ලංකා ව්‍යාපාරික පුවත් - LBN
කොමර්ෂල් බැංකුවේ සමාජ සත්කාරක භාරය විසින් මෑතකදී යාපනය ශික්ෂණ රෝහලට, තෙලිප්පලෙයි මූලික රෝහලට සහ කයිට්ස් රෝහලට අත්‍යවශ්‍ය වෛද්‍ය උපකරණ තොගයක් පරිත්‍යාග කරන ලදී. කොවිඞ්-19 වසංගතයට සහ අනිකුත් බොහෝ රෝගාබාධ සඳහා ප‍්‍රතිකාර කිරීමට ප්රමුඛ කාර්ය භාරයක් සිදුකරන රජයේ රෝහල් සහ සෞඛ්‍ය ආයතන සඳහා සහයෝගය දැක්වීමට බැංකුව විසින් ආරම්භ කර තිබෙන වැඩසටහන යටතේ මෙම පරිත්‍යාග සිදුකළ බව බැංකුව සඳහන් කරයි. මේ යටතේ බැංකුව විසින් යාපනය ශික්ෂණ රෝහලට නන්-ඉන්වේසිව් වෙන්ටිලේටර් දෙකක් පරිත්‍යාග කළ අතර තෙලිප්පලෙයි මූලික රෝහලට මල්ටිපැරා මොනිටර් සහ කෙරටෝ මීටරයක් පරිත්‍යාග කරන ලදී. මේ අතර, කොඇගුලේෂන් ඇනලයිසර් එකක්, බ්ලඞ් ගෑස් සහ ඉලෙක්ට්‍රොලයිට් ඇනලයිසර් එකක් සහ නන්-ඉන්වේසිව් බයි-ලෙවල් වෙන්ටිලේටර් එකක් කයිට්ස් මූලික රෝහලට බැංකුව විසින් පරිත්‍යාග කරන ලදි.
