ලංකා ව්‍යාපාරික පුවත් - LBN
Indian Affair නැවත වරක් මෙරට ආහාරපාන ලෝලීන්ගේ කතාබහට ලක් වී තිබේ. ඒ ඔවුන් විසින් අලුතින් හඳුන්වා දෙන ලද Biryani Sawan Box හේතුවෙනි. Indian Affair රස වෑහෙන ආහාරපාන එකතුවට අලුතින්ම එක්වූ රස රහස මෙයයි. උසස්ම ප්‍රමිතියෙන් හා රසයෙන් යුතුව මෙන්ම අලංකාර ඇසුරුමක්ද සහිතව පැමිණෙන Biryani Sawan Box, මේ දක්වා Indian Affair විසින් හඳුන්වා දෙන ලද හොඳම ආහාරපාන වර්ග අතරින් එකක් ලෙස හැඳින්විය හැකි වේ.
මේ සම්බන්ධයෙන් Indian Affair නියෝජිතයන් කිහිප දෙනෙකුගෙන් අදහස් විමසීමට අපට අවස්ථාව ලැබිණි. ඔවුන් කියා සිටියේ Biryani Sawan Box යනු ඉතාමත් සැලකිල්ලෙන් යුතුව සැලසුම් කළ දෙයක් බවයි. ප්‍රණීත රසයෙන් හා උසස් ප්‍රමිතියෙන් යුතුව මෙන්ම කාටත් මිලදී ගැනීමට හැකි ආකාරයට මෙය හඳුන්වා දීම තම මූලික අරමුණ වූ බව ඔවුහු පැවසූහ. එමෙන්ම මේ පණිවිඩය වැඩි පිරිසක් වෙත සන්නිවේදනය කිරීම සඳහා සුවිශේෂී ප්‍රවර්ධන වැඩසටහන් කිහිපයක් ක්‍රියාවට නැංවීමටද සලසුම් කර ඇති බව ඔවුහු කියා සිටියහ.
මේ Biryani Sawan Box රස බැලීමට අපටද අවස්ථාව හිමි විය. එය ඇත්ත වශයෙන්ම අප බලපොරොත්තු වූවාටත් වඩා ඉහළ මට්ටමක පැවති බව කියන්නේ ඉතාමත් සතුටිනි. අප අත්හදා බැලු Hyderabadi Chicken Biryani Sawan Box අතිවිශිෂ්ට සූපශාස්ත්‍රීය නිමැවුමක් බව නොකියාම බැරි ය. කුකුල් මස් කෙතරම් මෘදුව සහ ප්‍රණීතව පිළියෙල කර තිබුණේද යත් අපි තවත් Hyderabadi Chicken Biryani Sawan Box එකක් ඇණවුම් කළෙමු. එක් Sawan Box එකක් පුද්ගලයන් හතර පස් දෙනෙකුට සිත් සේ රස බැලීමට ප්‍රමාණවත් වේ.
Sawan යනු අලුත් සංකල්පයක් නොවන බවට කෙනෙකු තර්ක කිරීමට ඉඩ ඇත. එය සත්‍යයක් නමුත් Indian Affair Sawan යනු ඉතාමත් සැලකිල්ලෙන් යුතුව පිළියෙල කළ, උසස්ම ප්‍රමිතියෙන් යුත් ප්‍රණීත ආහාරයක් බව කිව යුතුම ය. මෙහි තවත් විශේෂත්වයක් වන්නේ මෙම Sawan කල්තබා ඇණවුම් කිරීම හෙවත් Pre-order කිරීම අවශ්‍ය නොවීමයි. Indian Affair විසින් මෙම Biryani Sawan සෑම දිනකම නැවුම්ව පිළියෙල කරනු ලබන අතර, ඇණවුම් කිරීමෙන් විනාඩි 30 ක් ඇතුළත පාරිභෝගිකයන්ට ඒවා රසබැලිය හැකි වේ.
Indian Affair Biryani Sawan Box යනු පවුලේ සාමාජිකයන් එකට එක්වන අවස්ථා, උත්සව, සාද හෝ ප්‍රිය සම්භාෂණ ඇතුළු ඕනෑම අවස්ථාවකට කදිම ආහාරයකි. මෙය කෙතරම් අපගේ සිත් ගත්තේද යත්, Indian Affair මීළඟ හඳුන්වා දීම සිදුකරන තුරු අප බලා සිටින්නේ නො-ඉවසිල්ලෙනි. මේ Biryani Sawan පිළියෙල කිරීමේදී යොදාගන්නා අමුද්‍රව්‍යවල සිට එය මේසයට පිළිගැන්වීම දක්වාම කෙතරම් විශිෂ්ට නිර්මාණයක් බවට පත් වී තිබේද යත්, එය නිසැකවම බිරියානි ලෝලීන්ගේ ප්‍රමුඛතම තේරීමක් බවට පත්වනු ඇත.
කොළඹ නගරයේ Indian Affair අලෙවිසැල් 7 කින් ඔබට නව Biryani Sawan Box මිලදීගත හැකි වේ.
