බැඩ්මින්ටන් පුහුණුකරුවන්ගේ වැඩමුළුවක් රත්නපුරයේදී සාර්ථකව නිමාවට පත් වෙයි

ශ්‍රී ලංකා බැඩ්මින්ටන් ආයතනය සංවිධාන කරනු ලබන බැඩ්මින්ටන් පුහුණුකරුවන්ගේ මූලික වැඩමුළුව රත්නපුර සබරගමුව ගෘහස්ත ක්‍රීඩාංගණයේදී පසුගියදා පැවැත්විණි. බැඩ්මින්ටන් ආයතනයේ  සභාපති රොහාන් ද සිල්වා මහතාගේ මඟපෙන්වීමට අනුව බැඩ්මින්ටන් ආයතනයේ පුහුණු හා සංවර්ධන කමිටුවේ සභාපති බුද්ධික ද සිල්වා මහතාගේ මෙහෙයවීම යටතේ පැවැති එම එක්දින වැඩමුළුවට ඇඹිලිපිටිය,  බලන්ගොඩ වැනි පළාත්වල නවක බැඩ්මින්ටන් පුහුණුකරුවන් විශාල පිරිසකට නව දැනුමක් සහිතව මූලික පුහුණුව ලබාදීම මෙහිදී සිදු කෙරිණි.

මෙරට බැඩ්මින්ටන් පුහුණුකරුවන්ගේ හැකියාව සහ නිපුණතාව ඉහළ නැංවීමේ අරමුණින් සහ ඔවුන්ගේ වෘත්තීයභාවය තහවුරු කිරීමේ අරමුණින් යුතුව ක්‍රියාත්මක වන බැඩ්මින්ටන් පුහුණුකරුවන්ගේ මූලික වැඩමුළුව ජාත්‍යන්තර තලයේ ක්‍රීඩක ක්‍රීඩිකාවන් බිහි කිරීමට පුහුණුකරුවන් සවිබලගැන්වීමේ අපේක්ෂාවෙන් යුතුව සිදු කෙරේ.