Boost Hotels සමාගම 2024 ජාතික සංචාරක සම්මාන උළෙලේදී කිරුළු පළඳියි

Boost Hotels Pvt Ltd (www.boosthotels.com) ජාත්‍යන්තර මට්ටමේ ආගන්තුක සත්කාර විසඳුම් සැපැයීමේ දශකයකට අධික විශේෂඥ දැනුමක් ඇති ශ්‍රී ලාංකික සමාගමක් ලෙස 2024 ශ්‍රී ලංකා සංචාරක සම්මාන උළෙලේදී ආගන්තුක සත්කාර කර්මාන්තය සඳහා විශිෂ්ටම ව්‍යවසාය කළමනාකරණ පද්ධතිය ලෙස නම් කරමින් සම්මාන දිනා ගත්තේය. මෙම පිළිගැනීම රටේ ප්‍රමුඛතම හෝටල් සහ ආපන ශාලා කළමනාකරණ මෘදුකාංග සපයන්නා ලෙස සමාගමේ ස්ථාවරය තව දුරටත් තහවුරු කරයි. සහෝදර සමාගමක් වන Intahub Pvt Ltd සමඟ ඇති තාක්ෂණික හවුල්කාරිත්වය සමඟින් Boost Hotels ගෝලීය ප්‍රමිති අඛණ්ඩව තහවුරු කර ඇති අතර ආගන්තුක සත්කාර කර්මාන්තය සඳහා එකම වහලක් යටින් සම්පූර්ණ විසඳුම් සමූහයක් සපයයි. හෝටල් සහ සංචාරක සේවා සැපැයුම් සමාගම් හා එම කර්මාන්තයේ නිරත අයට සම්පුර්ණ සේවා මෙහෙයුම් ඉතා පහසුවෙන් හා පැහැදිලිව සියල්ල එකම තැනකින් සිදු කර ගැනීමට හැකි වීම මෙම මෘදුකාංගයේ ඇති වටිනාකමයි.

මෙම නව්‍ය මෘදුකාංගය මාලදිවයිනට සහ ඕස්ට්‍රේලියාවට මෙහෙයුම් ව්‍යාප්ත කරමින් විදේශ විනිමය ගෙන එමින් ආර්ථිකයට දායක වෙමින් දේශීය සහ ජාත්‍යන්තර ගනුදෙනුකරුවන්ගේ විශ්වාසය දිනා ඇත. 2022දී ජාතික විශිෂ්ට ගුණාත්මක මෘදුකාංග ICT සම්මාන උළෙලේදී (NBQSA/ICTA) පිළිගැනුණු Boost Hotels විශ්වාසනීය, උසස් තත්ත්වයේ මෘදුකාංග විසඳුම් සමඟ සත්කාරක අංශය සවිබල ගැන්වීම සඳහා සමාගම දරන කැපවීම මෙම ජයග්‍රහණයෙන් පිළිබිඹු වේ. ජාත්‍යන්තර හවුල්කාරිත්ව ඇති ශ්‍රී ලාංකික සමාගමක් ලෙස Boost Hotels දේශීය ආර්ථිකයට දායක වෙමින් ගෝලීය පරිමාණයෙන් ජාතිය නියෝජනය කරයි. Boost Hotels නිෂ්පාදන හෝටල් සහ ආපන ශාලා කළමනාකරණයේ සම්පූර්ණ මෘදුකාංග අවශ්‍යතාව සම්පුර්ණ කරයි.