ලංකා ව්‍යාපාරික පුවත් - LBN
ශ්රී ලංකාවේ සෞඛ්‍ය ක්ෂේත‍්‍රයෙහි වටිනාකම දිනෙන් දින ඉහළ නැංවීම සඳහා සිය ප‍්‍රයත්නය තව දුරටත් ශක්තිමත් කරමින් විවිධාංගීකරණය වූ සමාගම් සමූහයක් වන සන්ෂයින් හෝල්ඩින්ග්ස් සමාගමට අයත් මෙරට ප‍්‍රමුඛතම ඔසුසැල් ජාලය වන හෙල්ත්ගාඞ් (Healthguard Pharmacies Limited) ඖෂධ බෙදාහැරීමේ ක්ෂේත‍්‍රයේ පෙරළියක් සිදු කරමින් ‘Infinity’ නමින් නව සේවාව දියත් කළ බව පසුගියදා නිවේදනය කළේය. දේශීය ඖෂධ ආනයනකරුවන්ට සහ නිෂ්පාදකයන්ට ශ්රී ලංකාව පුරා ඇති ඖෂධ අලෙවිසැල්වලට ඔවුන්ගේ ඖෂධ වඩාත් පුළුල් ලෙස බෙදා හැරීමට අවස්ථාවක් හිමි කර දීම මෙම සේවාවේ අරමුණයි.
ශ්රී ලංකාවේ ඖෂධ හා සුව සේවා නිෂ්පාදන ආනයනකරුවන් හා නිෂ්පාදකයින් විශාල සංඛ්‍යාවක් බොහෝ විට සිය නිෂ්පාදන බෙදා හරිනු ලබන්නේ තනිව හෝ තෙවන පාර්ශවයක ආධාරයෙනි. එහෙත් යම් යම් සීමාවන් හේතුවෙන් පසුගිය කාලයේදී ඖෂධ බෙදාහැරීමේදී මෙම බෙදා හරින්නන්ට විවිධ බාධකවලට මුහුණ දීමට සිදු විය. මෙම අවස්ථාව ව්‍යාපාරික උපායමාර්ගයක් ලෙස හඳුනාගත් හෙල්ත්ගාර්ඞ් දිවයින පුරා සිටින සන්ෂයින් හෙල්ත්කෙයාර් හි බෙදා හැරීමේ ජාලයේ සහායෙන් ජාතික බෙදා හැරීමේ සේවා සැපයුම්කරුවකු ලෙස ඖෂධ නිෂ්පාදකයන්ට මෙන්ම ආනයනකරුවන්ටද සේවා සපයා ගැනීමේ පහසුකම් ද ලබා දෙයි.
ශ්රී ලාංකේය සුව සේවා ආයතනයක් විසින් දියත් කරන ලද ප‍්‍රථම ඖෂධ බෙදාහැරීම් සේවා ආකෘතිය ලෙස ද හඳුන්වා දිය හැකි ‘Infinity’ සේවාව හෙල්ත්ගාර්ඞ් සහ සන්ෂයින් හෙල්ත්කෙයාර්හි පළපුරුදු විශිෂ්ට බෙදාහැරීම් කණ්ඩායමේ දායකත්වය යටතේ ශ්රී ලංකාවේ ඖෂධ සමාගම් සමග සමීපව කටයුතු කරමින් ඖෂධ බෙදාහැරීමේ සේවාව නව මානයකට ගෙන යනු ඇත.
මෙම නවතම බෙදාහැරීමේ ආකෘතියේ සේවාවන් ලෙස,
- රට පුරා අලෙවි මධ්‍යස්ථාන 3000කට අධික සංඛ්‍යාවකට සේවය සලසන ප‍්‍රාදේශීය බෙදාහැරීම් මධ්‍යස්ථාන 5ක්
- සෙල්සියස් අංශක 2-8 දක්වා ශීත උෂ්ණත්වයක් ගබඩා කර තැබීමේ පහසුකම්
- මනා පුහුණුවක් ලද අතිදක්ෂ කාර්ය මණ්ඩලය
- පැය 24 පුරා ඖෂධ සැපයීම වෙනුවෙන් කැපවූ බෙදාහැරීමේ කණ්ඩායම
- හදිසි ඇනවුම් බෙදාහැරීම, ප්රධාන ඖෂධ නිෂ්පාදන නැවත භාරගැනීමේ සහ පාරිභෝගික පැමිණිලි
ඵලදායී ලෙස මෙහෙයවීම
- අදාල ආයතනවල නීති සහ රෙගුලාසි වලට අනුකූලව ඖෂධ බෙදාහැරීම් කටයුතු සිදු කිරීම
- නියමිත උෂ්ණත්වයක් පවත්වා ගෙන යන බෙදා හැරීමේ වාහන සමූහයක් තිබීම
- (නගර අනුව, නිෂ්පාදන වර්ගය අනුව, පාරිභෝගිකයා අනුව) ඕනෑම ඖෂධ නිෂ්පාදනයක් සම්බන්ධ විකුණුම් තොරතුරු
වඩා උසස් සේවාවක් ලබා දීම වෙනුවෙන් මෙම සේවාවන්හි කාර්යක්ෂමතාව ඉහළ නැංවීම වෙනුවෙන් කෘතිම බුද්ධිය, යන්ත‍්‍රතෝපකරණ දැනුම මෙන්ම ක්ලවුඞ් විශ්ලේෂණයන් වැනි නව තාක්ෂණික ක‍්‍රමෝපායන් යොදා ගැනීම ‘Infinity’ හි විශේෂත්වයකි. එය ඖෂධ බෙදා හැරීමේ ක‍්‍රියාවලියේදී දේශීය ඖෂධ නිෂ්පාදකයාගේ හෝ ආනයනකරුවාගේ ඕනෑම ඖෂධ සම්බන්ධ අවශ්‍යතාවක් සපුරාලනු ඇත. තවද මෙම ආයතනවලට ශ්රී ලංකා පුරා ඔවුන්ගේ ඖෂධ බෙදා හැරීමේ කටයුතු සැලකිය යුතු ලෙස වර්ධනය කර ගැනීමට ද හැකි වනු ඇත.
