ලංකා ව්‍යාපාරික පුවත් - LBN
ශ්‍රී ලංකාවේ ප්‍රමුඛතම විද්‍යුත් වාණිජ පදනම වන Daraz Sri Lanka හි අලුත් අවුරුදු ප්‍රවර්ධන වැඩසටහන ‘4.4 අවුරුදු වාසි ප්‍රෝ මැක්ස්’ මේ වන විට ආරම්භ වී තිබේ. 2025 අප්‍රේල් 08 දින දක්වා ක්‍රියාත්මක වන මෙම වැඩසටහන යටතේ පාරිභෝගිකයන්ට ඇදහිය නොහැකි වට්ටම් සමගින් වාසි රැසක් හිමි වනු ඇත.
මෙම වැඩසටහනේ විශේෂත්වය වන්නේ Flash Sales යටතේ ඇතැම් ජනප්‍රිය භාණ්ඩ වර්ග සඳහා 85% ක් දක්වා වට්ටම් හිමි වීමයි. ඉලෙක්ට්‍රොනික භාණ්ඩ, ගෘහෝපකරණ, විලාසිතා සහ රූපලාවණ්‍ය නිෂ්පාදන ආදිය සඳහා මෙම වට්ටම් හිමි වනු ඇත. එමෙන්ම ප්‍රවර්ධන කාලය පුරාම භාණ්ඩ වර්ග රාශියක් සඳහා 75% ක් දක්වා වට්ටම් පිරිනැමීමට කටයුතු යොදා තිබේ. මීට අමතරව පාරිභෝගිකයන්ට අවශ්‍ය භාණ්ඩ වැඩි වැඩියෙන් මිලදී ගැනීමට අවස්ථාව සලසා දීම සඳහා රු. මිලියන 50 ක් වටිනා වවුචර ඔවුන් අතර බෙදා දීමටද සැලසුම් කර ඇත.
Baseus, Unilever, Hemas, Janet, Coolpad, Doogee, Nothing CMF, Amante, Quantum Fitness සහ V Tec Furniture වැනි දිවයිනේ ජනප්‍රියම සන්නාම රැසක නිෂ්පාදන 4.4 අවුරුදු වාසි ප්‍රෝ මැක්ස් වැඩසටහන හරහා ආකර්ෂණීය මිලගණන් යටතේ මිලදී ගත හැකි වේ.
මෙම වාසිවලට අමතරව, පාරිභෝගිකයන්ගේ අවුරුදු සතුට දෙගුණ තෙගුණ කිරීම සඳහා මාස 36 ක් දක්වා පොලී රහිත පහසු ගෙවීමේ ක්‍රම හඳුන්වා දීමටද Daraz පියවර ගෙන තිබේ. මේ සඳහා Daraz සමාගම කොමර්ෂල් බැංකුව, DFCC බැංකුව, HNB, LOLC ෆිනෑන්ස්, නේෂන්ස් ට්‍රස්ට් බැංකුව (American Express ඇතුළුව), මහජන බැංකුව, සම්පත් බැංකුව, Standard Chartered සහ යූනියන් බැංකුව ඇතුළු බැංකු සහ මූල්‍ය ආයතන රැසක් සමග අත්වැල් බැඳගෙන සිටී.
මීට අමතරව BOC Cards, කොමර්ෂල් බැංකුව, DFCC බැංකුව, HNB Cards, LOLC Finance, නේෂන්ස් ට්‍රස්ට් බැංකුව, NDB බැංකුව, HSBC Cards, සම්පත් බැංකුව සහ යූනියන් බැංකුව වැනි ගෙවීම් සේවා හවුල්කරුවන් මෙන්ම Daraz Paylater සහ Daraz Points හරහා අමතර 12% ක් දක්වා සහ රු. 5,000/- දක්වා වට්ටම් පිරිනැමීමටද Daraz පියවර ගෙන තිබේ.
මේ සම්බන්ධයෙන් අදහස් දක්වමින් Daraz Sri Lanka ප්‍රධාන වාණිජ නිලධාරී ඔෂාන් රණතුංග මහතා පැවසුවේ අලුත් අවුරුදු සමය වෙනුවෙන් පාරිභෝගිකයන්ට මේ ආකාරයට අඩුම මිලගණන් සහ ඉහළම වට්ටම් සමගින් රු. මිලියන 50 ක් දක්වා වවුචර් පිරිනැමීමට හැකි වීම පිළිබඳව තමන් බෙහෙවින් සතුටු වන බවයි. මෙය නව අවුරුදු සැමරුම් සමග නවීන තාක්ෂණය එක්තැන් කිරීමක් බවත්, මෙමගින් අලුත් අවුරුද්දට තෑගිබෝග මිලදී ගන්නා සහ තම නිවාස වැඩිදියුණු කරගැනීමට බලාපොරොත්තු වන පාරිභෝගිකයන්ට පමණක් නොව එදිනෙදා අවශ්‍ය දේවල් මිලදී ගන්නා පාරිභෝගිකයන්ටද ඉතාමත් පහසුවෙන්, සුවිශේෂී මිලගණන් යටතේ භාණ්ඩ මිලදී ගැනීමට අවස්ථාව හිමි වන බවත් ඒ මහතා වැඩිදුරටත් පැවසීය.
4.4 අවුරුදු වාසි ප්‍රෝ මැක්ස් ප්‍රවර්ධන වැඩසටහන ශ්‍රී ලාංකිකයන්ගේ අලුත් අවුරුදු අත්දැකීම නව මානයක් වෙත රැගෙන යන සුවිශේෂී වැඩසටහනක් වනු නිසැකය. අලුත් අවුරුද්දේ සතුට දෙගුණ තෙගුණ කරන වාසි සියල්ල එකම තැනකින් පිරිනමන 4.4 Avurudu Wasi Pro Max අත්දැකීම ඔබත් අදම විඳගන්න.
