Agromet Asia සමාගම, 2023 ජාතික අපනයන වාණිජ මණ්ඩල සම්මාන උළෙලේදී සම්මාන ලබයි

2- Team with award (LBN)

 




 

 

ෆෙරස් නොවන ලෝහ, උසස් තත්ත්වයේ නිෂ්පාදන බවට පරිවර්තනය කරන ශ්‍රී ලංකාවේ ප්‍රමුඛතම සමාගමක්වන Agromet Asia පුද්ගලික සමාගම පසුගියදා නිමාවට පත්වූ 2023 ජාතික අපනයන වාණිජ මණ්ඩලයේ වාර්ෂික අපනයන සම්මාන උළෙලේදී මහා පරිමාණ ව්‍යාපාර අංශයේ රිදී සම්මානයක් දිනාගැනීමට සමත්විය. තිරසර සමාජයක් උදෙසා පාරිභෝගික කේන්ද්‍රී චක්‍රීය ආර්ථිකයක්  ගොඩනැඟීමට අපේක්ෂා කරන Agromet Asia සමාගම විසින් ගුණාත්මකභාවය, විශිෂ්ටත්වය සහ තිරසරභාවය වෙනුවෙන් අඛණ්ඩව කළ කැපවීමට සිදුකරන ඇගයීමක් ලෙස මෙම සම්මානය පිරිනැමුණි. සම්මාන උළෙල 2023 දෙසැම්බර් 08 වැනිදා කොළඹ ෂැංග්‍රිලා හෝටලයේදී පැවැත්වුණි.

″මෙම ජයග්‍රහණය පිළිබඳව අපි ඉතාමත් සතුටට පත්වෙනවා. එය විශේෂයෙන්ම මෑත වසරවල අප මුහුණදුන් විවිධ අභියෝග හමුවේ අපගේ වර්ධනයේ, කැපවීමේ සහ ශක්තියේ පිළිබිඹුවක්. ඒ වගේම අප කෙරෙහි පාරිභෝගිකයින් තැබූ විශ්වාසයත්, සමාගමේ සාර්ථකත්වය වෙනුවෙන් කාර්යමණ්ඩලයේ කැපවීමත් මෙම සම්මානය හරහා පෙන්නුම් කෙරෙනවා″, යනුවෙන් Agromet Asia පුද්ගලික සමාගමේ කළමනාකාර අධ්‍යක්ෂ රිතිෂ් සින්හාල් මහතා පැවසුවේය.

ශ්‍රී ලංකා ආයෝජන මණ්ඩල අනුමැතිය ලත් සමාගමක්වන Agromet Asia, හොරණ අපනයන සැකසුම් කලාපයේ පිහිටා තිබේ. ශ්‍රී ලංකාවේ විශාලතම සින්ක් ඔක්සයිඩ් නිෂ්පාදකයාවන Agromet Asia සමාගම, මෙරට මෙන්ම අග්නිදිග ආසියානු කලාපයේ ප්‍රමුඛතම ටයර් නිෂ්පාදන සමාගම්වලට සින්ක් ඔක්සයිඩ් අපනයනය කරයි. ඊට අමතරව ෆෙරස් නොවන ලෝහ වර්ග ප්‍රතිචක්‍රීකරණය මගින් Brass Alloy Ingots නිෂ්පාදනය කරනු ලබන අතර, ඒවා ඇසුරින් නිෂ්පාදිත උසස් තත්ත්වයේ සනීපාරක්ෂක නිෂ්පාදන අග්නිදිග ආසියානු රටවල් මෙන්ම චීනය, ඉන්දියාව, පාකිස්ථානය සහ ඉන්දුනීසියාව වැනි රටවල් වෙත අපනයනය කරයි.

දේශීය සහ විදේශීය වෙළෙඳපොළට Gravity Die Casting නිෂ්පාදනය කරන එකම ශ්‍රී ලාංකික සමාගම වන්නේ ද Agromet Asia පුද්ගලික සමාගමයි. Agromet Asia සමාගම, ලොව උසස්ම තත්ත්වයේ Transmission සහ Distribution Components, Railway Overhead සහ 3rd Line Components, Complex Non-Ferrous Castings, දුෂ්කර පාරිසරික තත්ත්වයන්ට උචිත Safety-Critical components මෙන්ම විවිධ ඉංජිනේරු අවශ්‍යතාවන්ට භාවිත කරනු ලබන precision castings ආදී නිෂ්පාදන යුරෝපය, අමෙරිකා එක්සත් ජනපදය, අග්නිදිග ආසියාව සහ ඉන්දියාව ආදී වෙළෙඳපොළවල්වල බලශක්ති සහ දුම්රිය කර්මාන්ත අංශ වෙත සපයයි.