මෙම නවතම සේවාව පිළිබදව අදහස් දැක්වූ සන්ෂයින් හෙල්ත්කෙයාර් ලංකා කළමනාකාර අධ්‍යක්ෂ ශ්‍යාම් සතාසිතවම් මහතා ‘‘ශ්රී ලංකාවේ සුව සේවා ක්ෂේත‍්‍රයේ හදවත ලෙස ඖෂධ බෙදාහරින්නන් හඳුන්වා දිය හැකියි. ඒ හරහා අප විසින් අදාල රෝගීන්ට නිවැරදිම ඖෂධ අවශ්‍ය වේලාවට පූර්ණ විනිවිදභාවයකින් යුතුව ලබා දෙමින් රෝගීන්ගේ ආරක්ෂාව තහවුරු කිරීම සඳහා ඉතා භාරදුර කාර්යයක් ඉටු කරනු ලබනවා. ‘Infinity’ හඳුන්වා දීම තුළින් අපගේ සුව සේවා ව්‍යාපාරය වෙත සය ආකාරයකින් දායකත්වය දැක්වීමට අපට හැකිවනවා. බෙදාහැරීම සේවාවක් ලෙස සිදුකිරීමේ ඖෂධ බෙදාහැරීමේ ආකෘතිය තූලින් එම ක්ෂේත‍්‍රය වේගයෙන් දියුණුව කරා ගෙන යාමට අපගේ බෙදාහැරීමේ ක‍්‍රියාවලිය ඉවහල් වනු ඇතැයි අප බලාපොරොත්තු වනවා. එසේම ඩිජිටල් හා විශ්ලේෂණාත්මක භාවිතයන් තුළින් ශ්රී ලංකාවේ සියලූ ඖෂධ නිෂ්පාදකයන් මෙන්ම ආනයනකරුවන් වෙනුවෙන් සුවිශේෂී බෙදාහැරීමේ සේවාවක් බවට හෙල්ස්ගාර්ඞ් පත්වනු ඇතැයි මගේ විශ්වාසයයි.’’ යනුවෙන් පැවසුවේය.
තවද සේවාවක් ලෙස තොරතුරු ප‍්‍රවේශය හා තාක්ෂණික දැනුම තුළින්‘Infinity’බෙදාහැරීමේ සේවාව තවදුරටත් කාර්යක්ෂම කිරීමට කටයුතු කර ඇති හෙල්ත්ගාර්ඞ් ඒ හරහා සැපයුම් දාම ක‍්‍රියාවලියේ කේන්ද්‍රස්ථානය වන පාරිභෝගික ඔසුසැල් ජාලයට ඔවුන්ගේ හවුල්කාර ආයතන තුළින් ලැබෙන දත්ත හා තොරතුරු ලබා දීමට හැකියාව ලැබේ. එය පාරිභෝගික අවබෝධය ඉහළ නැංවීමට මෙන්ම සේවාවෙහි කාර්යක්ෂමතාව ඉහළ නංවා ගැනීමටද සමාගම්වලට අවස්ථාව සළසා දෙනු ඇති අතර ඒ හරහා මෙරය සෞඛ්‍ය ක්ශේත‍්‍රය වෙත සුවිසල් ප‍්‍රතිලාභ ලබා දීමේ හැකියාවද උදාකර දෙනු ලබයි.
1967 වසරේදී ආරම්භ කරන ලද සන්ෂයින් හෙල්ත්කෙයාර් ලංකා ඖෂධ, වෛද්‍ය උපකරණ සහ පාරිභෝගික සෞඛ්‍ය නිෂ්පාදන යන අංශයන් යටතේ ශ්රී ලංකාව තුළ සිය ව්‍යාපාර කටයුතු වර්ධනය කරගැනීමට බලාපොරොත්තුවන ජාත්‍යන්තර සෞඛ්‍ය සේවා සමාගම් විසින් තෝරාගනු ලැබූ මෙරට හවුල්කරුවකු ලෙස කටයුතු කරනු ලබයි. රටපරා විහිදුණු පුලූල් වෙළෙදපොලක් වෙත සේවා පයනු ලබන සමාගමක් වන සන්ෂයින් හෙල්ත්කෙයාර් ඒ සදහාම සුවිශේෂී වූ සෞඛ්‍ය සේවා කණ්ඩායමකින් මෙන්ම ඖෂධ අලෙවිකරණ සහ විකුණුම් සාමාජිකයන් 300කගෙන්ද, බෙදාහැරීම් නියෝජිතයන් 200කගෙන්ද සන්නද්ධය.
SHL හි පූර්ණ අනුබද්ධිත සමාගමක් වන හෙල්ත්ගාර්ඞ් ෆාමසි ලිමිටඞ් කොළඹ නගර සීමාව තුළ ෆාමසි 23කට හිමිකම් කියයි. ඔවුන්ගේ නවතම ඖෂධ සන්නාමය සතු විවිධ ඖෂධ වර්ග, සුවතා සහ රූපලාවන්‍ය නිෂ්පාදන මෙරට සෞඛ්‍ය සේවාවන් පාරිභෝගිකයන් වෙත ලබා දීමේදී සුවිශේෂී ස්ථානයක් අත්පත් කරගෙන ඇත.
