කොමර්ෂල් බැංකුව වෘත්තීය පුහුණු අධිකාරියේ (VTA) ඇගළුම් තාක්ෂණික ශිල්පී පාඨමාලාවට සහය දැක්වීමට පරිගණක පරිත්‍යාග කරයි

වෘත්තීය පුහුණු අධිකාරිය (VTA) විසින් පවත්වාගෙන යනු ලබන ඇගළුම් නිර්මාණ තාක්ෂණික ශිල්පී (NVQ 4 වන මට්ටම) පාඨමාලා සඳහා සහය දැක්වීමට කොමර්ෂල් බැංකුව මෑතකදී නව පරිගණක, UPS ඒකක සහ ස්පීකර්ස් වැනි උපාංග පරිත්‍යාග කරන ලදී. මෙම පාඨමාලා දිස්ත‍්‍රික්ක 12 ක, මධ්‍යස්ථාන 15 ක පැවැත්වෙන අතර මේ වන විට ආධුනිකයන් 300 දෙනෙකු එම පාඨමාලා හදාරයි. මෙම පුළුල් පාඨමාලාව සඳහා සහභාගීවන්නන් හට වර්තමාන විලාසිතා ප‍්‍රවණතා අධ්‍යයනය කිරීමට සහ අනාගත ප‍්‍රවණතා පුරෝකථනය කිරීමට, නව මෝස්තර නිර්මාණය කිරීමට, ඇගළුම් සඳහා භාවිතයට ගන්නා රටා සහ රෙදි තෝරාගැනීමට සහ නිෂ්පාදනය අධීක්ෂණයට අවශ්‍ය දැනුම සහ පුහුණුව ලබාදෙයි. සේයාරුවෙන් දැක්වෙන්නේ, කොමර්ෂල් බැංකුවේ සමූහ ප‍්‍රධාන අලෙවිකරණ නිළධාරී සහ බැංකුවේ සමාජ සත්කාරක භාරයේ භාරකරු හස්රත් මූණසිංහ මහතා (දකුණේ සිට තෙවැන්නා) එක් පරිගණකයක් අධිකාරියේ සභාපති එරංග බස්නායක මහතා (දකුණේ සිට දෙවැන්නා) හට ආයතන ද්විත්වයේ නිළධාරීන්ගේ ද සහභාගීත්වයෙන් පිරිනමන අයුරුයි.