙම ඉතිරිකිරීමේ ගිණුම් දෙකෙන් එකක් විවෘත කරන අයට පරිසර හිතකාමී, ලෝහයකින් තැනූ කාසි එකතු කරන කැටයක් හෝ අවුරුදු තුනක් දක්වා දරුවන් රැකබලා ගන්නා ආකාරය උගත හැකි වටිනා පොතක් හිමිකර ගත හැකි බව බැංකුව සඳහන් කරයි.

කුඩා දරුවන් හදාවඩා ගන්නා ආකාරය පිළිබඳව උපදෙස් දෙන මෙම පොත ජ්‍යෙෂ්ඨ නාරිවේද වෛද්‍ය උපාලි මාරසිංහ මහතා විසින් රචනා කර තිබෙන අතර එය සිංහල සහ දෙමළ භාෂා දෙකෙන්ම ලබාගත හැකිය.

කොමර්ෂල් බැංකුවේ ප‍්‍රමුඛතම ළමා ඉතුරුකිරීමේ ගිණුම වන ‘අරුණළු’ ළමා ඉතිරි කිරීමේ ගිණුම සඳහා ඉහළම පොලී අනුපාතයක් බැංකුව විසින් ලබාදෙන අතර රුපියල් 100 ක අවම මුදලක් තැන්පත් කිරීම මගින්  ඕනෑම කොමර්ෂල් බැංකු ශාඛාවකින් මෙම ගිණුමක් විවෘත කළ හැකිය.

‘ඉසුරු’ ළමා ඉතුරු කිරීමේ සැලසුම යටතේ මාසික ගෙවීමක් හෝ එක් වරකදී සිදුකරන ඉතුරු කිරීමක් කළ හැකි අතර දරුවාට අවුරුදු 18 සම්පූර්ණ වනවිට රුපියල් මිලියන 6.5 ක් දක්වා මුදලක් මේ තුළින් ලබාගත හැකි බව බැංකුව සඳහන් කරයි.

ශ‍්‍රී ලංකාවේ පරිසරයට කාබන් මුදාහැරීම 100% තුලනය කළ ප‍්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු බැංකුව මෙන්ම පිට පිට 11 වතාවක් එසේ තේරී පත්වූ එකම ශ‍්‍රී ලාංකේය බැංකුව කොමර්ෂල් බැංකුව වන අතර මේ වනවිට දිවයින පුරා බැංකු ශාඛා 268 ක් සහ ස්වයංක‍්‍රීය යන්ත‍්‍ර 938 ක් ක‍්‍රියාත්මක කරයි. ශී‍්‍ර ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත‍්‍රයේ ඩිජිටල් නව්‍යකරණය සඳහා ප‍්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 19 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ‍්‍රී ලංකාවේ එකම පුද්ගලික වාණිජ බැංකුව ද වේ.