මෙරට ආර්ථිකය යළි යථා තත්ත්වයට පත්වීමත් සමඟ, දේපළ වෙළඳාම් (Real Estate) ක්ෂේත්රය , මෙරට ඉදිකිරීම් ක්ෂේත්රයට මෙන්ම සමස්ත ආර්ථිකයට ලබා දෙන දායකත්වය අතින් නව ගම්යතාවයක් අත්කර ගනිමින් සිටියි. ඒත් සමගම වෙළඳපොළේ සැපයුම් පාර්ශවය ශක්තිමත් කරමින් නව සංවර්ධන ව්යාපෘති රැසක් මේ වන විට පෙරමුණ ගෙන තිබේ. මෙම ක්ෂේත්රයේ ප්රමුඛතම සන්නාමයක් වන Fairway Holdings නියෝජනය කරන, එහි ප්රධාන වර්ධන නිලධාරිනී, රාජිත ජයසූරිය මහත්මිය සමඟ කතාබහ කිරීමට අද අපට විශේෂ අවස්ථාවක් උදාවී ඇත.
- ශ්රී ලංකා ආර්ථිකය අර්බුදකාරී කාලපරිච්ඡේදයකින් සාර්ථකව මිදී ස්ථාවරත්වයක් කරා ගමන් කරමින් සිටින බව පෙනී යනවා. ව්යාපාරික නායකයෙකු ලෙස, ඉදිරි වසර කිහිපය තුළ ආර්ථිකයේ ගමන් මග ඔබ දකින්නේ කෙසේද?
ශ්රී ලංකාව අර්බුදකාරී කාලපරිච්ඡේදයක් පසුකර දැන් ස්ථාවරත්වයක් කරා ළඟා වී ඇත. ආර්ථික ප්රතිසංස්කරණ, ආයෝජක විශ්වාසය සහ පුද්ගලික අංශයේ ශක්තිය මත පදනම්ව ඉදිරි වසර කිහිපය තුළ ආර්ථිකයේ ස්ථාවර වර්ධනයක් සිදුවනු ඇතැයි අපේක්ෂා කෙරේ. අපගේ ප්රධාන ආර්ථික කුළුණක් වන සංචාරක කර්මාන්තය ද සංචාරකයින්ගේ පැමිණීම ඉහළ යාම සහ ජාත්යන්තර අවධානය ලැබීමත් සමඟ සැලකිය යුතු ප්රකෘතිමත් වීමක් පෙන්නුම් කරයි. ගෝලීය වෙළඳපොලේ අස්ථාවරත්වය වැනි අභියෝග පැවතියද, මූලික ආර්ථික සාධක යහපත් අතට හැරෙමින් පවතින අතර එමඟින් දිගුකාලීන ආයෝජන සඳහා අවස්ථා උදා වේ.
- Research Intelligence Unit (RIUNIT) ආයතනයේ නවතම දත්තවලට අනුව, කොළඹ 05 ප්රදේශය සුඛෝපභෝගි මහල් නිවාස (Apartment) ආයෝජනය සඳහා ඉහළම ඉල්ලුමක් ඇති ගමනාන්තයක් බවට පත්ව තිබෙනවා. කිරුළපන ප්රදේශයේ ආරම්භ කිරීමට නියමිත ඔබගේ නව ව්යාපෘතිය ගැන යම් තොරතුරු අප සමඟ බෙදා ගත හැකිද?
නිශ්චල දේපල වෙළඳාමේදී වැදගත්ම සාධකය වන්නේ දේපල පිහිටා ඇති ස්ථානයයි. කොළඹ 05 යනු කොළඹ වාණිජ මධ්යස්ථානවලට පහසුවෙන් ළඟා විය හැකි, විචිත්රවත් නාගරික ප්රදේශයකි. නාගරික පහසුව සහ තිරසාර ජීවන රටාව යන අංග මුසු කරමින් අපගේ නව ව්යාපෘතිය සැලසුම් කර ඇත. Fairway හි උසස් ප්රමිතීන්ට අනුකූලව, එදිනෙදා ජීවිතයට ප්රායෝගික වන පරිදි උසස් තත්ත්වයේ නිමාවකින් සහ විශ්වාසදායක ඉංජිනේරු තාක්ෂණයෙන් යුතුව මෙය ඉදි කෙරේ. මෙය දේශීය වෘත්තිකයන් සහ විදෙස් ආයෝජකයින් ඉලක්ක කරගත් මධ්යම සිට ඉහළ මට්ටමේ (Mid-to-high-end) ව්යාපෘතියකි. මෙහි ඉදිකිරීම් කටයුතු දැනටමත් ආරම්භ කර ඇති අතර, මේ වන විට මහල් 06 ක වැඩ සාර්ථකව අවසන් කර ඇත.
- මෙම නව නිවාස ව්යාපෘතියෙන් පාරිභෝගිකයින්ට බලාපොරොත්තු විය හැකි විශේෂාංග සහ පහසුකම් මොනවාද?
