ලංකා ව්‍යාපාරික පුවත් - LBN
ලෝකයේ ප‍්‍රමුඛතම ස්වාධීන සන්නාම ඇගයීමේ සමාගම වන බ‍්‍රෑන්ඞ් ෆයිනෑන්ස් විසින් ප‍්‍රකාශයට පත්කළ ශ්රී ලංකාවේ 2022 වසරේ හොඳම සන්නාම ශ්‍රේණිගත කිරීමෙහි ස්ථාන පහක් ඉදිරියට පැමිණෙමින් සෙලින්කෝ ලයිෆ් නැවත වතාවක් ‘ශ්රී ලංකාවේ වඩාත්ම වටිනා ජීවිත රක්ෂණ සමාගම’ බවට පත්වීමට සමත්ව තිබේ.
මෙහිදී, 2022 වසර සඳහා සෙලින්කෝ ලයිෆ් සන්නාමයේ වටිනාකම රුපියල් බිලියන 3.8 ක් යැයි බ‍්‍රෑන්ඞ් ෆයිනෑන්ස් විසින් ගණනය කර තිබෙන අතර එය 2021 වසරේදී ලබාදුන් වටිනාකමට වඩා 8.8 % ක වර්ධනයකි. විශාල බැංකු, විදුලි සංදේශ සමාගම් සහ සිල්ලර වෙළඳ පොළේ දැවැන්තයින් ඇතුළත් වන මෙරට වටිනාම සන්නාම 100 තුළ සෙලින්කෝ ලයිෆ් 28 වන වඩාත්ම වටිනා පාරිභෝගික සන්නාමය බවට පත්ව තිබේ.
ඒ අතරම, සෙලින්කෝ ලයිෆ් සන්නාමයට බ‍්‍රෑන්ඞ් ෆයිනෑන්ස් විසින් ලබාදුන් AA වර්ගීකරණය මේ වසරේදී AA+ දක්වා ඉහළ දමා තිබෙන අතර එයින් පිළිඹිබු වන්නේ ඉතාමත් අඩු ණය අවධානමක් සහ මූල්‍ය වගකීම් ඉටුකිරීමට ඉහළ හැකියාවක් තිබෙන බවයි.
සෙලින්කෝ ලයිෆ් සන්නාමයේ වටිනාකම සහ ශක්තිය වෙනුවෙන් ලැබුණු නවතම ඇගයීම පිළිබඳව අදහස් දක්වමින් සෙලින්කෝ ලයිෆ් සමාගමේ කළමනාකාර අධ්‍යක්ෂ සහ ප‍්‍රධාන විධායක නිළධාරී, තුෂාර රණසිංහ මහතා මෙසේ අදහස් දැක්වීය. ‘මිලියන ගණනක ජනයාගේ අනාගත අවධානම අවම කිරීමට කැපවන සමාගමක් ලෙස අපගේ සාර්ථකත්වය ශ්රී ලාංකිකයින් විසින් අප කෙරෙහි තබා ඇති විශ්වාසය මත රඳා පවතිනවා. නිරන්තරයෙන්ම ශ්රී ලංකාවේ ප‍්‍රමුඛතම සහ වඩාත්ම වටිනා ජීවිත රක්ෂණ සන්නාමය ලෙසින් වර්ගීකරණය වීම අපට ඉතාමත්ම වැදගත් වෙනවා. ඒ තුළින් වර්තමාන අභියෝගාත්මක කාලයකදී පවා අපගේ ශක්තිය විදහා දැක්වෙනවා.’
ශ්රී ලංකාවේ රක්ෂණ කර්මාන්තය සැලකීමේදී බ‍්‍රෑන්ඞ් ෆයිනෑන්ස් විසින් නිරීක්ෂණය කර තිබෙන්නේ සාමාන්‍ය රක්ෂණ සන්නාම වලට වඩා ජීවිත රක්ෂණ සන්නාම වැඩි වේගයකින් වර්ධනය වන බවයි. මේ අනුව, 2022 වසරේදී සමස්තයක් ලෙස ජීවිත රක්ෂණ සන්නාමවල වටිනාකම 9% කින් වර්ධනය වූ අතර සාමාන්‍ය රක්ෂණ සන්නාමවල වටිනාකම වර්ධනය වී තිබෙන්නේ 1% කින් පමණි. බ‍්‍රෑන්ඞ් ෆයිනෑන්ස් වාර්තා කර තිබෙන්නේ කොවිඞ්-19 වසංගත තත්ත්වය හේතුවෙන් ජීවිත ආරක්ෂාව පිළිබඳව ජනතාව වැඩි සැලකිල්ලක් දැක්වීම නිසා ජීවිත රක්ෂණ වාරික ආදායම් වර්ධනය වී තිබෙන බවයි.
මෙම වර්ගීකරණයේදී මෙරට වඩාත් වටිනාම සහ ශක්තිමත්ම සන්නාම හඳුනාගැනීම සඳහා කොළඹ කොටස් වෙළඳපොළේ ලයිස්තුගත කර තිබෙන සමාගම්වල මූල්‍ය දත්ත සවිස්තරාත්මකව විශ්ලේෂණය කිරීම සහ ස්වාධීන සමීක්ෂණ ආයතනයක් විසින් සිදුකරන වෙළඳපොළ සමීක්ෂණයක් භාවිතා කරයි. මෙහිදී, බ‍්‍රෑන්ඞ් ෆයිනෑන්ස් විසින් ගෝලීයව භාවිතා කරන සන්නාම තක්සේරුකරණ ක‍්‍රමවේදයක් වන රෝයල්ටි රිලීෆ් ප‍්‍රවේශය භාවිතා කරමින් සන්නාමවල වටිනාකම් ඇගයීම සිදුකරයි. බ‍්‍රෑන්ඞ් ෆයිනෑන්ස් විසින් සෑම වසරකම ලෝකයේ විශාලතම සන්නාම 5000 ක් පරීක්ෂාවට ලක්කරන අතර සියළුම අංශවල සහ රටවල සන්නාම වර්ගීකරණය කරමින් වාර්තා 100 කට ආසන්න ප‍්‍රමාණයක් ප‍්‍රකාශනය කරයි.
