HEINEKEN සමාගම Distilleries Company of Sri Lanka (DCSL) සමඟ ගිවිසුමකට එළඹෙයි

Heineken Asia Pacific Pte Ltd (HEINEKEN) සමාගම Distilleries Company of Sri Lanka PLC (DCSL) සමඟ ගිවිසුමක් අත්සන් කරන ලදී. DCSL යනු කොළඹ කොටස් වෙළෙඳපොලේ ලැයිස්තුගත පොදු සීමිත වගකීම් සමාගමකි.

මෙම ගිවිසුම යටතේ, HEINEKEN සමාගම HEINEKEN Lanka Limited හි තම කොටස් DCSL සමාගම වෙත පැවරීමට කටයුතු කර ඇත. එහිදී දැනට ශ්‍රී ලංකා වෙළෙඳපොලේ ඇති Heineken®, Tiger සහ Anchor වැනි සන්නාමයන්ගෙන් සමන්විත HEINEKEN හි ජාත්‍යන්තර සන්නාම කළඹ සඳහා, වෙළෙඳ ලකුණු බලපත්‍ර ගිවිසුම්වලටද ඇතුළු වනු ඇත.

HEINEKEN හි APAC කලාපීය සභාපති, Jacco van der Linden පැවසුවේ, “පසුගිය වසරවලදී, වෙළෙඳපොලේ අනාගත ප්‍රවණතා අපේක්ෂාවෙන් ශ්‍රී ලංකාවේ අපගේ ව්‍යාපාරය පරිවර්තනය කිරීමේ විකල්පයන් අපි ගවේෂණය කරමින් සිටියෙමු. Heineken®, Tiger සහ Anchor සන්නාමයන්ගෙන් සමන්විත අපගේ ජාත්‍යන්තර කළඹ ශ්‍රී ලාංකේය වෙළෙඳපොළ ආකර්ෂණය කර ගැනීමට සමත්ව තිබෙනවා. අපගේ සන්නාමවල සම්පූර්ණ හැකියාවන් ඉදිරියට ගෙන යා හැකි DCSL හමුවීමට ලැබීම ගැන අපි සතුටු වෙමු”.