ලංකා ව්‍යාපාරික පුවත් - LBN
C Pearl White by Chandi Gunarathna පෞද්ගලික සමාගම නිෂ්පාදනය කරන C Pearl White රූපලාවණ්‍ය නිෂ්පාදන CECD ආයතනය සංවිධානය කළ ව්‍යවසායකත්ව විශිෂ්ටතා සම්මාන උළෙලේදී වැඩිම ඉල්ලුමක් ඇති රූපලාවණ්‍ය නිෂ්පාදන (මාර්ගගත විකුණුම්) ලෙස සම්මාන ලැබුවේය. සමාගමේ නිර්මාතෘ සහ කළමනාකරණ අධ්‍යක්ෂිකා වයි. එම්. චන්දි ගුණරත්න මහත්මිය වෙත සම්මානය පිරිනමන ලදී. දේශීයව හා විදේශීයව විශාල ඉල්ලුමක් ඇති C Pearl White රූපලාවණ්‍ය නිෂ්පාදන ස්වාභාවික සහ ඉක්මන් ප්‍රතිපල ගෙන දෙන රූපලාවණ්‍ය විසඳුම් සොයන පාරිභෝගිකයන්ගේ තේරීම් අතර ඉදිරියෙන්ම ඇත. 100%ක් ස්වාභාවික අමුද්‍රව්‍යවලින් නිපදවන එම නිෂ්පාදනවල කිසිදු හානිකර සංඝටකයක් අන්තර්ගත නොවේ. ඒවා භාවිතයෙන් කිසිදු අතුරු බලපෑමක්ද ඇති නොවේ. ස්වාභාවික, රෝස පැහැති සහ දිදුලන සමක් අපේක්ෂා කරන ඕනෑම අයෙකුට කිසිදු සැකයකින් තොරව එම නිෂ්පාදන භාවිත කළ හැකිය.
වයිට්නින් ක්‍රීම්, ෆේස් ක්‍රීම්, බොඩි ලෝෂන්, ලිප් බාම්, චාකොල් සෝප්, හෙයාර් ඔයිල්, ෆේස් වොෂ් සහ ටෝනර් C Pearl White නිෂ්පාදන අතර ප්‍රධාන වේ. කුරුලෑ සහ කැළැල් වැනි සාමාන්‍ය සම ආශ්‍රිත ගැටලු රැසකට ඉක්මන් විසඳුම් දෙන එම නිෂ්පාදන නැවුම් සමක් සහතික කරයි. තත්ත්වයෙන් උසස් සහ ප්‍රතිපල ගෙන දෙන නිෂ්පාදන වෙළෙඳපොළට නිකුත් කිරීමට කැප වන එම සමාගම විශිෂ්ට පාරිභෝගික සේවාවක් තහවුරු කරයි. කාර්යක්ෂම මාර්ගගත අලෙවි වේදිකා කිහිපයකට හිමිකම් කියන එම සමාගම ඒ තුළින් ඉක්මනින් සහ පහසුවෙන් භාණ්ඩ ඇණැවුම් කිරීමට අවස්ථාව සළසා දී ඇත. ලොව පුරා පාරිභෝගිකයන් දහස් ගණනක් ආකර්ෂණය කර ගැනීමට එම සමාගම සමත් වී තිබේ. ව්‍යවසායකත්ව විශිෂ්ටතා සම්මානයෙන් පිදුම් ලැබූ එම සමාගම සිය ව්‍යාපාර වපසරිය පුළුල් කරමින් අඛණ්ඩව විශ්වාසනීය සහ ස්වාභාවික රූපලාවණ්‍ය විසඳුම් සැපයීමට අපේක්ෂා කරයි.
