ලංකා ව්‍යාපාරික පුවත් - LBN
පීපල්ස් ලීිසිං ඇන්ඞ් ෆිනෑන්ස් පීඑල්සි (පීපල්ස් ලීිසිං& සමාගම විසින් පසුගියදා ‘හිතමිතුරු’ නමින් මූල්‍ය සහන සැලසුමක් හඳුන්වා දෙනු ලැබීය. ඒ පවතින කෝවිඞ්-19 වසංගතය හේතුවෙන් පසුබෑමකට ලක් වූ පුද්ගලික මගී ප‍්‍රවාහන සේවාව යළි නගා සිටුවීමේ ජාතික අවශ්‍යතාව සඳහා එම සමාගම විසින් ලබා දෙන දායකත්වයක් ලෙසිනි.1996 වසරේ පටන් පුද්ගලික මගී ප‍්‍රවාහන බස් රථ සඳහා කල්බදු මූල්‍ය සේවා සපයමින් පුද්ගලික මගී ප‍්‍රවාහන සේවාව වැඩිදියුණුකිරීම සඳහා පීපල්ස් ලීිසිං සමාගම දායක විය. එහෙත් පවතින කෝවිඞ්-19 වසංගත තත්ත්වය අභිමුව මාස ගණනක් බස් රථ ධාවනය නොවීම හේතුවෙන්් බොහෝ පුද්ගලික මගී ප‍්‍රවාහන සේවා සපයන බස් රථ හිමිකරුවන්ගේ ජීවනෝපායන් සහ ව්‍යාපාර මේ වන විට පසුබෑමකට ලක්වී ඇත.
එවන් පසුබිමක පීපල්ස් ලීිසිං සමාගම විසින් ‘හිතමිතුරු’ මූල්‍ය සහන සැලසුම හඳුන්වා දෙන්නේ මූල්‍ය අසීරුතාවන්ට ලක් වු පුද්ගලික මගී ප‍්‍රවාහන බස් රථ හිමි ගණුදෙනුකාරභවතුන්හට සලසන සහනයක් ලෙසිනි. ‘හිතමිතුරු’ යනු 4% – 6% දක්්වා සහනදායී පොළී අනුපාතිකයන් සහ දීර්ඝ කළ ආපසු ගෙවීමේ කාල සීීමා සමගින් හඳුන්වා දෙන මුල්‍ය සහන සැලසුමක්. අප ව්‍යාපාර ගමන්මගෙහි 25වන කඩඉම පසුකරන මෙම වසරේදී ලාභ ලැබීමේ අරමුණෙන් ඔබ්බට ගොස් කෝවිඞ් උවදුර හමුවේ මූල්‍යමය වශයෙන් බිඳ වැටුණු පුද්ගලික මගී ප‍්‍රවාහන බස් හිමි ගණුදෙනුකාරභවතුන් යළි නගා සිටුවීම සඳහා අප සමාගමේ දායකත්වයක් ලෙස අපගේ මෙම මුල්‍ය සහන සැලසුම හඳුන්වන්න පුලූවන්.’ පීපල්ස් ලීිසිං සමාගමේ ප්රධාන විධායක නිලධාරී/ සාමාන්‍යාධිකාරී ශමීන්ද්‍ර මාසිලින් මහතා පැවසීය. එහිදී අදහස් දැක්වු එම සමාගමේ නියෝජ්‍ය සාමාන්‍යාධිකාරී (අයකිරීිම් සහ පරිපාලන& දමිත් මලවිතන්තිල මහතා ප‍්‍රකාශ කළේ ‘පසුගිය කාලයේ කොවිඞ් ව්‍යාප්තිය අවම කිරීම සඳහා මගී ප‍්‍රවාහන සේවාවේ නියැලෙන පුද්ගලික බස් රථ සඳහා පැනවු විවිධ සීමා හේතුවෙන් අපේ බස් රථ හිමි ගණුදෙනුකාරභවතුන් අනේකවිද අසීරුතාවන්ට ලක් වී තිබෙනවා. ඒ අනුව පුද්ගලික මගී ප‍්‍රවාහන බස් හිමියන්ගේ සංගම් විසින් අප වෙත සිදු කළ මූල්‍ය සහන සහ ආපසු ගෙවීමේ කාලය දිගු කිරීම් පිළිබඳ ඉල්ලීම් සඳහා අපගේ සුබවාදී ප‍්‍රතිචාරය ලෙස මෙම ‘හිතමිතුරු’ මූල්‍ය සහන සේවාව හඳුන්වාදීමට පුළුවන්. ‘හිතමිතුරු’ බස්රථ සහන සැලසුමෙන් මාස 6 -12 දක්්වා සහනදායී ගෙවීම් කාලයක් ලබා දෙනවා. මෙහිදීි ගණුදෙනුකාරභවතුන්ට සහනදායී ගෙවීම් කාලයෙන් පසුව වුවත් පෙර පැවති වාරිකයම ගෙවාගෙන යාමේ හැකියාව සලසා තිබෙනවා.’ ලෙසිනි. ගණුදෙනුකාරභවතුන්ට ‘හිතමිතුරු’ මූල්‍ය සහන සැලසුම හරහා ලබා දෙන ප‍්‍රතිලාභ අතර 4% – 6% දක්වා සහනදායී අනුපාතිකයන්, ආපසු ගෙවීම් සඳහා මාස 6- 12 දක්වා සහන කාලයක්, ගණුදෙනුකාරභවතුන් හට සහනදායී ගෙවීම් කාලයෙන් පසුවද පෙර පැවති වාරිකය ගෙවාගෙන යාමේ හැකියාව, කැපවූ මධ්‍යගත කණ්ඩායමක් විසින් ලබා දෙන පහසුවූුත් ගුණාත්මකවූත් සේවාව, අවම සහ සරල ලියකියවිලි, එක් දින සේවාව,අමතර ගාස්තු නොමැති වීම ආදිය වෙති.
ලංකා පෞද්ගලික බස් රථ හිමියන්ගේ සංගමය, පොදු ජන පෞද්ගලික බස් වෘත්තිකයන්ගේ සංගමය, අන්තර් පළාත් පෞද්ගලික බස් සංගමය සහ දකුණු පළාත් බස් ආයෝජකයන්ගේ සංගමය ඇතුලූ බස් රථ සංගම් විසින් ‘හිතමිතුරු’ මූල්‍ය සහන සැලසුම පිළිබඳව සිය ප‍්‍රසාදය පළකර සිටියහ.
