ලංකා ව්‍යාපාරික පුවත් - LBN
ශ්‍රී ලංකාවේ දේපළ වෙළඳාම් ක්ෂේත්‍රයේ පුරෝගාමියෙකු වන ප්‍රයිම් ලෑන්ඩ්ස් (පුද්.) සමාගම පසුගියදා තායිලන්තයේදී පැවැත්වුණු ‘World Business Outlook Awards 2024’ හිදී ජාත්‍යන්තර සම්මාන ද්විත්වයකින් පිදුම් ලැබීය. එහිදී ‘2024 වසරේ ශ්‍රී ලංකාවේ දේපළ වෙළඳාම් ක්ෂේත්‍රයේ විශිෂ්ටතම සමාගම’ සහ YOLO ව්‍යාපෘතිය වෙනුවෙන් ‘2024 වසරේ ශ්‍රී ලංකාවේ දේපළ වෙළඳාම් ක්ෂේත්‍රයේ විශිෂ්ටතම ව්‍යාපෘතිය’ යන සම්මාන හිමිකර ගැනීමට ප්‍රයිම් ලෑන්ඩ්ස් සමාගමට හැකියාව ලැබිණි. මෙම ජයග්‍රහණ, නවෝත්පාදනය සහ විශිෂ්ටත්වය උදෙසා මෙන්ම, ජාත්‍යන්තර තලයේ ව්‍යාපෘති ශ්‍රී ලාංකික දේපළ වෙළඳාම් ක්ෂේත්‍රයට හදුන්වාදීමට Prime Lands සමාගම නිරතුරුව දක්වන කැපවීම අගය කිරීමකි.
“ශ්‍රී ලංකාවේ දේපළ වෙළඳාම් අංශයේ පුරෝගාමීන් ලෙස ප්‍රයිම් ලෑන්ඩ්ස් සෑම විටම සාම්ප්‍රදායික සීමාවන් අභිබවා, පරිවර්තනීය ජීවන අත්දැකීම් නිර්මාණය කිරීම කෙරෙහි විශ්වාසය තබා තිබෙනවා. හුදෙක් ඉදිකිරීම් වලින් නොනැවතී ඉන් ඔබ්බට යාම සඳහා අප ගත් ක්‍රමෝපායික තීරණයට මුල් වූයේ, අපගේ සුවිශේෂී පාරිභෝගිකයන්ගේ සිහින සැබෑ කරදීම සම්බන්ධයෙන් අප සතු වූ දූරදර්ශි දැක්මයි. අද වනවිට මෙම දැක්ම අපට අසීමිත වටිනාකම් නිර්මාණය කරමින් ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකිරීමට මෙන්ම ක්ෂේත්‍රයේ සැබෑම පුරෝගාමියෙකු ලෙස ඉදිරියෙන්ම සිටීමට පන්නරය ලබා දී තිබෙනවා.” ප්‍රයිම් ලෑන්ඩ්ස් (පුද්.) සමාගමේ නිර්මාතෘ සහ සභාපති ප්‍රේමලාල් බ්‍රාහ්මණගේ මහතා පැවසී ය.
දශක තුනක් පුරා ශ්‍රී ලංකාවේ වඩාත්ම විශ්වාසය දිනූ දේපළ වෙළඳාම් ක්ෂේත්‍රයේ ප්‍රමුඛතම සමාගමක් ලෙස තම පොරොන්දු එලෙසින්ම ඉටුකරමින්, පාරිභෝගිකයන් බලාපොරොත්තු වනවාටත් වඩා විශිෂ්ට සේවාවක් ලබාදෙමින් ඉදිරියෙන්ම සිටීමට ප්‍රයිම් ලෑන්ඩ්ස් සමත් වි ඇත. ක්ෂේත්‍රයේ සුවිශේෂී සන්ධිස්ථාන සනිටුහන් කරන අතරම සුඛෝපභෝගී (Luxury), අධි-සුඛෝපභෝගී (Ultra Luxury) සහ ජීවන රටා (Lifestyle) නිවාස සම්ප්‍රදායන්ට නව අර්ථකථන ලබාදීමට සමාගම සමත් වී ඇත. වර්තමානය වන විට ශ්‍රී ලංකාව තුළ නවීන නිවාස නගර (Home Apartment Cities) ඉදිකරන මට්ටම දක්වා සමාගම දියුණු වී ඇති අතර, ඒ ඔස්සේ ඉදිරි පරම්පරාවන්ට සතුටින් හා ආදරණිය ලෙස ජීවත් විය හැකි සුන්දර නේවාසික වටපිටාවක් නිර්මාණය කරමින් සිටී.
මේ ආකාරයට නිවාස ඉදිකිරීම අතින් ඉහළම ප්‍රමිතීන් පවත්වා ගන්නා අතරම, ගැනුම්කරුවන්ට එම නිවාස පහසුවෙන් මිලදී ගැනීමට අවස්ථාව සලසා දීමටද ප්‍රයිම් ලෑන්ඩ්ස් සමාගම නිරන්තරයෙන් අවධානය යොමුකරයි. පොලී රහිත 1% ක මාසික වාරිකයක් සහිත පහසු ගෙවීමේ ක්‍රම ආදිය ඔස්සේ ප්‍රථම වරට නිවාස මිලදී ගන්නා ගැනුම්කරුවන්ට සහන සලසන අතරම ආයෝජකයන්ට ආකර්ෂණීය ප්‍රතිලාභ පිරිනැමීමටද සමාගමට හැකි වී තිබේ.
