ලංකා ව්‍යාපාරික පුවත් - LBN
ශ්රී ලංකාවේ බැඩ්මින්ටන් ක්‍රීඩාව දීපව්‍යාප්ත කරමින් දෙස් විදෙස් තරග බිමට නව යොවුන් ක්‍රීඩක ක්‍රීඩිකාවන් තෝරාගැනීමේ අරමුණ ඇතිව ශ්රී ලංකා බැඩ්මින්ටන් ආයතනය විසින් ආරම්භ කරනු ලැබූ සියලු දිස්ත්‍රික්ක සඳහා අවුරුදු 13න් පහළ සංචිත ගොඩ නැගීමේ වැඩසටහන යටතේ ගාල්ල දිස්ත්‍රික් සංචිතය තෝරාගැනීම පසුගියදා ගාල්ලේ ඇක්ටිව් ස්පෝර්ට්ස් ගෘහස්ත ක්‍රීඩා සංකීර්ණයේදී සිදු කෙරිණි. ගාල්ල දිස්ත්‍රික් අවුරුදු 13න් පහළ ක්‍රීඩක ක්‍රීඩිකාවෝ 30 දෙනකු සංචිතගත කිරීම එහි දී සිදු විය.
ශ්රී ලංකා බැඩ්මින්ටන් ආයතනයේ සභාපති රොහාන් ද සිල්වා මහතාගේ මඟපෙන්වීම යටතේ බැඩ්මින්ටන් ආයතනයේ උපසභාපති සහ කලාපීය සංවර්ධන කමිටුවේ සභාපති රොෂාන් ගුණවර්ධන මහතාගේ ප්‍රධානත්වයෙන් පැවැති මේ වැඩසටහනට ශ්රී ලංකා පාසල් බැඩ්මින්ටන් සංගමයේ සාමාජිකයෝද එක් වූහ.
අවුරුදු 13න් පහළ දිස්ත්‍රික් බැඩ්මින්ටන් සංචිතගත කිරිමේ වැඩසටහන සඳහා Mobil, 3M සහ Li Ning අනුග්‍රාහකත්වය ලැබී ඇත.
