Multichemi සමාගම Gliz පිඟන් සේදුම් දියර නව මුහුණුවරකින් හඳුන්වා දෙයි

පරිසර හිතකාමී සහ ජෛව හායනය වන සේදුම් දියර නිෂ්පාදනයේ ප්‍රමුඛයා වන Multichemi සමාගම සිය නිෂ්පාදන අතර වන Gliz පිඟන් සේදුම් දියර වැඩි දියුණු කළ සුවඳක් සහ ක්‍රියාකාරිත්වයක් සහිතව අතට පහසු ෆ්ලිප් ටොප් පියනක් සහිත බෝතලයක් ලෙස නව මුහුණුවරකින් වෙළෙඳපොළට හඳුන්වා දීමේ උත්සවය කළුතර ටැංජරින් හෝටලයේදී පැවැත්විණි.

පිඟන්, හැඳි, ගෑරුප්පු, භාජන සහ වලන්වල ඇති තෙල් සහ ඉඳුල් පැල්ලම් ඉවත් කර දිලිසෙන සහ පිරිසිදු පෙනුමක් ගෙනෙන Gliz පිඟන් සේදුම් දියරවල අත්වලට හානිකර කිසිදු සංඝටකයක් අන්තර්ගත නොවේ. පරිසර හිතකාමී සහ ජෛව හායනයට ලක් වන නිෂ්පාදන වෙළෙඳපොළට නිකුත් කිරීමට Multichemi සතු අඛණ්ඩ කැපවීම තහවුරු කරමින් මෙම පිඟන් සේදුම් දියර නිෂ්පාදනය සඳහා පොස්පේට්, කෝස්ටික් හෝ ෆෝමලීන් වැනි කිසිදු සංඝටකයක් භාවිතා කර නැත.

“නව මුහුණුවරකින් යුතුව Gliz පිඟන් සේදුම් දියරය හඳුන්වා දීමේ ප්‍රධාන අරමුණ අපේ පාරිභෝගිකයන්ට වඩාත් හොඳ අත්දැකීමක් සැපයීම. මේ හරහා පාරිභෝගිකයන් ප්‍රිය කරන, අතට පහසු ආකාරයෙන් ඇසුරුම් කළ, පරිසර හිතකාමී සහ ජෛව හායනයට ලක් වන නිෂ්පාදනයක් හඳුන්වා දෙන්න අපට හැකියාව ලැබෙනවා.” Multichemi සමූහ ප්‍රධාන විධායක නිලධාරි සමීර ෆොන්සේකා මහතා පැවසීය.

දෙහි සහ ලෙමන් සුවඳින් යුතුව මිලිලීටර් 300 සහ 500 බෝතල් සහ මිලිලීටර් 100 නැවත පිරවීමේ පැකැට්ටුවකින් එන Gliz පිඟන් සේදුම් දියර දිවයින පුරා පිහිටි සුපිරි වෙළෙඳසල් සහ අනිකුත් සිල්ලර වෙළෙඳසල්වලින් මිල දී ගත හැකිය.

1993දී ස්ථාපනය කළ Multichemi සමාගම ඩෑෂ් සන්නාමයෙන් ජාත්‍යන්තර ප්‍රමිතීන්ට අනුව පරිසර හිතකාමී සහ ජෛව හායනයට ලක් වන සේදුම් දියර නිෂ්පාදනය කරන මෙරට විශාලතම සමාගමකි. මිල්ලෑව කිඳෙල්පිටිය කර්මාන්තපුරයේ පිහිටි ඔවුන්ගේම කර්මාන්තශාලාවකට හිමිකම් කියන Multichemi සමාගම ISO 9001 ජාත්‍යන්තර තත්ත්ව සහතිකයෙන්ද පිදුම් ලබා ඇත.