ස්වාධීන සමීක්ෂණ පාර්ශවකරුවෙකු විසින් 2500 දෙනෙකුගේ සහභාගීත්වයෙන් සිදුකළ පාරිභෝගික වෙළෙඳ සමීක්ෂණ අධ්‍යනයක් සමග ඒකාබද්ධ වූ නවතම මූල්‍ය තොරතුරු බ‍්‍රෑන්ඞ් ෆයිනෑන්ස් විසින් භාවිතා කරයි. මේ වසරේදී තිරසාරත්වය වෙනුවෙන් සන්නාමයක ප‍්‍රවේශය ඇගයීම පිළිබඳ සොයාගත් කරුණු එහි සන්නාම ශක්ති දර්ශක (BSI) රාමුවට ඇතුළත් කිරීම සඳහා තිරසාර සමීක්ෂණයක්ද බ‍්‍රෑන්ඞ් ෆයිනෑන්ස් විසින් සිදුකර තිබේ. මෙම සමීක්ෂණය ගෝලීය වාර්තාකරණ වැඩසටහන් (GRI) ප‍්‍රමිතිය පදනම් කරගනිමින් සංවර්ධනය කර තිබෙන අතර සේවකයා, පරිසරය, ප‍්‍රජාව සහ පාලනය යන කුළුණු හතර පාදක කරගනිමින් ගුණාත්මක තත්ත්වය මෙහිදී ගණනය කර ඇත.
2021 වසර අවසන් වනවිට සෙලින්කෝ ලයිෆ් සමාගමේ වත්කම් ප‍්‍රමාණය රුපියල් බිලියන 173.7 ක් වූ අතර එම වසරේදී රුපියල් බිලියන 40.7 ක සමස්ත ආදායමක්, රුපියල් බිලියන 25.5 ක රක්ෂණ වාරික ආදායමක්, රුපියල් බිලියන 119.6 ක ජීවිත අරමුදලක් සහ රුපියල් බිලියන 154.4 ක් ඉක්මවන ආයෝජන කළඹක් සමාගම වාර්තා කරන ලදී.
ශ්රී ලංකා අලෙවිකරණ ආයතනය (SLIM) විසින් ශ්රී ලංකාවේ වසරේ සේවා සන්නාමය ලෙසින් සහ 2021 වසරේ LMD විසින් ශ්රී ලංකාවේ ජීවිත රක්ෂණ ක්ෂේත‍්‍රයේ ‘වඩාත් ජනප‍්‍රිය සේවා සපයන්නා’ ලෙස නම් කර ඇති සෙලින්කෝ ලයිෆ් සමාගම ආරම්භ කර ගෙවුණු වසර 34 න් අර්ධයකට අධික කාලයක් මෙරට ජීවිත රක්ෂණ අංශයේ ප‍්‍රමුඛයා බවට පත්වීමට සමත්වී ඇත. 2021 වසරේ දී ශ්රී ලංකාවේ වඩාත් වටිනා ජීවිත රක්ෂණ සන්නාමය ලෙස බ‍්‍රෑන්ඞ් ෆයිනෑන්ස් විසින් ද නම් කරන ලද සෙලින්කෝ ලයිෆ් එම වසර සඳහා ජාත්‍යන්තර වාණිජ මණ්ඩලයේ ශ්රී ලංකා ශාඛාව (ICCSL) සහ CIMA ආයතනය ශ්‍රේණිගත කළ ‘ශ්රී ලංකාව තුළ වඩාත්ම ප‍්‍රසාදයට ලක් වූ සමාගම්’ 10 න් එකක් වූ අතර පිට පිටම 08 වන වසර සඳහාත් වර්ල්ඞ් ෆයිනෑන්ස් විසින් ශ්රී ලංකාවේ හොඳම ජීවිත රක්ෂකයා ලෙස ද තෝරා ගන්නා ලදී. 2022 වසරේ Great Place to Work® විසින් ශ්රී ලංකාවේ බැංකු, මූල්‍ය සේවා සහ රක්ෂණ (BFSI) ක්ෂේත‍්‍රයේ හොඳම සේවා ස්ථාන 10 අතරට සෙලින්කෝ ලයිෆ් සමාගම ශ්‍රේණිගත කර ඇති අතර SLIM Kantar ජනතා සම්මාන ප‍්‍රදානෝත්සවයේදී අඛණ්ඩව වාර්තාගත 16 වන වසරටත් ශ්රී ලංකාවේ වඩාත්ම ජනප‍්‍රිය ජීවිත රක්ෂණ සමාගම ලෙස ද සෙලින්කෝ ලයිෆ් සමාගම නම් කරන ලදී.
සක‍්‍රීය රක්ෂණ ඔප්පු මගින් ජීවිත ලක්ෂ 10 කට ආසන්න ගණනක් ආවරණය කරන සෙලින්කෝ ලයිෆ් සමාගම ඔප්පුහිමියන්ගේ ජීවිත සහ ඔවුන්ගේ අරමුණු වලට ඇති අවදානම අවම කරන සහ ආරක්ෂාව ලබා දෙන නව්‍ය රක්ෂණ විසඳුම් සම්පාදනය කරයි.
