ලංකා ව්‍යාපාරික පුවත් - LBN
ශ්‍රී ලංකා බැඩ්මින්ටන් ආයතනයේ කලාපීය සංවර්ධන කමිටුව මගින් සංවිධාන කළ ‘එයාර් බැඩ්මින්ටන්’ ක්‍රීඩාව ව්‍යෘප්ත කිරීමේ තවත් පියවරක් පුත්තලම දිස්ත්‍රික්කයේ ආරච්චිකට්ටුව ප්‍රදේශීය ලේකම් කොට්ඨාසයේ බංගදෙනිය මහා විද්‍යාලයේදී සිදු කෙරිණි.
එයාර් බැඩ්මින්ටන් ක්‍රීඩාවෙන් කැපී පෙනෙන දස්කම් දක්වන දුෂ්කර පාසලක් වන බංගදෙනිය මහා විද්‍යාලයට සිය දස්කම් තවදුරටත් ඔප් නංවා ගැනීමට අවශ්‍ය බැඩ්මින්ටන් ‘රැකට්’ හා ‘ෂට්ල්ස්’ ඇතුළු උපකරණ බෙදා දීම ශ්‍රී ලංකා බැඩ්මින්ටන් කලාපීය සංවර්ධන කමිටුව සභාපති රොෂාන් ගුණවර්ධන ප්‍රධානත්වයෙන් එම විදුහලේදී සිදු විය.
මෙම අවස්ථාවට පුත්තලම දිස්ත්‍රික් ලේකම් ප්‍රසාද් රත්නායක ඇතුළු නිලධාරීන් ද, බංගදෙනිය මහා විද්‍යාලයේ විදුහල්පතිවරයා ඇතුළු ගුරු භවතුන් ද සහභාගි වූ අතර, පාසල් සිසු සිසුවියන් හා මාපියන් ද විශාල පිරිසක් එම අවස්ථාවට එක්වූහ.
