ලංකා ව්‍යාපාරික පුවත් - LBN
ලින්ක් නැචුරල් ප්‍රොඩක්ට්ස් සමාගමේ ලින්ක් කේශා විසින් සාඩම්බරයෙන් ඉදිරිපත් කරන ලද ලින්ක් කේශා අවුරුදු කුමරිය 2025, පසුගිය දා වෝටර්ස් ඒඩ්ජ් හි දී පැවැත්විණි. ශ්‍රී ලාංකික කාන්තාවන්ගේ සුන්දරත්වය අගයමින් හා ඔවුන් සවිබල ගන්වමින් මෙම වැඩසටහන පවත්වන ලද්දේ අඛණ්ඩව තෙවෙනි වතාවටයි.
මාර්තු මස වන විට මෙම වැඩසටහන සඳහා 2,000කට වැඩි අයදුම්පත් ප්‍රමාණයක් ලැබීම සමඟින් තරඟය සඳහා සැලකිය යුතු තරඟකාරියන් සංඛ්‍යාවක් සහභාගි විය. වීඩියෝ සම්මුඛ සාකච්ජා හා විනිශ්චය මණ්ඩලයක් මගින් තරඟකරුවන් ඇගයීම යනාදිය ඔස්සේ තේරීම් සිදු කරන ලද අතර අවසානයේ 25 දෙනෙකු දක්වා තරඟකරුවන් තෝරා ගැනිණි. විශේෂඥයන් විසින් මෙහෙය වූ හැඩ ගැන්වීම් හා පෞර්ෂ්‍ය සංවර්ධන පුහුණුවකට මොවුන් යොමු කරන ලද අතර ඉන් දක්ෂතම 15 දෙනා අවසන් වටය සඳහා තෝරා ගන්නා ලදී. Manhunt International හා Face of Beauty International Sri Lanka හි ජාතික අධ්‍යක්ෂ, අර්ජුන සේනානායකගේ නිරූපණ වින්‍යාසය (choreography) සමඟින් ලින්ක් කේශා කුමරිය 2025 තරඟකාරියන්, සිය ආත්ම විශ්වාසය එළි දක්වමින් වේදිකාවේ සිය දක්ෂතාවයන් දැක්වීය.
යුවතියන්ගේ දක්ෂතාවත්, ලාලිත්‍යයත්, අව්‍යාජත්වයත් විදහා දැක් වූ ලින්ක් කේශා කුමරිය 2025 අවසාන මහා තරඟය, ලින්ක් කේශා ෆේස්බුක් පිටුව හා ලින්ක් නැචුරල් YouTube නාලිකාව වෙතින් සජීවිව විකාශනය කරන ලදී. දක්ෂ තරඟකරුවන් කණ්ඩායමක් වෙතින් ජයග්‍රාහකයා තෝරා ගැනීමේ කාර්යභාරය කලා ක්ෂේත්‍රයේ ප්‍රවීණයන් වන නයනා කුමාරි, චුලක්ෂි රණතුංග සහ සංඛ දිනෙත්ගෙන් යුත් විනිශ්චය මණ්ඩලය වෙත පැවරී තිබිණි. මෙම වසරේ ලින්ක් කේශා කුමරිය ලෙස ඇඹිලිපිටියේ විනෝලි විමෝක්ෂා කිරුළු පැළඳි අතර ඇය රු.100,000ක මුදල් ත්‍යාගයක් දිනා ගත්තාය. ගාල්ලේ සිට පැමිණි රශිනි කාවින්දි ලින්ක් කේශා කුමරිය දෙවන ස්ථානය ලබා ගත් අතර, රු. 75,000ක මුදල් ත්‍යාගයක් දිනා ගත්තාය. තරඟයේ තෙවන ස්ථානය ලෙස කොට්ටාවේ හර්ෂි දුලාංජලී රු. 50,000ක මුදල් ත්‍යාගයක් දිනා ගත්තාය.
