කොමර්ෂල් බැංකුවෙන් ශ‍්‍රී ලංකා මහ බැංකුවේ LANKAQR මාතර පැවති ප‍්‍රවර්ධන වැඩසටහනට සහයෝගය

ශ‍්‍රී ලංකා මහ බැංකුව විසින් LANKAQR පද්ධතිය ඔස්සේ මුදල් නොවන ඩිජිටල් ගෙවීම් ප‍්‍රවර්ධනය කිරීම සඳහා ආරම්භ කර තිබෙන වැඩසටහනට අඛණ්ඩ සහයෝගය දක්වමින් කොමර්ෂල් බැංකුව මාතර සනත් ජයසූරිය ක‍්‍රීඩාංගනයේ පැවැත්වුණු ‘රටපුරාම LANKAQR’ වැඩසටහනට සහභාගී විය. මෙම වැඩසටහනේ ප‍්‍රධාන ආරාධිත අමුත්තා ලෙසින් විදුලිබල සහ බලශක්ති අමාත්‍ය ඩලස් අලහප්පෙරුම මහතා සහභාගී වූ අතර ශ‍්‍රී ලංකා මහ බැංකුවේ ගෙවීම් සහ පියවීම් දෙපාර්තමේන්තුවේ අධ්‍යක්ෂ, ඞී. කුමාරතුංග මහතා සහ LANKAQR හි, සාමාජිකයින් වන බැංකු, මූල්‍ය ආයතන සහ විදුලි සංදේශ සමාගම්වල නියෝජිතයින් පිරිසක්ද මෙම අවස්ථාවට එක්විය.

LANKAQR පද්ධතියට ඇතුළු වූ පළමු QR කේත පදනම් කරගත් ඇප් පහසුකම වන කොමර්ෂල් බැංකුවේ ComBank Q+ ඇප් පහසුකම මෙම ප‍්‍රවර්ධන වැඩසටහන සඳහා සහයෝගය ලබාදීම සඳහා මාතරදී ComBank Q+ ඇප් පහසුකම ඔස්සේ මිලදීගැනීම් කිරීමේදී මාතර ප‍්‍රදේශයේ ජනතාවට දෛනික සීමාවකට යටත්ව 35% ක මුදල් අපේ‍්‍රල් 18 වනදා දක්වා ආපසු පිරිනමනු ඇත. මීට අමතරව, LANKAQR ජනප‍්‍රිය කරවීම සඳහා කොමර්ෂල් බැංකුවේ අලෙවි කණ්ඩායමේ සාමාජිකයින් පිරිසක් ප‍්‍රදේශයේ වෙළෙඳසැල් වෙත ගොස් වෙළෙඳ මහත්ම මහත්මීන් ලියාපදිංචි කිරීමක්ද කළේය.

ComBank Q+ මගින් සිල්ලර පාරිභෝගිකයින් සහ වෙළෙඳුන් යන දෙපාර්ශවයටම ගෙවීම් ක‍්‍රම බැංකුව විසින් මෑතකදී එළිදැක්වූ සියළුම පොයින්ට් ඔෆ් සේල් (POS) යන්ත‍්‍රවල LANKAQR උපාංගය ඇතුළත් කර තිබේ.

කොමර්ෂල් බැංකුවේ Q+ ඉතාමත් ශක්තිමත් අති නවීන ජංගම දුරකතන ඇප් පහසුකමකි. මෙය LANKAQR යටතේ එළිදැක්වූ ක්ෂණික ප‍්‍රතිචාර (QR) පදනම් කරගත් පළමු ගෙවීමේ ඇප් පහසුකම වන අතර කාඞ්පත් හිමියන් සහ වෙළෙඳුන්ට කිසිදු කරදරයකින් තොරව ගෙවීම් කිරීමේ අවස්ථාව ලබාදෙමින් එය නිර්මාණය කර තිබේ. මේ සඳහා ලියාපදිංචි වීමට ගනුදෙනුකරුවන්ට මාස්ටර්කාඞ්, වීසා, යුනියන්පේ, ලංකාපේ සහ JCB ක්‍රෙඩිට්, ඩෙබිට් හෝ පෙර ගෙවුම් කාඞ්පත් භාවිතා කළ හැකිවේ.