ලංකා ව්‍යාපාරික පුවත් - LBN
කොමර්ෂල් බැංකුව විසින් පසුගියදා පැවැත්වූ 2024 වසරේ බැංකුවේ වාර්ෂික ජ්‍යෙෂ්ඨත්ව සම්මාන උළෙලේ දී, වසර 25ක සේවා කාලයක් හිමි සේවක සේවිකාවන් 37 දෙනෙකු ඇගයීමට ලක් කළ අතර එහි දී ඔවුන්ට වටිනා තිළිණ සහ ඇගයීම් ඵලක පිරිනමන ලදි.
කොළඹ, කිංග්ස්බරි හෝටලයේ පැවති මෙම උත්සවයට කොමර්ෂල් බැංකුවේ සභාපති ෂර්හාන් මුෂීන් මහතා, බැංකුවේ කළමනාකාර අධ්‍යක්ෂ/ප්‍රධාන විධායක නිලධාරී සනත් මනතුංග මහතා, ප්‍රධාන මෙහෙයුම් නිලධාරී එස්. ප්‍රභාගර් මහතා, අධ්‍යක්ෂ මණ්ඩල සාමාජිකයින් සහ ආයතනික සහ ජ්‍යෙෂ්ඨ කළමනාකාරීත්වයේ නියෝජිතයින් සහභාගී විය. උත්සවයෙන් අනතුරුව පැවති සැමරුුම සඳහා උපහාර ලැබූ කාර්යය මණ්ඩලයේ පවුල්වල සාමාජිකයින්ට ද ආරාධනා කරන ලදී.
මෙම සම්මානලාභී පිරිසගෙන් බොහෝ දෙනෙක් පාසල් අධ්‍යාපනය අවසන් කරනවාත් සමඟ ම 1999 වසරේ දී බැංකුවට සම්බන්ධ වී ඇති අතර ඔවුන් මේ වන විට බැංකුවේ විවිධ දෙපාර්තමේන්තුවල සහ ශාඛාවල තනතුරු දරන බව බැංකුව පවසයි.
කොමර්ෂල් බැංකුවේ අධ්‍යක්ෂ මණ්ඩල සාමාජිකයින්, ආයතනික කළමනාකාරීත්වයේ සාමාජිකයින් සහ ජ්‍යෙෂ්ඨ කළමනාකාරීත්වයේ සාමාජිකයින් සමඟින් ජ්‍යෙෂ්ඨත්ව සම්මානලාභීන් මෙම සේයාරුවෙහි දැක්වෙයි.
