ICC පිරිමි T20 ලෝක කුසලානයේ උණුසුම ශ්රී ලාංකේය ප්රේක්ෂක හදවත්වලට සමීප කරමින් ලෝක කුසලානය සඳහා නිර්මාණය කළ කොකා-කෝලා හි සන්නාමගත ට්රක් රථය ශ්රී ලංකාවේ ප්රධාන නගර රැසක් වෙත ගෙන යාමට සමත් විය.
ක්රිකට් ක්රීඩාවේ උණුසුම සමඟින් විදුලි පහන්වලින් ආලෝකමත් වූ කුඩා ක්රීඩා පිටියක අසිරිය ශ්රී ලංකාවේ බොහෝ නගරයන් වෙත ගෙන යමින් රසික ආකර්ෂණය දිනා ගැනීමට ඊට හැකි විය. විශේෂයෙන් සෑම කෙනෙකුටම T20 ලෝක කුසලානයේ සියලු තරඟ නැරඹීමට ආරාධනා කරමින් ක්රීඩාශීලීත්වය ඔප් නංවන සංගීතය, කැමරාකරණය සහ ප්රේක්ෂක සහභාගීත්වය සමඟ ට්රක් රථය තුලින් අමතක නොවන අත්දැකීමක් ලබා දීමට කොකා-කෝලා කටයුතු කළේය. ක්රීඩා ලෝලීන්ගේ නොමඳ ආකර්ෂණය දිනා ගැනීම වෙනුවෙන් සුවිශේෂී ක්රියාකාරකම් රැසක් ඒ සමඟ එක් කිරීමටද කොකා-කෝලා කටයුතු කර ඇත.
මේ සම්බන්ධයෙන් අදහස් දැක්වූ කොකා-කෝලා හි මෙරට ප්රධානී මරියෝ පෙරේරා මහතා සඳහන් කර සිටියේ “ශ්රී ලංකාවේ හදවත බඳු ක්රිකට් සහ තරුණ සංස්කෘතිය එකට එක් කළ අවස්ථාවක් ලෙස කොකා-කෝලා ක්රිකට් රසික ට්රක් රථය පෙන්වා දිය හැකියි. කොළඹ නගරය පුරා සැරිසරමින් තරුණ තරුණියන්ට නවමු අත්දැකීමක් ලබා දීමට හැකි වූ එම ට්රක් රථය තුලින් ක්රිකට් ක්රීඩාවට එහා ගිය චමත්කාරයක් එක් කිරීමට අපට හැකි වුණා.” යනුවෙනි.
කොළඹ නගරයේ මාර්ගවලට අලංකාරයක් එක් කරමින් මෙම ට්රක් රථය සමඟ ඉදිරියට ඇදුණ කොකා-කෝලාහි කුඩා පෙළ පාලිය කාගේත් අවධානය දිනා ගැනීමට සමත් විය. පපරේ සංගීතය සමඟින් මාර්ගයට එක් වුණු කොකා-කෝලා සන්නාමය සහිත ජීප් රථය සහ බයිසිකල්වලට අමතරව සුවිශේෂී කොකා-කෝලා මැස්කොට් දර්ශනයද රසවත් අත්දැකීමක් ප්රේක්ෂකයන්ට ලබා දුන් බව රහසක් නොවේ. සැබැවින්ම එය 20-20 ලෝක කුසලානයේ ක්රීඩාශීලීත්වය ජනතාවගේ හදවත් තුල රෝපණය කිරීමට සමත් වූ බව පැහැදිලිය.
මීට අමතරව විවිධ නගරයන්හිදී ක්රිකට් ක්රීඩා ලෝලීන්ට සජීවීව ක්රිකට් තරඟ නැරඹීමේ අවස්ථාවද මෙම ට්රක් රථය තුලින් උදා කර දෙන ලදී. ක්රිකට් තරඟය ක්රීඩා ප්රේක්ෂකාගාරයේ සිට නරඹන ආකාරයේ අත්දැකීමක් ඒ තුලින් ප්රේක්ෂකයා වෙත ලබා දීමට සමත්ව සිටියි.
කොළඹ, ගම්පහ, මීගමුව, කුරුණෑගල, ගාල්ල සහ මහනුවර ඇතුළු ප්රධාන නගර 14කදී ක්රිකට් ලෝක කුසලානයේ චමත්කාරය ක්රීඩා ලෝලීන් වෙත රැගෙන යාමට කොකා-කෝලාහි මෙම ට්රක් රථය කටයුතු කරනු ලැබුවේ සැබෑ ක්රීඩාශීලීත්වය ඔවුන් වෙත කැන්දාගෙන එමිනි.