මීට අමතරව සුන්දරතම සිනහව හා ජනප්‍රියම කුමරිය යන අංශ යටතේ ද කිරුළු පළඳවන ලදී. සුන්දරතම සිනහව අංශය සඳහා ලින්ක් සුදන්ත අනුග්‍රහය දැක් වූ අතර විනිසුරුවන් විසින් මෙහි ජයග්‍රාහකයා තෝරා ගන්නා ලදී. ජනතාවගේ මනාපයෙන් තෝරා ගනු ලැබූ ජනප්‍රියම කුමරිය, ලින්ක් කේශා කුමරිය 2025 වේදිකාව වෙත උණුසුම් ආකර්ෂණයක් එක් කරන ලදී. පන්නිපිටියේ සිට පැමිණි තරූෂා නිපුනි සුන්දරතම සිනහව සතු කුමරිය ලෙස කිරුළු පැළඳි අතර ආනමඩුවේ සිට පැමිණි රිද්මි නවංජනාජනප්‍රියම කුමරිය ලෙස කිරුළු පළඳින ලදී.
ලින්ක් නැචුරල් ප්‍රොඩක්ට්ස් සමාගමේ ප්‍රධාන විධායක නිලධාරී අශාන් රන්සිලිගේ මහතා, “ශ්‍රී ලාංකේය සම්ප්‍රදාය තුළ මුල් බැසගත් ආයුර්වේද දැනුම හා නවීන විද්‍යාවෙන් ඒකාබද්ධ වූ ලින්ක් කේශා, පරම්පරා ගණනක ශ්‍රී ලාංකිකයන්ගේ විශ්වාසය දිනූ සන්නාමයක්. තරුණ කාන්තාවන්හට ආත්ම විශ්වාසයෙන් යුතුව ඉදිරියට යාමට ශක්තිය ලබා දීම වෙනුවෙන් ලින්ක් කේශා කුමරිය අර්ථවත් වේදිකාවක් ලෙස අපි නිර්මාණය කළා. මේ වසරේ දී ඔවුන්ගේ හැකියාවන් හඳුනා ගනිමින් ඔවුන්ගේ දක්ෂතා ලොවට විදහා දක්වමින් එය සමරන්නට අපි කටයුතු කළා. කේශා කුමරිය ජයග්‍රාහකයින් වෙත මගේ උණුසුම් සුභ පැතුම් එක් කරන අතර, මේ යුවතියන්ගේ ගමනට දිරි ගැන්වීම් හා අවශ්‍ය සහයෝගය අඛණ්ඩව ලබා දෙමින් වැඩසටහන සාර්ථක කර ගැනීමට සහය දුන් දෙමව්පියන් වෙත මගේ හද පිරි ස්තූතිය පුද කරනවා” යනුවෙන් මේ පිළිබඳ සිය අදහස් දැක්වීය.
ශ්‍රී ලංකාවේ සන්නාමගත හිස තෙල් (hair oil) අතර ප්‍රථමයෙකු ලෙස ලින්ක් නැචුරල් ප්‍රොඩක්ට්ස් සමාගම විසින් 1997 වසරේ දී, ලින්ක් කේශා වෙළඳ පොළට හඳුන්වා දුන් අතර එය අද වන විට වසර 25කට වැඩි පාරිභෝගික විශ්වාසය දිනා ගත් සන්නාමයක් බවට පත්ව තිබේ. සොබාදම හා සාම්ප්‍රදාය තුළ මුල් බැසගත් ලින්ක් කේශා, නිරතුරුවම හිස් කබල පෝෂණය කර, හිසකෙස්වල ස්වභාවික සුන්දරත්වය ඉහළ නංවන්නේ පරම්පරා ගණනාවක ශ්‍රී ලාංකේය කාන්තාවන් ගේ ආත්ම විශ්වාසය ඉහළ නංවමිනි.
ලින්ක් කේශා කුමරිය 2025 ජයග්‍රාහකයින් හට, එය හුදෙක් තරඟයකට වඩා සෑම කාන්තාවකගේම සුන්දරත්වය සැමරීමේ අවස්ථාවක් විය. මෙම වැඩසටහන තුළින්, ශ්‍රී ලාංකික කාන්තාවන් නගා සිටුවීම සඳහා ඔවුන්ට සහය දැක්වීම වෙනුවෙන් ලින්ක් කේශා හි අඛණ්ඩ කැපවීම පෙන්වා දෙන අතර කාන්තාවන් හට සිය අනන්‍යතාව හඳුනා ගනිමින්, තම සුන්දරත්වය හා තමන් පිළිබඳව අභිමානයෙන් ශක්තිමත්ව ඉදිරියට යාමට ඔවුන්ව සවිබල ගන්වයි.
