‘ඇය සුරකින AIA’ මිලියන භාගයකට අධික කාන්තාවන් පිරිසක් සවිබල ගන්වමින් පළමු සංවත්සරය සමරයි!

 



 

 

AIA ඉන්ෂුවරන්ස් ලංකා සමාගම, IFC-DFAT Women In Work වැඩසටහන හා සහයෝගීතාවයෙන් ක්‍රියාත්මක කරන්නා වූ සිය කාන්තා වැඩසටහන වන ‘ඇය සුරකින AIA’ හි පළමු සංවත්සරය, ශ්‍රී ලංකා රක්ෂණ නියාමන කොමිෂන් සභාවේ අධ්‍යක්ෂ ජෙනරාල් තුමිය වන දමයන්ති ප්‍රනාන්දු, AIA ඉන්ෂුවරන්ස් ලංකා සමාගමේ ප්‍රධාන විධායක නිලධාරිනී චතුරි මුනවීර සහ ජාත්‍යන්තර මූල්‍ය මණ්ඩලයේ (IFC) වික්ටර්  ඇන්තනිපිල්ලේ සහ සාරා ට්විග් යන මහත්ම මහත්මීන්ගේ සහභාගීත්වයෙන් නොබෝදා උත්සවශ්‍රීයයෙන් සමරන ලදී.  තවද දිවයින පුරාවට මෙම වැඩසටහන යටතේ කාන්තාවන් සවිබලගැන්වීම සඳහා සිදුකරන ලද දායකත්වය සහ සාර්ථක මෙහෙවර ඇගයීම සඳහා AIA හි ඉහළ කළමනාකාරිත්වය ඇතුළුව ජාත්‍යන්තර මූල්‍ය මණ්ඩලය (IFC),කොමර්ෂල් බැංකුව සහ කාන්තා කර්මාන්ත සහ වාණිජ මණ්ඩලය(WCIC) නියෝජනය කරමින් වෘත්තිකයින් පිරිසක් ද සහභාගී වී සිටියහ.

AIA හි ප්‍රධාන විධායක නිලධාරිනී චතුරි මුනවීර මහත්මියගේ කතාවකින් උත්සවයේ ආරම්භය සනිටුහන් වූ අතර එහිදී ‘ඇය සුරකින AIA’ ඔස්සේ පසුගිය වසර පුරාවට සාර්ථකව ක්‍රියාත්මක කරන ලද වැඩසහන් මෙන්ම එහි අනාගත දැක්ම පිළිබඳවත් සඳහන් කරන ලදී.  එනම් 2025 වසර වන විට ශ්‍රී ලංකාව පුරාවට කාන්තාවන් 2,000,000ක් ‘ඇය සුරකින AIA’ සමගින් ධනාත්මක අයුරින් එකතුකර ගැනීම වන අතර එම දැක්ම AIA  හි සමස්ත සමූහ දැක්ම වන 2030 වසර වන විට ආසියාවේ ජීවිත බිලියනයකට සුවපත්, සැපවත්, දිගුකල් ජීවිත ගත කිරීමට සහාය වීම යන්න සමගින් ද ඉතා සමීපව සම්බන්දතාවක් සහිත වේ. මෙම සංවත්සර උත්සවය සැන්දෑ සාදයකින් අවසන් වූ අතර ඊට සහභාගී වූ වෘත්තීකයින්හට හමු වී දැනහැඳින  ගැනීමටත් මෙය කදිම අවස්ථාවක් ද විය.

IFC-DFAT-DFAT Women in Work හි තවත් එක් වැඩසටහනක් වශයෙන් පසුගිය වසරේ දී ‘ඇය සුරකින AIA’ කාන්තාවන් වෙනුවෙන්ම කැප වූ කාන්තා රක්ෂණ මුලපිරුම ආරම්භ කරන ලදී.  මේ ඔස්සේ ශ්‍රී ලාංකික කාන්තාවන්හට රක්ෂණ විසදුම්, මූල්‍ය සාක්ෂරතා පුහුණුව,තොරතුරු සඳහා ප්‍රවේශය මෙන්ම ඇගයීම් ද පිරිනමන ලදී.    AIA ඉන්ෂුවරන්ස් ලංකා සමාගම සහ ජාත්‍යන්තර මූල්‍ය මණ්ඩලය (IFC) එක්ව 2020 වසරේ දී ශ්‍රී ලංකාවේ කාන්තාව සහ රක්ෂණය පිළිබඳව සිදුකරන ලද පුළුල් පර්යේෂණ මේ වැඩසටහන දියත් කිරීම සඳහා පාදක කරගන්නා ලදී.

