ශ්රී ලංකා පාසල් හොකී සංගමය මගින් සංවිධානය කළ අන්තර් පාසල් 14න් පහළ හොකී තරඟාවලිය පෙබරවාරි 24, 25 හා 26 දිනවල පේරාදෙණිය විශ්ව විද්යාල ක්රීඩා පිටියේදී පැවැත්විණි.
එච් කාණ්ඩය යටතේ තරඟ වැදුණු මහනුවර ධර්මරාජ විද්යාලය විශිෂ්ට දක්ෂතා ප්රදර්ශනය කරමින් රන්තරු ශූරතාවය දිනා ගත් අතර, අඛණ්ඩව තෙවැනි වරටත් එම ශූරතාව හිමිකර ගැනීමට සමත් විය.
නායක සන්තිෂ අබයකෝන්ගේ දක්ෂ නායකත්වය යටතේ ක්රීඩා කළ කණ්ඩායමට උපනායකයන් වූ සතිර විතානාරච්චි හා විශ්ව ධර්මකීර්ති ද ශක්තිමත් සහාය ලබා දුන්හ. තරඟාවලිය පුරා ගෝල් හතරක් ලබා ගත් රනිතු රත්නායක සහ ටෙහාන් රාජවසම් ද කැපී පෙනෙන ක්රීඩා දක්ෂතා දැක්වූහ.
ධර්මරාජ විද්යාලය මාරිස්ටෙලා විද්යාලය 1-0 ලෙස පරාජය කළ අතර, නියගම විජිත විද්යාලය සමඟ සම විය. ශාන්ත බෙනඩික් විද්යාලය 3-0 ලෙසත්, රංගිරි දඹුලු විද්යාලය 2-1 ලෙසත් ජයගනිමින් ශූරතාවය තහවුරු කළේය.
කණ්ඩායම භාර ආචාර්යවරුන් ලෙස ලිෂාන්ති සුමනදාස හා චාන්දනී වීරසිංහ ගුරු මහත්මීන් කටයුතු කළ අතර, පුහුණුකරුවන් ලෙස ආර්. රහීම් මහතා සහ ඉන්දික රොෂාන් මහතා කණ්ඩායම සාර්ථක ලෙස මඟ පෙන්වා ඇත.