JETSTAR ASIA කොළඹට සම්ප්‍රාප්ත වෙයි

සිංගප්පූරුව හා කොළඹ අතර ඍජු ගුවන් ගමන් ආරම්භ කළ Jetstar Asia (3K) එම ගුවන් මාර්ගයේ එකම අඩු වියදම් ගුවන් සේවාව බවට පත්වීමට පසුගියදා සමත් විය. ඒ අනුව අද උදෑසන සිංගප්පූරුවේ ‘චැංගි’ ගුවන් තොටුපලෙන් ගුවන් ගමන් ආරම්භ කළ 3K333 ගුවන් යානය කොළඹ බලා පියාසර කරන ලදී. ඒ සමඟ සංචාරක පාරාදීසයක් වූ ශ්‍රී ලංකාවේ සුන්දරත්වය සියැසින් දැකබලා ගැනීම සඳහා අඩුම මුදලකකට සුවපහසු ගුවන් සේවාවක් ලබා දීමට Jetstar Asia කටයුතු කරනු ඇත.
 



 
Jetstar Asia සතු A320 ගුවන් යානා සමූහය සමඟින් සිංගප්පූරුවේ සිට කොළඹ දක්වා සෑම සතියකම ගුවන් ගමන් සේවා 5ක් ක්‍රියාත්මක කිරීමට මෙහිදී කටයුතු කර ඇත. උදෑසන සහ සවස වශයෙන් ක්‍රියාත්මක ගුවන් සේවාවන්හිදී තමන් කැමති වේලාවක් තෝරා ගැනීමට සංචාරකයින්ට අවස්ථාව සලසා දී ඇත්තේ සිංගප්පූරුවේ සිට මෙරටට පැමිණෙන සියලු දෙනා වෙත පහසු විකල්පයක්ද ලබා දෙමිනි.

සෑම වසරකම අවම ගුවන් ගාස්තු යටතේ ආසන 90,000ක් වෙන් කර ගැනීමේ හැකියාව සංචාරකයින් වෙත උදා කර දෙන Jetstar Asia සිංගප්පූරුවේ ජීවත් වන්නන්ට මෙන්ම කලාපය පුරා විසිරුණු සංචාරකයින්ටත්, ව්‍යාපාරික සංචාරකයින්ටත් ආකර්ෂණීය සංචාරක ගමනාන්තයක් උදා කර දීමට මේ සමඟ කටයුතු කර ඇත.

මේ සම්බන්ධයෙන් අදහස් දක්වමින් Jetstar Asia හි ප්‍රධාන විධායක නිලධාරී John Simeone මහතා සඳහන් කර සිටියේ ශ්‍රී ලංකාව, Jetstar Asia ජාලයට එක් වූ ආකර්ෂණීය එකතු කිරීමක් බවයි. වැඩි දුරටත් අදහස් දැක්වූ ඒ මහතා සඳහන් කර සිටියේ මෙසේයි.

“සුවිශේෂී සංචාකරක ගමනානතයක් සොයමින් සිටින අපගේ පාරිභෝගිකයින් හට දර්ශනීය වෙරළ තීරයන්ගෙන්, සුන්දර දර්ශනයන්ගෙන්, පොහොසත් සංස්කෘතියකින් මෙන්ම ආගන්තුක සත්කාරයෙන් පිරිපුන් ශ්‍රී ලංකාව සුදුසුම ස්ථානය බවට පත්වනු ඇතැයි මම විශ්වාස කරනවා”

“ ශ්‍රී ලංකාවට පහසුවෙන් සංචාරය කිරීමේ අවස්ථාව සලසාදෙන ගුවන් ගමන් හා අවම ගාස්තු පාරිභෝගිකයින් වෙත ලබා දීමට කටයුතු කර ඇති අප ඒ හරහා ශ්‍රී ලංකාවේ සංචාරක ව්‍යාපාරය නඟා සිටුවීමට මෙන්ම දේශීය ව්‍යාපාරයන් සඳහා අවශ්‍ය සහයෝගය ලබා දීමටත් කටයුතු කර තිබෙනවා. ඒ වගේම අග්නිදිග ආසියාව පුරා විසිරී සිටින සංචාරකයින් වෙත ශ්‍රී ලංකාව වෙත සංචාරය කිරීම සඳහා අවම සංචාරක විකල්පයන් වෙත පිවිසීමේ අවස්ථාව ලබා දීමට හැකිවීම පිළිබඳව ඉතාමත් සතුටුයි”

“මේ සඳහා අඛණ්ඩ සහයෝගය ලබා දුන් Changi ගුවන් තොටුපොල සමූහය සහ හේලීස් ඇතුලු සියලු හවුල්කරුවන්ට මාගේ ස්තුතිය පුද කර සිටිනවා”

මෙහිදී අදහස් දැක්වූ ශ්‍රී ලංකා සංචාරක ප්‍රවර්ධන අධිකාරියේ සභාපති බුද්ධික හේවාවසම් මහතා “ ලබන වසර වන විට සංචාරකයින් මිලියන 3ක් ගෙන්වා ගැනීමට ශ්‍රී ලංකාව අපේක්ෂා කරන අතර Jetstar විසින් සිංගප්පූරුවේ සිට ශ්‍රී ලංකාව දක්වා ඍජු ගුවන් සේවාවන් ආරම්භ කිරීම ඒ සඳහා කදිම අවස්ථාවක් උදා කර දී තිබෙනවා. සිංගප්පූරුවෙන් ඔබ්බට යමින් ඕස්ටේ්‍රලියාව හා ඈත පෙරදිග වෙළෙඳපොල වෙත පිවිසීමට හා පහසු මිලට සංචාරක සේවාවන් සලසා ගැනීම සඳහා වන ඉල්ලුම ඉහළ යාමටද මෙය හේතුවක් වනු ඇතැයි මම සිතනවා” යනුවෙන් පැවසීය.

