ලංකා ව්‍යාපාරික පුවත් - LBN
ExxonMobil හි ආසියා ශාන්තිකර කලාපීය ආයතනය මගින් තම කලාපීය බෙදාහැරීමේ නියෝජිතයන් ඇගයීම සඳහා වාර්ෂිකව පවත්වනු ලබන සම්මාන උළෙලේදී Total Excellence Award කාණ්ඩයෙන් රිදී ස්ම්මානය දිනා ගැනීමට, ලක්දිව ප්‍රමුඛ සමාගම් ජාලයක් වන McLarens සමූහයට අනුබද්ධිත McLarens Lubricants සමාගමට හැකියාව ලැබුණි. මෙහි ජය සංකේත ප්‍රදානය පසුගිය මැයි මස 08 වන දින හොංකොං හි පැවැති අග්නිදිග ආසියා සහ ඕෂනියා කලාපීය බෙදාහරින්නන්ගේ සමුළුවේදී (SAO) සිදුකෙරිණි .
ව්‍යාපාර සැලසුම් ,නිෂ්පාදන විකුණුම් හා ඒ සඳහා ආයෝජනය සහ ලිහිසි තෙල් ක්ෂේත්‍රයේ විශිෂ්ටත්වය මෙන්ම සන්නාම ප්‍රවර්ධනය ඇතුළු ප්‍රධාන ක්ෂේත්‍ර කිහිපයකදී McLarens Lubricants සමාගම විසින් දක්වන ලද සුවිශේෂී කාර්යසාධනය මෙහිදී ඇගයීමට ලක්විය.අග්නිදිග ආසියා සහ ඕෂනියා කලාපීය වෙළෙඳපලේ සිටින සියලුම ExxonMobil බෙදාහරින්නන් පදනම් කරගනිමින් සිදුකරන ලද මෙම ඇගයීම් ක්‍රියාවලිය මගින් ව්‍යාපාර ක්ෂේත්‍රයේ විශිෂ්ටත්වය දක්වන කලාපීය ව්‍යාපාරිකයන් ඇගයීමට ලක්කරන ලදී.
ලොව ප්‍රමුඛතම තෙල් හා ගෑස් අලෙවි සමාගම වන ExxonMobil සතුව ලොව පුරා විහිදුණු සවිමත් බෙදාහැරීම් ජාලයක් තිබෙන අතර එය Fortune 500 ශ්‍රේණිගත කිරීම් ලැයිස්තුවේ ඉහළම 10 දෙනා අතර නිරන්තරයෙන්ම රැදී සිටින ගෝලීය සමාගමකි. වසර 25කට අධික කාලයක් ශ්‍රී ලංකාවේ මෝටර් රථ හිමියන්ගේ සහ කර්මාන්තකරුවන්ගේ විශ්වාසය දිනාගනිමින් Mobil Lubricants මෙරට ලිහිසි තෙල් වෙළෙඳපල තුළ ඉහළින්ම රැඳී සිටින අතර ශ්‍රී ලංකාවේ සහ මාලදිවයිනේ Mobil Lubricants නිෂ්පාදන බෙදාහැරීම පිළිබඳ දිගුකාලීන බලයලත් නියෝජිතයා වන McLarens Lubricants සමාගම ශ්‍රී ලංකාවේ ලිහිසි තෙල් වෙළෙඳපලේ ප්‍රමුඛතම නිමි ලිහිසි තෙල් ආනයනකරුවා ලෙස කටයුතු කරයි.