IFC හි SheforShield වාර්තාවට අනුව 2030 වසර වනවිට ගෝලීය වශයෙන් රක්ෂණ ක්ෂේත්‍රය තුල කාන්තාවන්ගේ වෙළෙඳපොල නියෝජනය සඳහා ඇමෙරිකානු ඩොලර් ට්‍රිලියන 1.7ක අවස්ථා පවතිනු ඇත.  මෙම වර්ධනයෙන් අඩකටත් වඩා වැඩි ප්‍රමාණයක් ශ්‍රී ලංකාව වැනි නැගී එන නව වෙළෙඳපොළ තුල ඇතිවෙනු ඇතැයි අපේක්ෂා කෙරේ.  උත්සව අවස්ථාවේ දී සිය අදහස් දක්වමින් IFC හි ශ්‍රී ලංකාවේ සහ මාල දිවයින සඳහා වන ජේෂ්ඨ නිලධාරී වික්ටර් ඇන්තනිපිල්ලේ කියා සිටියේ “ශ්‍රී ලංකාවේ දැනට පවතින අඩු රක්‍ෂණ ව්‍යාප්තිය සැලකිල්ලට ගෙන, කාන්තාවන් ඉලක්ක කර ගැනීම සහ ඔවුන්ගේ සුරක්ෂිතතාවය ආමන්ත්‍රණය කිරීම රක්‍ෂණකරුවන්ට ඉහළ තලයකට ළඟා වීමට උපකාරී වෙනු ඇති බවයි. ‘ඇය සුරකින AIA’  වැඩසටහන වෙනුවෙන් IFC සමගින් AIA සිදු කරන්නා වූ කර්තව්‍ය, ශ්‍රී ලාංකික කාන්තාවන් එනම් කාර්ය මණ්ඩල සාමාජිකාවන්, කාන්තා පාරිභෝගිකයින් සහ අලෙවි බලකා සාමාජිකාවන් යන සියලු දෙනාහට සහය වෙමින් ඔවුන් සවිබල ගැන්වීමට උපකාරී වනු ඇති.”

සැමට වඩා යහපත් අනාගතයක් ලබාදීමේ AIA හී නොමඳ කැපවීම,  ‘ඇය සුරකින AIA’ වැඩසටහන යටතේ, ස්ත්‍රී පුරුෂ සමානාත්මතාවය, කාන්තාවන්හට වැඩි අවස්ථා නිර්මාණය කර දීම සහ සැමට එක්ව කටයුතු කළහැකි සැමදෙනා ඇතුලත්කර ගත් සේවා පරිසරයක් ඇති කිරීම යන කටයුතුවල ලබා ගත්  සාර්ථකත්වය ඔස්සේ පිළිබිඹු වේ.  මෙම වැඩසටහන දිවයින පුරා සිටින කාන්තාවන්හට අධ්‍යනය, බඳවා ගැනීම්, ජාලකරණය සහ රැකවරණය යන සෑම කරුණක් සඳහාම, පෞද්ගලික මෙන්ම වෘත්තීය වශයෙන් සිය උපරීමය ලඟා කරගැනීම සඳහා සහාය වනු ඇත.

පසුගිය වසරේ මෙම වැඩසටහන දියත් කල දින සිට විවිධ ඉලක්කගත වැඩසටහන් ඔස්සේ සමාගම අභ්‍යන්තරයේ සහ ඉන් භාහිරව සිටින 500,000 කට අධික කාන්තාවන් පිරිසක් සවිබලගැන්වීමට හැකියාව ලැබී ඇත.  මෙම වැඩසටහන යටතේ IFC විසින් සකස් කරන ලද  ස්ත්‍රී පුරුෂ සමාජභාවය පිළිබඳ සංවේදීතා පුහුණු වැඩසටහන් දියත් කිරීම (Gender Sensitivity Training-GST) සහ එම වැඩසටහන් අපගේ අලෙවි බලකා සාමාජිකාවන්ගේ අලෙවි පුහුණු වැඩසටහන් තුලට ඇතුලත් කිරීම සිදු වේ. මේ ඔස්සේ අලෙවි බලකා සාමාජිකාවන් ඔවුනගේ කාන්තා සේවාලාභීන්ගේ අවශ්‍යතා පිළිබඳව වඩාත් සංවේදීව කටයුතු කිරීම, කාන්තා සහ පිරිමි පුද්ගලියින් සම සමව සිටිනා අලෙවි කණ්ඩායමක් බඳවා ගැනීම, WCIC සමග සහයෝගීතාවය සමගින් වැඩි වැඩියෙන් කාන්තාවන් සවිබල ගැන්වීම, කාන්තාවන්ටම විශේෂිත වූ රක්ෂණ සැලසුමක් වන  ‘She Protect’ හදුන්වා දීම සහ කොමර්ෂල් බැංකුවේ Anagi ගිණුම් හිමිකාරියනට විශේෂිත වූ රක්ෂණ විසදුමක් හදුන්වා දෙමින් කාන්තා සේවාලාභීන්ගේ ප්‍රමාණය පුළුල් කරගැනීම යන කරුණු සිදුව ඇත.

මෙම මුලපිරීම් ඔස්සේ AIA හි කාන්තා සවිබල ගැන්වීම වෙනුවෙන් ඇති තිර කැපවීම සහ සැමට එක්ව කටයුතු කළහැකි සැමදෙනා ඇතුලත්කර ගත් ස්ත්‍රී පුරුෂ සමානාත්මතාවය සපිරි සමාජයක් ගොඩනැගීම සඳහා සමාගමේ ප්‍රයත්නය පිළිබිඹු වේ. ‘ඇය සුරකින AIA’ වැඩසටහනේ පළමුවන සංවත්සරය සමඟින් කාන්තාවන් සවිබලගැන්වමින් සැමට වඩා යහපත් අනාගතයක් ලබාදීමේ AIA හී නොමඳ කැපවීම තවදුරටත් තහවුරු වේ.  AIA ඉන්ෂුවරන්ස් ලංකා සමාගම ‘ඇය සුරකින AIA’ වැඩසටහනෙහි සාර්ථකත්වය අභිමානයෙන් සමරන අතර කාන්තාවන් සවිබලගැන්වීමේ කටයුතු ඉදිරියටත් කරගෙන යාමට අපේක්ෂා කරයි.