ISO 9001:2015 සහ 14001:2015 සහතික හිමි Agromet Asia සමාගමට REACH සහතිකය ද (EU and UK REACH) පිරිනමා ඇත.

ජාත්‍යන්තර කීර්තියට පත් ජර්මානු විශේෂඥ දැනුම සහ අති නවීන යටිතල පහසුකම්වලින් යුත් පර්යේෂණ සහ සංවර්ධන ඒකකයක් සතු Agromet Asia සමාගම 2000 වර්ෂයේදී ආරම්භ කළ තැන් පටන් අඛණ්ඩව දැවැන්ත වර්ධනයක් පෙන්නුම් කර තිබේ. විශේෂයෙන්ම තම ව්‍යාපාර මෙහෙයුම් ප්‍රසාරණය කරන අතරතුර නව වෙළෙඳපොළවල් කරා ප්‍රවේශවෙමින් ශ්‍රී ලංකාවේ අපනයන අංශයට ශක්තියක් වීමට ද රැකියා අවස්ථා ජනනය කිරීම ඇතුළු ආර්ථික සංවර්ධනයට දායක වීමට ද Agromet Asia සමාගමට හැකිවී තිබේ.

ශ්‍රී ලංකාවේ ප්‍රමුඛතම මෙන්ම වඩාත් ඇගයීමට පත්, වගවීමෙන් යුත් සහ සමාජ වගකීම් දරන සමාගමක් ලෙස Agromet Asia පුද්ගලික සමාගම මෙරට විශාලතම ෆෙරස් නොවන ලෝහ නිෂ්පාදන සමාගම ලෙස තිරසරභාවය වෙනුවෙන් පියවර රැසක් ගෙන තිබේ. සමාගමේ කර්මාන්තශාලා සූර්ය බලශක්තියෙන් බලගැන්වෙන අතර, 2022 සහ 2023 වසරවලදී සමාගමේ ආයතනික සමාජ සත්කාර වෙනුවෙන් EcoVadis ලෝකඩ සම්මානය ද දිනාගැනීමට සමත්විය. ඒ හරහා EcoVadis මගින් ඇගයීමට ලක්වූ හොඳම සමාගම් ගොන්නට ඇතුළත් වීමට ද Agromet Asia සමාගමට හැකිවිය. EcoVadis ශ්‍රේණිය යනු ගෝලීය වශයෙන් පිළිගැනීමට ලක්වූ සැපයුම් ඇගයුම් පද්ධති නිර්ණායකයක් ද වේ. මේ අතර, හොරණ ප්‍රදේශයේ ජනතාවගේ සුබසිද්ධිය වෙනුවෙන් ප්‍රජා සංවර්ධන වැඩසටහන් රාශියක් ක්‍රියාවට නැංවීමට ද සමාගම පියවර ගෙන තිබේ.

 




 

 

ලංකා ව්‍යාපාරික පුවත් - LBN


Leave a Reply

Your email address will not be published. Required fields are marked *

5 × 4 =


අපි ගැන

ශ්‍රී ලංකාවේ ප්‍රමුඛ පෙළේ ඔන්ලයින් බිස්නස් නිවුස් ද්වාර අතරට ලංකා බිස්නස් නිවුස් ඇතුළත් වේ. අපි ප්‍රවෘත්ති පමණක් නොව, පවත්නා ප්‍රවෘත්ති අයිතමයක නිරීක්ෂණ සහ විය හැකි ඇඟවුම් මත පදනම් වූ ඉදිරිදර්ශනයක් ඉදිරිපත් කරමු. LBN ගෝලීය ආර්ථික හෝ කාර්මික සංවර්ධනයක බලපෑම පිළිබඳ අවබෝධයක් ලබා දෙන අතර එමඟින් පාර්ශවකරුවන්ට දැනුවත් හා ගණනය කළ තීරණ ගැනීමට උපකාරී වේ.




Follow Us


පුවත් පත්‍රිකාව