දේපළ වෙළඳාම් ක්ෂේත්‍රයේ දූරදර්ශී නායකයෙකු ලෙස ඇගයීමට ලක් වී ඇති ප්‍රයිම් ලෑන්ඩ්ස් සමාගම සෑමවිටම ගෝලීය ප්‍රමිතීන් අනුගමනය කරන අතර, ගුණාත්මකභාවය සහ විශ්වාසනීයත්වය සම්බන්ධයෙන් නිරන්තරයෙන් ප්‍රශංසාවට බඳුන් වී ඇත. ‘World Business Outlook Awards’ හිදී සම්මාන දෙකකින් පිදුම් ලැබීම, මෙරට දේපළ වෙළඳාම් ක්ෂේත්‍රය තුළ කැපීපෙනෙන කාර්යභාරයක් ඉටුකිරීමට සමාගම සමත් වී ඇති බවට මනා සාක්ෂියකි. රටේ දේපළ වෙළඳාම් සමාගම් නිර්භීත තීරණ ගැනීමට පසුබට වන මෙවන් යුගයක, සම්මතයට අභියෝග කරමින් සහ YOLO වැනි සුවිශේෂී ව්‍යාපෘති හඳුන්වා දෙමින් , ශ්‍රී ලාංකික දේපළ වෙළඳාම් ක්ෂේත්‍රය තුළ සාර්ථකත්වය පිළිබඳ මනා ආදර්ශයක් බවට පත්වීමට ප්‍රයිම් ලෑන්ඩ්ස් සමාගමට හැකි වී තිබේ.
“ශ්‍රී ලංකාවේ දේපළ වෙළඳාම් ක්ෂේත්‍රයේ දැවැන්තයෙකු ලෙස, අපගේ පාරිභෝගිකයන්ගේ අපේක්ෂාවන් අවබෝධ කර ගැනීමට සහ ඒවා ඉටු කිරීමට අපට හැකියාව තිබෙනවා. මේ අපේක්ෂාවන් බොහෝ විට අප්‍රකාශිත හෝ ප්‍රායෝගික නොවන සේ පෙනුණු අපේක්ෂාවන්. අපට හිමි වූ මේ ජයග්‍රහණ මගින් පෙනී යන්නේ, එම සිහින යථාර්ථයක් බවට පත්කිරීම සඳහා අප දරමින් සිටින ප්‍රයත්නය බෙහෙවින් සාර්ථක වී ඇති බවයි. අනාගතය සම්බන්ධයෙන් ගත් විට, අපගේ ඉලක්ක ශ්‍රී ලංකාවට සීමා වන්නේ නැහැ. මේ වනවිට දේපළ වෙළඳාම් ක්ෂේත්‍රයේ ගෝලීය පුරෝගාමියෙකු ලෙස ජාත්‍යන්තර තලයට පිවිසෙමින්, අපට හුරුපුරුදු වටිනාකම්, නවෝත්පාදනය සහ විශිෂ්ටත්වය ජාත්‍යන්තර දේපළ වෙළඳාම් ක්ෂේත්‍රයටද හඳුන්වා දීමට අප පියවර ගනිමින් සිටිනවා.” ප්‍රයිම් ලෑන්ඩ්ස් සමාගමේ සම සභාපතිනිය වන සඳමිණි පෙරේරා මහත්මිය පැවසුවා ය.
සම්මාන දිනූ YOLO ව්‍යාපෘතිය, නවතම ‘Playful Luxury’ ජීවන රටාවක අත්දැකීම ලොවට හඳුන්වා දීමට ප්‍රයිම් ලෑන්ඩ්ස් දරන උත්සාහය මැනැවින් සංකේතවත් කරයි. ‘Apartment City’ සංකල්පයට නව අරුතක් ලබාදෙන මෙම ව්‍යාපෘතිය අක්කර 13 ක් පුරා විහිදී ඇති, නවීන නිවාස 476 කින් සමන්විත ය. මෙබඳු ව්‍යාපෘතියක් ක්‍රියාවට නංවනු ලබන්නේ ශ්‍රී ලංකාවේ මෙන්ම මුළුමහත් ලෝකයේම ප්‍රථම වරට වීම විශේෂත්වයකි. තරුණ පරපුරට මෙන්ම හදවතින් තරුණ පරපුරට තම සිහිනවලට අත්තටු හිමි වන මනරම් ජීවන අවකාශයන් නිර්මාණය කිරීමේ අරමුණ පෙරදැරිව ප්‍රයිම් ලෑන්ඩ්ස් සමාගම YOLO නිවාස එකතුව සැලසුම් කර තිබේ.
ප්‍රයිම් ලෑන්ඩ්ස් සමාගමේ YOLO ව්‍යාපෘතිය සහ අනෙකුත් සම්මානලාභී ව්‍යාපෘති පිළිබඳ වැඩිදුර තොරතුරු දැනගැනීම සඳහා www.primelands.lk වෙත පිවිසෙන්න. නැතිනම් +94 710 777 555 අමතන්න.