ගුවන් තොටුපළ හා ගුවන් සේවා (ශ්‍රී ලංකා) (පුද්ගලික) සමාගමේ (AASL) සභාපති (විශ්‍රාමික.) එයාර් චීෆ් මාර්ෂල් හර්ෂ අබේවික්‍රම මහතා පවසා සිටියේ මෙම සිංගප්පූරුව සහ ශ්‍රී ලංකාව අතර Jetstar Asia හි නියමිත ගුවන් ගමන් ආරම්භ කිරීම අපගේ සංචාරක ක්ෂේත්‍රයේ අඛණ්ඩ වර්ධනය සඳහා සැලකිය යුතු ශක්තියක් වන බවත්,  මෙමගින් දේශීය හා ජාත්‍යන්තර මගීන් සඳහා වැඩි දියුණු කළ සංචාරක අත්දැකීමක් ලබා දීමට හැකියාවද ලැබෙනු ඇති බවයි.

මෙලෙස Jetstar Asia ගුවන් සමාගම බණ්ඩාරනායක ජාත්‍යන්තර ගුවන් තොටුපළ (BIA) වෙත සිය ගුවන් ගමන් ආරම්භ කිරීම මගින් ශ්‍රී ලංකාවේ ගුවන් සේවාවට සහ සංචාරක ක්ෂේත්‍රයට දායක වීම පිළිබඳ අප සතුටට පත්වන බවත්, මෙම නව ව්‍යාපාරය සඳහා Jetstar Asia ගුවන් සමාගම වෙත අපගේ උණුසුම් සුබපැතුම් එක් කරන අතරම අපගේ මෙම වටිනා මගීන් සඳහා සුවිශේෂී සංචාරක අත්දැකීමක් සහතික කිරීමට අප කැපවී සිටින බවද වැඩිදුරටත් සදහන් කරන ලදී.

මේ සම්බන්ධයෙන් අදහස් එක් කළ Hayleys Advantis ලිමිටඩ්හි නියෝජ්‍ය කළමනාකාර අධ්‍යක්ෂ ෂානෝ සබර් මහතා සඳහන් කළේ Jetstar Asia සමඟ වන මෙම සබඳතාව ශ්‍රී ලංකාවේ වර්ධනය වෙමින් පවතින සංචාරක හා හෝටල් කර්මාන්තය සඳහා සුවිසල් අවස්ථාවක් නිර්මාණය කරන බවයි. වැඩි දුරටත් අදහස් දැක්වූ ඒ මහතා

“ශ්‍රී ලංකාව විවේකය ගත කිරීම සඳහා සංචාරයට හොඳම ගමනානත්යක් ලෙස සැලකුවද එහි සැබෑ වටිනාකම ලෝකය විසින් හඳුනාගනු ලැබුවේ මෑත කාලයේදීයි. ඒ හේතුවෙන් Jetstar Asia සමඟ වන මෙම හවුල්කාරීත්වය ශ්‍රී ලාංකේය සංචාරක ව්‍යාපාරය සඳහා කාලෝචිත හා වැදගත් සංධිස්ථානයක් සනිටුහන් කරන බව සඳහන් කළ හැකියි”

“මෙම ප්‍රථම අඩු වියදම් ඍජු ගුවන් සේවාව හරහා සිංගප්පූරුව හා කොළඹ අතර වන සම්බන්ධතාව ඉහළ නැංවීම තුළින් ආසියා පැසිෆික් කලාපයේ හා ඉන් පිටත සංචාරකයින් සඳහා වන අවස්ථාව වැඩි දියුණු කිරීමට දායක වනවා. මෙය අලුත් සංචාරකයින් ශ්‍රී ලංකාවට පැමිනීමේ අවස්ථාවක් වනු ඇති අතර එය දේශීය ව්‍යාපාර සඳහාද නව අවස්ථාවන් නිර්මාණය කරන බැවින් මෙරට ආර්ථික වර්ධනයට සහාය වෙමින් හා ශ්‍රී ලංකාව සතු සුවිශේෂී අත්දැකීම් ලෝකයට අපට හැකි වී තිබෙනවා” යනුවෙන් පවසා සිටින ලදී.

සංචාරකයින් හට jetstar.com වෙත පිවිසීමෙන් සිංගප්පූරුව හා කොළඹ අතර ඍජු ගුවන් ගමන් වෙන් කර ගත හැකිය.

 

ගුවන් සේවා කාල සටහන

ගුවන් යානය	වෙන් කළ දින	සිට	දක්වා	පිටත්වීම	ළඟා වීම
3K331	සඳුදා, බදාදා, සෙනසුරාදා	සිංගප්පූරුව	කොළඹ	2100	2230
3K332	සඳුදා, බදාදා, සෙනසුරාදා	කොළඹ	සිංගප්පූරුව	2330	0600+1
3K333	බ්‍රහස්පතින්දා, ඉරිදා	සිංගප්පූරුව	කොළඹ	0855	1030
3K334	බ්‍රහස්පතින්දා, ඉරිදා	කොළඹ	සිංගප්පූරුව	1130	1800