ශ්රී ලංකාව තුළ වාහන හිමිකාරිත්වය ලබා ගැනීම නවමු මාවතකට යොමු කිරීම සඳහා හැටන් නැෂනල් බැංකුව, යුරෝ මෝටර්ස් (Euro Motors) සමඟ පසුගියදා අත්වැල් බැඳගත්තේය. මේ හරහා හඳුන්වා දෙන නවීන මූල්ය විසඳුම් නිසා පාරිභෝගිකයින්ට උසස් තත්ත්වයේ වාහන ඉතා පහසුවෙන් මිලදී ගැනීමට අවස්ථාව සැලසේ. මෙරට පාරිභෝගිකයන්ට ඉහළ පෙළේ වාහන වඩාත් පහසුවෙන් සහ සහනදායී මිලකට මිලදී ගැනීමට හැකිවන අයුරින් සකස් කළ ලීසිං සැලසුම් රැසක් මෙම සහයෝගීතාවය ඔස්සේ වෙළෙඳපොළට හඳුන්වා දෙයි. මෙහිදී, බැංකු ක්ෂේත්රයේ HNB සතු දශක ගණනාවක විශ්වාසනීයත්වය සහ DONGFENG හා JETOUR වැනි ජාත්යන්තරව පිළිගත්, ලොව ප්රමුඛ පෙළේ වාහන මාදිලි රැසක් මෙරටට හඳුන්වා දෙන යුරෝ මෝටර්ස් හි සේවා විශිෂ්ටත්වය එකිනෙකට එක්කර ඇත.
මෙම සහයෝගීතාවයේ අරමුණ වන්නේ විශ්වාසනීය මෙන්ම සහනදායී මූල්ය පහසුකම් අපේක්ෂා කරන පාරිභෝගිකයන්ට අත්වැලක් වීමයි. එමෙන්ම, මෙරට මෝටර් රථ වෙළෙඳපොළ තුළ DONGFENG හා JETOUR වාහන සඳහා ඇති ඉල්ලුම තවදුරටත් වර්ධනය කිරීම ද මෙයින් බලාපොරොත්තු වේ. මෙම හවුල්කාරිත්වය තුළින් පාරිභෝගිකයින්ගේ පුද්ගලික මෙන්ම ව්යාපාරික අවශ්යතාවලට මනාව ගැළපෙන, ආකර්ෂණීය ලීසිං ප්රතිලාභ රැසක් හිමිවේ. කාලයෙන් කාලයට වෙනස් වන ප්රවාහන අවශ්යතාවලට සරිලන පරිදි මෙම ප්රතිලාභ සැලසුම් කර ඇත.
මෙම හවුල්කාරීත්වය පිළිබඳව අදහස් දක්වමින් HNB හි ජ්යෙෂ්ඨ උප සභාපති/පාරිභෝගික බැංකුකරණ ප්රධානී කාංචන කරුණාගම මහතා පැවසුවේ “සියලු ශ්රී ලාංකිකයින්ගේ සිහින සැබෑ කරගැනීම සඳහා ශක්තියක් වන නව්ය මූල්ය විසඳුම් හඳුන්වා දීමට HNB අපි සැමවිටම කැපවී සිටිනවා. යුරෝ මෝටර්ස් සමාගම සමඟ ඇති කරගත් මෙම හවුල්කාරිත්වය තුළින් පාරිභෝගිකයා කේන්ද්ර කරගත්, පහසුවෙන් ලබාගත හැකි ලීසිං පහසුකම් ලබා දීමට අප දක්වන විශේෂ අවධානය මනාව පෙන්නුම් කරනවා. මෙරට වඩාත් ගෞරවාදරයට පාත්ර වූ මූල්ය ආයතනයක් ලෙස HNB සතු මූල්ය ශක්තිය, විශ්වාසය සහ විශිෂ්ට පාරිභෝගික සේවාව මෙම සියලු පහසුකම් පිටුපස ඇති ප්රධානතම ශක්තියයි.” යනුවෙනි.
“HNB සමඟ වන මෙම හවුල්කාරීත්වය මෙරට පාරිභෝගිකයින් වෙත ජාත්යන්තර මට්ටමේ වාහන පහසුවෙන් සමීප කරවීමට තැබූ සුවිශේෂී පියවරක් ලෙස හැඳින්විය හැකියි. DONGFENG හා JETOUR වාහන සතු විශිෂ්ටත්වය මෙන්ම නවීන තාක්ෂණය, මූල්ය ක්ෂේත්රයේ HNB සතු ප්රමුඛ පෙළේ මූල්ය පහසුකම් සමඟ එකට එක් වීමෙන් උසස් ක්රියාකාරීත්වයක්, විශ්වාසනීයත්වයක් සහ සාධාරණ මිලක් අපේක්ෂා කරන පාරිභෝගිකයින්ට මෙය අගනා අවස්ථාවක් වනු නොඅනුමානයි. මෙම හවුල්කාරිත්වය පාරිභෝගික විශ්වාසය තවදුරටත් ශක්තිමත් කිරීමටත්, අපගේ වාහන මාදිලි රට පුරා ජනප්රිය කරවීමටත් විශාල දායකත්වයක් ලබා දෙනු ඇතැයි අප විශ්වාස කරනවා.” යනුවෙන් යුරෝ මෝටර්ස් සමාගම වෙනුවෙන් අදහස් දක්වමින් එහි ප්රධාන මෙහෙයුම් නිලධාරී රවීන්ද්ර සේනාරත්න මහතා පැවසුවේය.