ලංකා ව්‍යාපාරික පුවත් - LBN
2019 ඔක්තොම්බර් මස 15 වැනිදා ඊඵෂක්‍්‍ය හිදී පැවති SLIM NASCO 2019 සම්මාන උළෙලේදී ශ්රී ලංකාවේ ප‍්‍රමුඛතම ජංගම සන්නිවේදන සේවා සපයන්නා ලෙස තම ස්ථානය නැවත නැවතත් තහවුරු කරගැනීමට මොබිටෙල් ආයතනය සමත්විය. එහිදී විවිධ ඛාණ්ඩ යටතේ මොබිටෙල් ආයතනයෙහි අලෙවිකරණ සේවකයන් ඇගයීම් සම්මානයට පාත‍්‍රවිය. ක්ෂේත‍්‍රයේ පුරෝගාමියා ලෙෂ තමන්ගේ පාරිභෝගිකයන්ට ලෝක තලයන්ට සමපාතවන විශිෂ්ට සේවාවක් ලබාදීමට නොපිරිහෙළා කැපවන මොබිටෙල් ආයතනයෙහි අලෙවිකරණ සේවකයන් ඕනෑම ජීවන අවධියක සිටින ශ්රී ලාංකිකයන්ට ඉතා සුවපහසු ජංගම දුරකථන සේවාවක් සැපයීම වෙනුවෙන් වෙහෙස වී කටයුතු කරයි. ජංගම සන්නිවේදන ක්ෂේත‍්‍රයේ උන්නතිය වෙනුවෙන් පුහුණුව සහ සංවර්ධන කාර්යයන්ට වැඩි ආයෝජනයක් කරමින් එහි සේවකයන්ගේ වෘත්තීය තත්ත්වය ඉහළ නැංවීමට සහ ඒ හරහා පාරිභෝගිකයන්ට විශිෂ්ට සේවාවක් ලබාදෙමින් ආයතනයට වඩාත් සාධනීය ප‍්‍රතිඵල ලබාගැනීමට කළ කැපවීම රටේ පිළිගත් ඉහළම අලෙවිකරණ සම්මාන උළෙලක දී සම්මාන ඇගයීමට පාත‍්‍රවිය. අලෙවිකරණ නිලධාරීන්ගේ කාර්යය සාධනය සහ කැපවීම ඇගයීම සඳහා ඇති ලංකාවේ අග‍්‍රගණ්‍ය සම්මාන උළෙලක් ලෙස SLIM NASCO සම්මාන උළෙල ශ්රී ලංකාවේ සිටින සියලූම අලෙවිකරණ වෘත්තිකයන් අතර ගෞරවයට පාත‍්‍රවී තිබේ. එසේම, මෙවන් ජාතික තලයේ සම්මාන උළෙලකදී තමන්ව ඇගයීමට ලක්වීම ඔවුන්ගේ ඉහළම අපේක්ෂාවක් වන අතර එම උළෙලේදී සම්මානයක් ජයග‍්‍රහණය කිරීම ඔවුන්ව අලෙවිකරණ වෘත්තීය තලයේ ඉහළට ඔසවා තැබීමට ද උපකාරයක් වේ. මෙය ඔවුන්ගේ වෘත්තීය ගමන් මඟට සහ ඔවුන් සේවය කරන ආයතනයෙහි අභිමානයට ද මනා රුකුලක් වේ. ශ්රී ලංකාවේ අලෙවිකරණ වෘත්තිකයන් සඳහා දැනට ඇති වඩාත් විශ්වසනීය සහ ගෞරවණීය සම්මාන උළෙලක් ලෙස SLIM NASCO හඳුන්වාදිය හැකි අතර, එය අලෙවි වෘත්තිකයන් සහ ආයතනවල ප‍්‍රතිරූපය ඉහළ නංවාගැනීමට ඇති ඇගයීම් දර්ශකයක් ලෙස ද සලකයි.
ඉදිරි පෙළ අලෙවි අංශයේ රන් සම්මානය තමන් සතු කරගැනීමට අජන්ත වීරකෝන් මහතා සමත්වූ අතර එහි ලෝකඩ සහ කුසලතා සම්මාන පිළිවෙලින් ඉන්දික මහලියන සහ පියෝනි දසනායක දිනාගනිමින් මොබිටෙල් ආයතනයේ නාමය සම්මාන වේදිකාවේ ඉහළට ඔසවා තැබීය. කලාපීය අලෙවි කළමනාකාර අංශයෙන් රිදී සම්මාන දිනාගැනීමට හර්ෂ ගලගන සමත් විය. අලෙවි විධායක/ අලෙවි සුපරීක්ෂක කාණ්ඩයෙන් රිදී සහ ලෝකඩ සම්මාන දිනාගැනීමට පිළිවෙළින් රුහුණුගේ අජිත් සහ රසික කැකුළාවල සමත්විය. වෙනත් අලෙවි සහායක කාර්යය මණ්ඩල (කළමනාකරණ අංශයෙන්* සංජීව ද සිල්වා ලෝකඩ සම්මාන දිනාගැනීමට සමත් වූ අතර, වෙනත් අලෙවි සහායක කාර්යය මණ්ඩලය විධායක අංශයෙන් ලෝකඩ සම්මාන දිනාගැනීමට මනෝජ් ත්‍යාගරාජා සමත්විය. ක්ෂේත‍්‍රයේ අප‍්‍රමාණ අත්දැකීම් ඇති විවිධ පරිණත වෘත්තීයවේදීන්ගෙන් සමන්විත වූ ස්වාධීන විනිශ්චය මණ්ඩලයක් ම`ගින් ජයග‍්‍රහණ ලබාදීම සඳහා මොබිටෙල් ආයතනයෙහි සේවකයන්ව තෝරාගෙන තිබිණි. කාලරාමුවක් තුළ තමන්ගේ වෘත්තියේ පෙන්වූ කාර්යය සාධනය පදනම් කරගනිමින් සේවක සම්මාන ඇගයීම් ලබාදීමට අමතරව අලෙවිකරණ වෘත්තීය තලයන් අතර ඊළඟ ඉහළ ශ්‍රේණියට පැමිණීමේ හැකියාව සහ සිය අලෙවි උපායමාර්ගික හැකියාව හෝ අදාළ අලෙවි ඉලක්කයන් සම්පූර්ණ කිරීමට අමතරව ආයතනයේ ව්‍යාපාර වර්ධනය වෙනුවෙන් උපායමාර්ගික අගය එකතුකිරීම් වෙනුවෙන් අදහස් ලබාදීමේ හැකියාව ද මෙහිදී සැලකිල්ලට පාත‍්‍රවිය. එමෙන්ම අදාළ සම්මාන කාණ්ඩය යටතේ සැපිරිය යුතු විශේෂ ක‍්‍රමවේදයන් සංතෘප්ත කිරීමට ඔවුන් තුළ ඇති හැකියාව ද මෙහිදී විනිශ්චය මණ්ඩලය වැඩිදුරටත් සළකා බැලීය.