මෙම නව ව්යාපෘතියේ පදිංචිකරුවන්ට පහත සඳහන් පහසුකම් බලාපොරොත්තු විය හැක:
- නවීන ජීවන රටාවට ගැලපෙන Smart Home තාක්ෂණය සඳහා ප්රතිපාදන;
- උඩුමහල් උද්යාන (Rooftop garden) සහ අලංකරණය කළ මිදුල් ඇතුළු හරිත spaces;
- උඩුමහලේ ස්ථාපිත ශරීර සුවතා මධ්යස්ථානය (gymnasium), infinity පිහිනුම් තටාකයවිනෝදාස්වාදක අවකාශය වැනි ජීවන රටාව වැඩිදියුණු කරන පහසුකම්;
- බලශක්ති කාර්යක්ෂම පද්ධති සහ වැසි ජල ප්රතිචක්රීකරණය සහිත තිරසාර සැලසුම්.
- විදෙස්ගත ශ්රී ලාංකිකයින් (Diaspora) අතර නිශ්චල දේපල ආයෝජන ගමනාන්තයක් ලෙස ශ්රී ලංකාව කෙරෙහි වැඩි අවධානයක් යොමු වෙමින් පවතිනවා. ඔබේ ව්යාපෘතිය සඳහා මෙය වැදගත් වෙළඳපොළක් ලෙස ඔබ සලකනවාද?
විදෙස්ගත ශ්රී ලාංකික ප්රජාව සැමවිටම නිශ්චල දේපල ක්ෂේත්රයට ඉතා වැදගත් වෙළඳපොළකි. බොහෝ විට ඔවුන් නැවත සිය මව්බිම සමඟ සම්බන්ධ වීමට බලාපොරොත්තු වන අතරම, ආරක්ෂිත නිශ්චල දේපල ආයෝජන සිදු කිරීමට ද උනන්දු වෙයි. ගුණාත්මකභාවය, විනිවිදභාවය සහ ජාත්යන්තර මට්ටමේ පහසුකම් අතින් ඔවුන්ගේ බලාපොරොත්තු ඉටු වන පරිදි අපගේ ව්යාපෘති සකස් කර ඇත.
- දේශීය හා විදේශීය ගැනුම්කරුවන් සඳහා ලබා දී ඇති මුදල් ගෙවීමේ පහසුකම් මොනවාද?
හිමිකාරීත්වයේ පහසුව සඳහා අපි නම්යශීලී ගෙවීම් පහසුකම් ලබා දෙන්නෙමු:
- ඉදිකිරීම් කාලසීමාව පුරා විහිදුණු වාරික ගෙවීමේ ක්රම.
- ප්රමුඛ පෙළේ දේශීය සහ ජාත්යන්තර බැංකු හරහා ණය පහසුකම්.
- විදේශීය ගැනුම්කරුවන් සඳහා විදේශ මුදල් ප්රේෂණ පහසුකම්.
- එකවර මුදල් ගෙවන පාරිභෝගිකයින් සඳහා විශේෂ වට්ටම් (Early Bird Discounts).
ඉදිකිරීම් අවධියේදී ආයෝජනය කරන ගැනුම්කරුවන්ට ඉහළම වටිනාකමක් (Value growth) අත්කර ගත හැකිය. උදාහරණයක් ලෙස, Fairway Latitude ව්යාපෘතියේ ඉදිකිරීම් කාලය තුළ දේපල වටිනාකම වාර්ෂිකව 15% කට වඩා වැඩි අගයකින් වර්ධනය වීම අපේක්ෂා කරන අතර, එය ආයෝජකයින්ට ඉතා ආකර්ෂණීය අවස්ථාවකි.
- Fairway Residencies යනු ශ්රී ලංකාවේ සුඛෝපභෝගි මහල් නිවාස (Apartment) සංවර්ධන ක්ෂේත්රයේ ගෞරවනීය හා පුරෝගාමී සන්නාමයක්. මෙම අභිමානවත් උරුමය සමඟ ඔබගේ සන්නාමය ඉදිරියට ගෙන යන්නේ කෙසේද? අනාගතය සඳහා තවත් ව්යාපෘති සැලසුම් කර තිබේද?
Fairway Holdings සැමවිටම ශ්රී ලංකාවේ සුඛෝපභෝගි ජීවන රටාව (luxury living) සහ මහල් නිවාස සංකල්පය යළි නිර්වචනය කිරීමේ පුරෝගාමියෙකු විය. රාජගිරියේ මෙම සංකල්පය ප්රථමයෙන් හඳුන්වා දෙමින් අපි නාගරික ජීවන රටාවේ නව මිනුම් දණ්ඩක් පිහිටුවුවෙමු. තිරසාර බව, සැලසුම්කරණය සහ පාරිභෝගික අත්දැකීම් තුළින් අඛණ්ඩව නව්යකරණයන් සිදු කරමින් අපි ඉදිරියට යන්නෙමු. නාගරික නිවාස සඳහා ඇති ඉල්ලුම තවදුරටත් වර්ධනය වනු ඇතැයි අපි විශ්වාස කරන බැවින්, කොළඹ සහ නැගී එන තදාසන්න ප්රදේශවල තවත් ව්යාපෘති සැලසුම් කර ඇත.
Fairway Latitudeහි ඉදිකිරීම් දැනටමත් ආරම්භ කර ඇති අතර, දැනට මහල් 6ක් නිම කර ඇත. මේ අවස්ථාව, එහි ආයෝජනය සඳහා මෙය සුදුසු සමයකි.
- තනි වචනයකින් පැවසුවහොත්, අද ලෝකයේ ඔබ දකින වඩාත්ම ධනාත්මක සහ ඍණාත්මක දේ කුමක්ද?
ධනාත්මක: දෘඪතාව (Resilience)
අධනාත්මක: බෙදීම / විභේදනය (Division)