මෙම ජයග‍්‍රහණයන් පිළිබඳව අදහස් දැක්වූ මොබිටෙල් ආයතනයෙහි ප‍්‍රධාන විධායක නිලධාරී නලීන් පෙරේරා මහතා, ”SLIM NASCO 2019 සම්මාන උළෙලේදී විවිධ සම්මාන වලින් ඇගයීමට ලක්වූ අපගේ අලෙවි කණ්ඩායමෙහි අලෙවිකරණ නිලධාරීන්ගේ සුවිශේෂී සේව දායකත්වය පිළිබඳව අපි ඉතාමත්ම ආඩම්බර වෙනවා. මොබිටෙල් ආයතනය නොනවතින සාර්ථකත්වය කරා රැුගෙනයාම වෙනුවෙන් අපගේ අපේක්ෂාව සම්පූර්ණ කිරීම උදෙසා අප සේවකයන් දක්වන දායකත්වය සහ කැපවීම මෙම ඇගයීම් සම්මාන ලැබීමෙන් මනාව පැහැදිළි වෙනවා. අපි ඔවුන්ගේ හැකියාවන් වර්ධනය කිරීමට පුහුණු වීම් ලබාදීමට දිගටම ආයෝජනය කරන්න කැපවෙනවා. එසේම, SLIM NASCO 2019 සම්මාන උළෙලේදී ජයග‍්‍රහණ ලැබූ අනෙකුත් සියලූ ආයතන වල ජයග‍්‍රාහකයන්ට ද මාගේ සුබපැතුම් එක්කරනවා. ශ්රී ලංකාවේ අලෙවිකරණ වෘත්තිකයන්ගේ වෘත්තීය තත්ත්වයන් ඉහළ නැංවීම වෙනුවෙන් වසරින් වසර නොකඩවා මෙවන් සම්මාන උළෙලක් පැවැත්වීම පිළිබඳව ශ්රී ලංකා අලෙවිකරණ ආයතනයට මාගේ ගෞරවණීය ස්තුතිය පුදකරන්නටත් මෙය අවස්ථාවක් කරගන්නවා.”
ඔබ සමඟයි සැමදා යන උධාන පාඨය විශිෂ්ටත්වයට නංවාලීම උදෙසා ජංගම සන්නිවේදන සීමා මායිම් අභිබවා යමින් ප‍්‍රවාහනය, අධ්‍යාපනය, සෞඛ්‍ය, ආරක්ෂාව, විනෝදාස්වාදය සහ ජංගම මූල්‍ය සේවා අංශයන් වෙතද සිය වෘත්තීය නිපුණත්වය පුළුල් කළ මොබිටෙල් ආයතනය තම ගෞරවණීය උරුමයෙන් ලද ශක්තියෙන් ඉතා ඉහළ සන්නිවේදන සාක්ෂරතාවක් ඇති අනාගතයක් ගොඩනැංවීමට සැමදා කැපවීමෙන් ක‍්‍රියාකරයි.
1970 වසරේ සිට රටේ අලෙවිකරණ තත්ත්වයන් ඉහළ නැංවීමට සහ අලෙවිකරණ අගයන් ප‍්‍රවර්ධනය කිරීමට මෙන්ම ශ්රී ලංකාවේ අලෙවිකරණය උදෙසා ඇති ජාතික ව්‍යූහය ලෙස ශ්රී ලංකා අලෙවිකරුවන්ගේ ආයතනය (SLIM* සිය ක‍්‍රියාකාරීත්වය පවත්වාගෙන යයි. 2010 වසරේ තවත් පියවරක් ඉදිරියට තබමින් SLIM ආයතනය විසින් NASCO සම්මාන උළෙල හඳුන්වාදුන් අතර පුළුල්ව පැතිරුණු විවිධ කර්මාන්ත අංශයන් හී තමන්ගේ වෘත්තීය පරිමාණය තුළ දක්ෂතා පෙන්වන අලෙවිකරණ වෘත්තීයවේදීන් හඳුනාගැනීමට සහ අගය කිරීමට ඇති ජාතික මට්ටමේ ප‍්‍රමුඛතම සම්මාන උළෙල බවට එය පත්වී තිබේ. මෙම වසරේ NASCO සම්මාන උළෙලේ දී සිය සීමා මායිම් තවත් පුළුල් කරමින් B2B සහ B2C කාණ්ඩ යටතේ දැක්වූ අලෙවිකරණ දක්ෂතාවයන් ද ඇගයීමට පාත‍්‍රවිය.
